ಒಹ್ ! ನಿಮ್ಗೆ ಅವ್ರ ವಿಷ್ಯ ಬೇಕಾ ಸಾರ್ ? ಅವರು ಹೊಳಲ್ಕೆರೆ ಹತ್ರದ ದೊಗ್ಗನಾಳ್ ನವರು. ಹೇಳ್ಬೇಕೂ ಅಂದ್ರೆ, ನನ್ನ ಬಾಲ್ಯದ ಗೆಳೆಯರು. ಅನ್ಬೊದು. ಒಳ್ಳೆ ತಿಳಿಂಡೊರು. ತಮ್ಮ ಭಾಷೆ ಸಂಪ್ರದಾಯ, ಹಾಗೂ ಪ್ರಾದೆಶಿಕ ಭಾಷೆಗೊಸ್ಕರ ಅನೇಕ ಛಾನ್ಸ್ ಗಳನ್ನು ತಾವೂ ಕಳ್ಕೊಂಡು, ತಮ್ಮ ಹೆಂಡ್ತಿಮಕ್ಕಳಿಗೂ ಅದನ್ನು ತಪ್ಸಿದಾರೆ ; ಅಂದ್ರೆ ಅವರ ಬಗ್ಗೆ ನನಗೆ ಬೇಜಾರಿಲ್ಲ. ಸಂತೋಷ ತೃಪ್ತಿ. ಯಾಕಂತೀರ ?

ಮಗ ಮೆರಿಕದಲ್ಲಿ ಬಫೆಲೋ, ನಲ್ಲಿದಾನೆ. ಇಂಜಿನಿಯರ್ ! ಅವನ್ ಕರೆದ್ ಕರೆದ್ ಸುಸ್ತಾದ. ಅವ್ವಾರು ಬರಲ್ಲ ; ಅಪ್ಪಾರು ಇಲ್ಲ. ಪಾಪ, ಸುಮ್ನಾದ. ಇನ್ನೊಬ್ಬ ಮಗ ಮೇಷ್ಟು , ಬೇಸಾಯನೂ ನೋಡ್ಕೊಳ್ತಾನೆ . ಅವನ್ ಮಗನೆ ನಾಗೇಶ್. ! ಅಂದ್ರೆ , ಮುನ್ಯಪ್ಪನೊರ್ ಮೊಮ್ಮಗ. ಈರವ್ವ, ಮುನ್ಯಪ್ಪನೊರ್ ಧರ್ಮಪತ್ನಿ. ಫಾರಿನ್ ಗೆ ಮಗನ ಹತ್ರ ಹೊಗಕ್ಕಾಸೆ. ಆದ್ರೆ, ಪತಿ ಬಿಟ್ಟು ಹೊಗಕ್ ಸಾಧ್ಯವೇ ?

ಮುನ್ಯಪ್ಪನೊರರು, ಅಂಗೂಟ ಛಾಪ್, ಅಂದ್ಕೊಂಡಿದಿರ್ ಹೆಂಗೆ. ಇಲ್ಲರಿ. ಅವರು, ಹಳೆಕಾಲದ ಬಿ. ಎ. ಪಾಸ್. ಬೊಂಬಯ್ಗೆ ಹೋಗಿ, ವಾಪಸ್ ಬಂದೊರು. ಅದೊಂದ್ ರಾಮಾಯ್ಣ !

ಇಷ್ಟು ಸಾಕಲ್ವ ಸಾರ್ ?