ನಾನು ಮಂಡ್ಯದಲ್ಲಿ ಬೆಳೆದವನು, ನನ್ನ ತಾಯ್ನುಡಿ ಕನ್ನಡವೆ.
ನನಗೆ ಕನ್ನಡವೊಂದು ಶಾಸ್ತ್ರೀಯ(?) ನುಡಿ(ಭಾಷೆ)ಯಾಗಬೇಕೆನ್ನುವ ಹಬ್ಬಯಕೆ(ಮಹದಾಸೆ).

ನಾನು ಹಾಗೆ ಬರೆಯಲು ಕಾರಣ(?)ಗಳಿವೆ.
1) ತಮಿಳರು ತಮಿಳು ಸಂಸ್ಕೃತದಿಂದ ಪದ(?)ಗಳನ್ನು ಪಡೆದಿಲ್ಲ, ಪಡೆದಿದ್ದರು ಅವು ಬಹಳ ಕಡಿಮೆ ಎಂದು ಹೇಳಿ(ವಾದಿಸಿ), ಆ ನುಡಿಗೆ ಆ ಪಟ್ಟವನ್ನು ಗಿಟ್ಟಿಸಿದ್ದು.

2) ಆಸ್ಪತ್ರೆಗಳಲ್ಲಿ, ಕಛೇರಿಗಳಲ್ಲಿ, ವಿಜ್ಞಾನ(ಬಿನ್ನಾಣ)/ಗಣಿತ(ಲೆಕ್ಕ) ಹೊತ್ತಿಗೆಗಳಲ್ಲಿ, ಸಂಸ್ಕೃತ(ಸಕ್ಕದ)ದ ಪದ ಬಳಕೆಯೆ ಹೆಚ್ಚು.

3) ಸಕ್ಕದ(ಸಂಸ್ಕೃತ)ದಲ್ಲಿ ಕನ್ನಡಪದಗಳ ಬಳಕೆಯಿದೆಯೆ?

ನನ್ನ ಅನಿಸಿಕೆಯಲ್ಲಿ ಪಟ್ಟಣದ ಮಂದಿಗೆ ಈ ಪದಗಳ ಮಾಹಿತಿ ಹೆಚ್ಚು. ಹಳ್ಳಿಗರು ಇನ್ನು ಅಚ್ಚಕನ್ನಡವನ್ನೆ ಬಳಸುವರು.

ಏನೇಯಿರಲಿ ನಾವು ಸಂಸ್ಕೃತ(ಸಕ್ಕದ)ಪದಗಳಿಗೆ ಹೆಚ್ಚು ಒತ್ತು ಕೊಡುವಂತೆ ಕಾಣುವುದು(ಒಬ್ಬ ಕನ್ನಡವನ್ನು ಹೊಸದಾಗಿ ಕಲಿಯಲು ಮೊದಲುಮಾಡಿದವನಿಗೆ, ಅಥವಾ(?) ಕನ್ನಡದ ಜೊತೆಗೆ ಬೇರೆ ನುಡಿಗಳನ್ನು ಬಲ್ಲವನಿಗೆ ).

ನಾವಾದರು ಕನ್ನಡ ಮತ್ತು ಸಂಸ್ಕೃತ((ಸಕ್ಕದ)ದ ಪದಗಳ ತಿಳಿವಳಿಕೆಯನ್ನು ಬೆಳೆಸಿಕೊಳ್ಳುವುದು ಒಳ್ಳೆಯದು.

ಸಿರಿಗನ್ನಡ ಚಿರಗನ್ನಡ
ಮಹೇಶ