೧. ಬೇರೆ ಭಾಷೆಗಳ ಪದಗಳು ನಮ್ಮ ಭಾಷೆಯನ್ನು ಹೆಚ್ಚು ಶ್ರ್‍ಇಮಂತಗೊಳಿಸುವದಿಲ್ಲವೇ? ( ಇಂಗ್ಲೀಷು ಬೆಳೆದಿರುವದೇ ಹೀಗೆ) ಸಂಸ್ಕೃತ ನಮ್ಮ ಪುರಾತನ ಜ್ಞಾನ ಭಾಂಡಾರಕ್ಕೆ ಕೀಲಿಕೈಯಾಗಿದೆ; ಹಾಗೆಯೇ ಇಂಗ್ಲೀಷು ಹೊಸ ತಂತ್ರಜ್ಞಾನಕ್ಕೆ, ಜಗತ್ತಿಗೆ ಕೀಲಿಕೈಯಾಗಿದೆ. ಮತ್ತು ಇನ್ನೊಂದು ಪ್ರಶ್ನೆ. ಇಂಗ್ಲೀಷು ಶಬ್ದಗಳು ಕನ್ನಡದಲ್ಲಿ ಇರದಿದ್ದರೆ ,
ಈ ವಾಕ್ಯಗಳು ಹೇಗಿರುತ್ತಿದ್ದವು ?

ಮೊಬೈಲು ತಗೊಂಡವಳು ಬಯಲಿಗೆ ಬಾರಳೇ?
ಬಯಲು ಸೀಮೆ; ಮೊಬೈಲು ಸೀಮೆ.
ವಂಡರ್‍ ಲಾ - ಇಲ್ಲಿಗೆ ಬನ್ರೆಲಾ !

೨. ಆದರೆ ನಮ್ಮ ಭಾಷೆಗೆ ಹಾನಿಯಾಗಬಾರದು .

೩. ಸಂಸ್ಕೃತದ ಅನೇಕ ಶಬ್ದಗಳು ಈಗಾಗಲೇ ಕನ್ನಡದಲ್ಲಿ ಹಾಸು ಹೊಕ್ಕಾಗಿದ್ದು ಭಾಷೆಯನ್ನು ಶ್ರೀಮಂತಗೊಳಿಸಿವೆ. ಹಿಂದಿರುಗಿ ನೋಡುವ ಪ್ರಶ್ನೆಯಿಲ್ಲ .

೪. ಆದರೆ ಅನಗತ್ಯವಾಗಿ ಪರಭಾಷೆಯ ಶಬ್ದಗಳನ್ನು ಬಳಕೆಗೆ ತರಬಾರದು . ಸಾಧ್ಯವಿದ್ದಲ್ಲಿ ಸಾದ್ಯವಿದ್ದಷ್ಟೂ ಕನ್ನಡಪದಗಳನ್ನೇ ಬಳಸಬೇಕು. ಬಳಕೆಯಲ್ಲಿರುವ ಕನ್ನಡದ ಪದಗಳನ್ನು ಕೈಬಿಡಬಾರದು. ಬಳಕೆ ತಪ್ಪಿರುವ ಅಚ್ಚಗನ್ನಡದ ಪದಗಳನ್ನು ಬಳಕೆಗೆ ತರಬೇಕು.