ಸಂಸ್ಕೃತ ಪದದ ಬಳಕೆಯ ನಿಮ್ಮ ಮಾತನ್ನು ಒಪ್ಪಬಹುದಾದರೂ, ನೀವು ಹೇಳಿರುವ ಸ್ವತಂತ್ರ ಹಾಗು ಸ್ವಾವಲಂಬಿ ಭಾಷೆಗಳ ಬಗ್ಗೆ ಒಂದೆರೆಡು ಮಾತು.
ನನ್ನ ಪ್ರಕಾರ ಜಗತ್ತಿನಲ್ಲಿರುವ ಭಾಷೆಗಳೆಲ್ಲ ಸ್ವತಂತ್ರವೇ. ಅವು ಕೆಲವೊಂದು ನಿರ್ದಿಷ್ಟ ಪದಗಳನ್ನ ಎರವಲು ಪಡೆಯುತ್ತವಷ್ಟೆ. ಅಲ್ಲ ರೀ ಕನ್ನಡ ಸ್ವತಂತ್ರವಾಗಿರದಿದ್ದರೆ, ತತ್ಸಮ ತದ್ಭವ ಗಳೇಕಿರುತ್ತಿದ್ದವು. ನೀವೇ ಪಟ್ಟಿಮಾಡಿರುವ ಪದಗಳು ಇರಲೇಬಾರದಿತ್ತಲ್ಲವೇ.
ಕನ್ನಡ ಪರಾವಲಂಬಿಯಾಗಿದ್ದರೆ ಕನ್ನಡ ಪದಗಳೇ ಇರಬಾರದಿತ್ತಲ್ಲವೇ. ಇನ್ನು ಕನ್ನಡ ಪದಗಳನ್ನು ಬಿಟ್ಟು ನಾವು ಸಂಸ್ಕೃತ ಪದ ಉಪಯೋಗಿಸಲು ಎರಡು ಕಾರಣ
೧. ಕೆಲವೊಂದು ಕಡೆಗಳಲ್ಲಿ ನಮ್ಮ ನಿರ್ಲಕ್ಷ್ಯ
೨. ಕೆಲವೊಂದು ಕಡೆಗಳಲ್ಲಿ ಅದು ಸಂಸ್ಕೃತವೇ ಕನ್ನಡವೇ ಎಂದು ತಿಳಿದಿರುವುದಿಲ್ಲ.

ಅಲ್ಲ ರೀ ಇನ್ನೊಂದು ವಿಷಯ ಸ್ಪಷ್ಟಪಡಿಸಿ,
ತಮಿಳಿನಲ್ಲಿ ಸಂಸ್ಕೃತ ಪದಗಳೇ ಇಲ್ಲವೆ, ಉದಾ, ದೇವಸ್ಥಾನಂ, ರಾಗಂ
ಹಾಗೆಯೇ ತರಕಾರಿ ಕಾರೆಟ್ಟಿಗೆ ತಮಿಳಿನಲ್ಲಿ ಏನು ಹೇಳುತ್ತಾರೆ. ಇಂಗ್ಲೀಷಿನಿಂದ ಎರವಲು ಪಡೆದರೆ ಸ್ವತಂತ್ರ, ಸಂಸ್ಕೃತದಿಂದ ಅಥವಾ ಉರ್ದುವಿನಿಂದ ಎರವಲು ಪಡೆದರೆ ದಾಸ್ಯ. ಇದೆಂಥ ಮೊಂಡು ವಾದ. ಚೆನ್ನಾಗಿದೆ.

ಕನ್ನಡದಲ್ಲಿ ಸಂಸ್ಕೃತ ಪದಗಳಿವೆ ಎಂದ ಮಾತ್ರಕ್ಕೆ ಗ್ರಾಂಥಿಕ ಕನ್ನಡಕ್ಕೆ ಸ್ವತಂತ್ರ ಅಸ್ತಿತ್ವವೇ ಇಲ್ಲ ಎಂದು ಹೇಳಬೇಡಿ. ಹೊಸ ಪದಗಳನ್ನ ಸೃಷ್ಟಿ ಮಾಡುವುದಕ್ಕೆ ನಿಮಗೆ ಸಂಸ್ಕೃತವೇಕೆ ಬೇಕು ಅರ್ಥವಾಗುತ್ತಿಲ್ಲ. ಹಾಗಾದರೆ ಸಂಸ್ಕೃತ ಗೊತ್ತಿಲ್ಲದವರು ಹೊಸ ಕನ್ನಡ ಪದಗಳನ್ನ ಸೃಷ್ಟಿ ಮಾಡಲು ಸಾಧ್ಯವೇ ಇಲ್ಲ ಎಂದು ಹೇಳುತ್ತಿದ್ದೀರೋ ಸ್ಪಷ್ಟಪಡಿಸಿ.

ನಮ್ಮ ನಿರ್ಲಕ್ಷ್ಯವನ್ನು ಬೈಯಬೇಕೇ ಹೊರತು ಕನ್ನಡವೇ ಸ್ವತಂತ್ರವಲ್ಲ ಎಂದು ಹೇಳುವುದು ತಪ್ಪು.