ನಿಮ್ಮ ಮನೆಯಲ್ಲಿ ಕನ್ನಡವನ್ನು ನೀವು ಮೂಲೆಗುಂಪು ಮಾಡಿರಬಹುದು. ಆದರೆ ನಮ್ಮ ಮನೆಯಲ್ಲಿ ಇಂದಿಗೂ ಚಾಕಲೇಟಿನ ಸಿಪ್ಪೆ, ಕಸದ ಬುಟ್ಟಿ, ಅಡುಗೆ ಕೋಣೆ, ಸ್ನಾನದ ಕೋಣೆ, ಇತ್ಯಾದಿ ಪದಗಳನ್ನು ಬಳಸುತ್ತಿದ್ದೇವೆ. ನನ್ನ ಮಕ್ಕಳು ಕನ್ನಡದ ಪುಸ್ತಕಗಳನ್ನು ಓದುತ್ತಾರೆ. ಉದಾ: ದೇವುಡು ಮಹಾಭಾರತ, ಅಜೇಯ, ಆತ್ಮಾಹುತಿ, ತೇಜಸ್ವಿಯವರ ಮಿಲೇನಿಯಂ ಪುಸ್ತಕಮಾಲೆ, ಅನಂತರಾಂ ಅವರ ಸರಸ್ವತೀ ನದಿ, ಇತ್ಯಾದಿ.

ಐದು ವರ್ಷಗಳ ಹಿಂದೆ ನಾನೊಮ್ಮೆ ಅವರಿಬ್ಬರನ್ನು ಕರೆದುಕೊಂಡು ನಾನು ಕೆಲಸ ಮಾಡುತ್ತಿದ್ದ ಕಂಪೆನಿಗೆ ಹೋಗಿದ್ದೆ. ಅಲ್ಲಿದ್ದ ನನ್ನ ಸಹೋದ್ಯೋಗಿ ರಶ್ಮಿ ಎಂಬಾಕೆ ನನ್ನ ಮಗನಲ್ಲಿ ಕೇಳಿದಳು "ಮಮ್ಮಿ ಮನೆಯಲ್ಲೇ ಇದ್ದಾರೋ" ಎಂದು. ಅದಕ್ಕೆ ನನ್ನ ಮಗನೆಂದ "ಮನೆಯಲ್ಲಿ ಅಮ್ಮ ಇದ್ದಾರೆ. ಮಮ್ಮಿ ಈಜಿಪ್ಟಿನಲ್ಲಿ".

ಸಿಗೋಣ,
ಪವನಜ