ಇಲ್ಲಿ ನಾನು ಒಂದು ವಿಚಾರವನ್ನು ಹೇಳಬೇಕು. ಕನ್ನಡದಲ್ಲಿ "ಅರ್ತಿ" ಎಂಬ ಒಂದು ಪದವಿದೆ. ಸಾಮಾನ್ಯವಾಗಿ, ನೀವು ಯಾವುದೇ ಹಳಗನ್ನಡ ಕಾವ್ಯ ಓದಿದರೂ ಇದು ಅಚಾನಕ್ ಆಗಿ ಸಿಗುತ್ತದೆ.

"ಅರ್ತಿ" ಎಂದರೆ ಪ್ರೀತಿ, ಮಮತೆ. ಇದರ ವೈಶಿಷ್ಟ್ಯವೆಂದರೆ, ಈ ಪದ ಕನ್ನಡದಲ್ಲಿಯೇ ಕಾನ್ಸೆಪ್ಚುಯಲೈಸ್ ಆಗಿರುವಂಥದ್ದು. ಅಂದರೆ ಬೇರೆ ಭಾಷೆಯಲ್ಲಿರುವ ಒಂದು ಕಾನ್ಸೆಪ್ಟ್ ತೆಗೆದುಕೊಂಡು, ಅದನ್ನು ಕನ್ನಡಿಸಿರುವುದಲ್ಲ. ಬದಲಾಗಿ ಕನ್ನಡದಲ್ಲಿಯೇ ಹುಟ್ಟಿರುವಂಥದ್ದು.

ಇದರ ನಿಘಂಟಿನ ಅರ್ಥ ಬೇಕಿದ್ದರೆ, ಇಲ್ಲಿ ನೋಡಿ
ಅರ್ತಿ - ಕನ್ನಡ
ಅರ್ತಿ - ತುಳು

"ಅಸಂಖ್ಯ ಕನ್ನಡಂಗಳನ್ನು" ಒಂದಾಗಿಸುವಲ್ಲಿ ಈ "ಅರ್ತಿ" ಪದ ನೆರವಿಗೆ ಬರುತ್ತದೆ. ತುಳುವಿನಲ್ಲಿಯೂ ಈ ಪದ ಇದೆ ಎಂಬುದಾಗಿ ದ್ರಾವಿಡ ನುಡಿಕೋಶ ಹೇಳತ್ತೆ. ಹಾಗೆಯೇ ಅರ್ತಿ ಎಂಬುದಕ್ಕೆ ಇನ್ನೂ ಒಂದು ಅರ್ಥವನ್ನು ಹೊಸಗನ್ನಡದಲ್ಲಿ ನೀಡಬಹುದು.

ಕನ್ನಡದಲ್ಲಿ "ಅಱ" ಎಂದರೆ ಧರ್ಮ, ನ್ಯಾಯ ಎಂಬರ್ಥವಿದೆ. ಈ ಹಿನ್ನೆಲೆಯಲ್ಲಿ "ಅರ್ತಿ" (ಹೇಗೆ ಗೆಳೆ->ಗೆಳತಿ ಹಾಗೆ, ಅರ->ಅರತಿ->ಅರ್ತಿ) ಎನ್ನುವುದನ್ನು ಸ್ತ್ರೀಲಿಂಗರೂಪವಾಗಿ ಅಂತ ತಿಳಿದರೆ "ನ್ಯಾಯದೇವತೆ" ಎಂದಾಗುತ್ತದೆ. ಅಂಥವಾ ಲಿಂಗನಿರ್ದೇಶನ ಬೇಡ ಎನ್ನುವುದಾದರೆ, ಪ್ರೀತಿ, ಮಮತೆ, ಕಾಳಜಿ ಎಂಬ ಅರ್ಥ ಸಿಗುತ್ತವೆ.

ತುಂಬಾ ಶಕ್ತಿಶಾಲಿಯಾದ ಪದ ಇದು. "ಅರ್ತಿ"