ಪ್ರಕಾರ, ಹಾನಿ, ಕಾರಣ, ಅವಲಂಬಿಸು/ಅವಲಂಬಿತ/ಸ್ವಾವಲಂಬಿ, ಭಾಷೆ, ಸ್ವತಂತ್ರ, ಪದ, ಸ್ವರೂಪ, ನಾಶ, ಸ್ವಂತ

ತಮಿೞು ತಾನಾಗಿಯೆ "ಸ್ವಾವಲಂಬಿ" ಭಾಷೆಯಾಗಲಿಲ್ಲ; ತಮಿೞರು ತಮಿೞು ಪದಗಳನ್ನು ಮಾತ್ರ ಬಳಸುವ (ಕೆಲವೊಮ್ಮೆ ಅತಿರೇಕದ) ಪ್ರಯತ್ನ ಮಾಡಿದರು; ಬೇರೆ ತಮಿೞರು ತಮಿೞಲ್ಲದ ಪದಗಳನ್ನು ಬಳಸುವುದನ್ನು ತಡೆದರು (ಬಿ.ಜಿ.ಎಲ್. ಸ್ವಾಮಿಯವರ "ತಮಿಳು ತಲೆಗಳ ನಡುವೆ" ಓದಿರಿ). ಕನ್ನಡಿಗರು ಹಾಗೆ ಮಾಡಿದರೆ ತಾನೆ ಕನ್ನಡ, ನಿಮ್ಮ ಮಾತಿನಲ್ಲಿ "ಸ್ವಾವಲಂಬಿ" ಆಗಲು ಸಾಧ್ಯ?

> ಕನ್ನಡ ತನ್ನ ಎಲ್ಲ ಹೊಸ ಪದಗಳಿಗೆ ಸಂಸ್ಕೃತವನ್ನು ಅವಲಂಬಿಸಬೇಕಿದೆ, ಆದ್ದರಿಂದ ಕನ್ನಡವು ಒಂದು ಅವಲಂಬಿತ ಭಾಷೆ ಹೊರತು ಸ್ವತಂತ್ರ ಭಾಷೆಯಲ್ಲ. ಆದರೆ ತಮಿಳು ಈ ಗೋಜಿಗೆ ಹೋಗದೆ ಒಂದು ಸ್ವಾವಲಂಬಿ ಭಾಷೆಯಾಯಿತು.

ಕನ್ನಡವೂ ತಮಿೞೂ ನನ್ನ ನಿಮ್ಮ ಹಾಗೆ ಓಡಾಡುವ ಪ್ರಾಣಿಗಳಾಗಿದ್ದರೆ ಏನು ಮಾಡುತ್ತಿದ್ದವೊ ಏನೊ, ಆದರೆ ಅವು ಅಲ್ಲ; ಅವು ಏನಾಗಬೇಕಾದರೂ ಏನಾಗದಿದ್ದರೂ ಅವನ್ನಾಡುವ ನಾವುಗಳೆ ಕಾರಣ. ನಿಮಗೆ "ಕನ್ನಡದಲ್ಲಿ ಸಂಸ್ಕೃತ ಹೆಚ್ಚಾಯಿತು" ಎನಿಸಿದರೆ ಆದಷ್ಟು ಅಚ್ಚಗನ್ನಡದಲ್ಲಿ ಬರೆಯುವುದು ಮಾತನಾಡುವುದು ಮಾಡಿರಿ. ನಿಮ್ಮನ್ನು ನೋಡಿ ನಾವೂ ಕಲಿತೇವು. ಆದರೆ ನೆನಪಿಡಿ: ಸಂಸ್ಕೃತ ಬೇಡವಾದರೆ ಇಂಗ್ಲಿಷ್, ಹಿಂದಿ, ಉರ್ದು, ಮರಾಠಿ ಪದಗಳನ್ನೂ ಬಿಡಬೇಕು. ನಿಮ್ಮ ಅನಾದರ ಸಂಸ್ಕೃತಕ್ಕೆ ಮಾತ್ರ ಸೀಮಿತವಾಗಬಾರದು.

ತಪ್ಪು ತಿಳಿಯಬೇಡಿ - ನಾನೂ ಹೊಸಪದಗಳಿಗೆ ಕನ್ನಡವನ್ನು ಹುಡುಕುವವನೆ. ಆದರೆ "ಸಂಸ್ಕೃತದಿಂದ ಕನ್ನಡಕ್ಕೆ ಹಾನಿ" ಎಂದದ್ದನ್ನು ಒಪ್ಪಲಾರೆ - ನನ್ನ ಅಭಿಪ್ರಾಯದಲ್ಲಿ ನಿಮ್ಮ ನಿಲುವು ಬಾಲಿಶ.