ಸೋಮೇಶ್ವರರೆ,

ನೀವು ಹೇಳುವುದು ಸರಿಯೇ ಆದರೂ, ಅದರಲ್ಲಿ ಒಂದು ಹೆಚ್ಚಿನ ಮಾಹಿತಿ ಸೇರಿಸಬಯಸುವೆ.

ನೀವು ಹೇಳಿದಿರಿ:

" ನಾವು ಒಂದು ಸಲ ಬಾನನ್ನು ನೋಡಿದರೆ, ಸೂರ್ಯನು ಧನುರ್ ರಾಶಿಯನ್ನು ಬಿಟ್ಟು ಮಕರ ರಾಶಿಯನ್ನು
ಡಿಸೆಂಬರ್ ೨೧ ರಂದು ಪ್ರವೇಶಿಸುವುದು ಕಾಣುತ್ತದೆ. ಜನವರಿ ೧೪ ರಂದು ಅಲ್ಲ! ಆದರೆ ನಾವು ಮಕರ
ಸಂಕ್ರಾಂತಿಯನ್ನು ಜನವರಿ ೧೪ ರಂದು ಆಚರಿಸುತ್ತಿದ್ದೇವೆ "

ಉತ್ತರಾಯಣ ಡಿಸೆಂಬರ್ ೨೧/೨೨ರಂದು ಬರುತ್ತದೆ ಎನ್ನುವುದು ಸರಿಯಾದ ವಿಚಾರವೇ. ಎಂದರೆ, ಈ ದಿನ ಸೂರ್ಯ ಬಾನಿನಲ್ಲಿ ಅತೀ ದಕ್ಷಿಣ (ಪೂರ್ವ) ದಲ್ಲಿ ಕಾಣುತ್ತಾನೆ. ಈ ದಿನದ ನಂತರ ಉತ್ತರ ಕ್ಕೆ ಚಲಿಸತೊಡಗುತ್ತಾನೆ.

ಆದರೆ, ಡಿಸೆಂಬರ್ ೨೧ರಂದು ನೀವು ಸೂರ್ಯ ಮಕರ ರಾಶಿಯನ್ನು ಪ್ರವೇಶಿಸುವುದನ್ನು ಕಾಣಲಾರಿರಿ.

ಪ್ರಿಸಿಶನ್ ಪ್ರಭಾವದಿಂದ ಮೇಷದ ಮೊದಲ ಬಿಂದು (First point of Aries) ಎಂದು ಏನನ್ನು ಕರೆಯುತ್ತೇವೋ ಅದು ಹಿಂದೆ ಹೋಗಿದೆಯೇ ಹೊರತು, ಮೇಷ ರಾಶಿ (ಕಣ್ಣಿಗೆ ಕಾಣುವಂತೆ) ಹಿಂದೆ ಹೋಗಿಲ್ಲ. ಅದು ಇದ್ದಲ್ಲೇ ಇದೆ. ಈಗ ಆ ಬಿಂದು ಮೀನ ರಾಶಿಯಲ್ಲಿದೆ. ಇನ್ನೂ ಕೆಲವು ನೂರು ವರ್ಷಕ್ಕೆ ಕುಂಭ ರಾಶಿಗೆ ಹೋಗಿರುತ್ತೆ. ಅಲ್ಲವೆ?

ಇದಕ್ಕೆ ಕಾರಣ ಭಾರತೀಯ ಪಂಚಾಂಗ ನಿರಯನ ಆಗಿದ್ದು ಅಯನಾಂಶ (ಪ್ರಿಸಿಶನ್ ) ವನ್ನು, ಈ ಲೆಕ್ಕಾಚಾರದಲ್ಲಿ ಗಣಿಸದೇ ಇರುವುದೇ ಆಗಿದೆ. ಈ ಕಾರಣದಿಂದಲೇ, ಕಾಲಗಳು ( ಋತುಗಳು) ಅವು ಹೇಳುವ ಕಾಲಕ್ಕಿಂತ ಮೊದಲೇ ( ಈಗ ಸುಮಾರು ಮೂರುವಾರ ಮೊದ್ಲಲೇ) ಆರಂಭವಾಗಿಬಿಡುತ್ತವೆ!

-ಹಂಸಾನಂದಿ