ಹಂಸಾನಂದಿಯವರೇ,

ಕೊನೆಗೂ ನಾನು ಓದಿದ್ದ ಋಚೆಗಳು ಸಿಕ್ಕವು. ಭಾರತದಲ್ಲಿ "ಹನ್ನೆರಡು ರಾಶಿಗಳ ರಾಶಿಚಕ್ರ"ದ ಕಲ್ಪನೆ ಋಗ್ವೇದಕಾಲದಿಂದಲೂ ಇತ್ತೆಂಬುದಕ್ಕೆ ದೀರ್ಘತಮಸ್ ಮಹರ್ಷಿಯ ಸಂಗ್ರಹ ಇಲ್ಲಿದೆ:

ದ್ವಾದಶ ಪ್ರಧಯಶ್ಚಕ್ರಮೇಕಂ ತ್ರೀಣಿ ನಭ್ಯಾನಿ ಕ ಉ ತಚ್ಚಿಕೇತ |
ತಸ್ಮಿನ್‍ತ್ಸಾಕಂ ತ್ರಿಶತಾ ನ ಶಂಕವೋsರ್ಪಿತಾಃ ಷಷ್ಠಿರ್ನ ಚಲಾಚಲಾಸಃ || (ಋಗ್ವೇದ ೧-೧೬೪-೪೮)

ಈ ದ್ವಾದಶ ವಿಭಾಗಗಳು ಹಾಗೂ ಚಕ್ರ ನಿಶ್ಚಿತವಾಗಿ ಖಗೋಲದ ವಿದ್ಯಮಾನವನ್ನೇ ಹೇಳುತ್ತಿವೆಯೆಂಬುದಕ್ಕೆ ಸಾಕ್ಷಿಯೋ ಎಂಬಂತೆ ಇದೇ ವಿಭಾಗದಲ್ಲಿಯೇ "ವಿಷುವತ್" ಎಂಬ ಸಂಪೂರ್ಣ ಖಗೋಲವೈಜ್ಞಾನಿಕ ಪದವನ್ನು ಉಪಯೋಗಿಸಿರುವುದರ ಬಗ್ಗೆ ಪಾಶ್ಚಾತ್ಯ ಪಂಡಿತರು ಮೂಕವಿಸ್ಮಿತರಾಗಿದ್ದಾರೆ :

ಶಕಮಯಂ ಧೂಮಮಾರಾದಪಶ್ಯಂ ವಿಷೂವತಾ ಪರ ಏನಾವರೇಣ | (ಋಗ್ವೇದ ೧-೧೬೪-೪೩-೧)

ಅಷ್ಟೇ ಅಲ್ಲ; ಇಡೀ ೧-೧೬೪ ರ ಋಚೆಗಳೆಲ್ಲಾ ಭಚಕ್ರ-ಸಂವತ್ಸರ-ಸೂರ್ಯಾದಿಸಪ್ತಗ್ರಹಗಳು-ರಾಶಿಗಳನ್ನು ತೋರುತ್ತವೆ. ಅಲ್ಲಲ್ಲಿ ಅಚ್ಚರಿಯಾಗುವಷ್ಟು ನಿಖರವಾದ ಪದಪ್ರಯೋಗಗಳಿವೆ. ದೀರ್ಘತಮ ಔಚಥ್ಯ ಮಹರ್ಷಿಯ ಈ ಋಚೆಗಳನ್ನು ಆಂಗ್ಲಾನುವಾದ ಮಾಡಿರುವ ಡಾ|| ಡೇವಿಡ್ ಫ್ರಾಲೇ, ಹಿಂದಿನ ಪೂರ್ವಾಗ್ರಹೀ ಸಂಶೋಧಕರ ಬಣ್ಣ ಬಯಲು ಮಾಡಿದ್ದಾರೆ. ಈ ಮಹರ್ಷಿಯ ಸಂಗ್ರಹವನ್ನು ಇಡಿಯಾಗಿ ನೋಡಿದಾಗ, ಪೂರ್ವಾಗ್ರಹಿ ಹುಳಿದ್ರಾಕ್ಷಿಯ ನರಿಗಳು ತಿಳಿಯದೆ ಹೋದ ವಿಜ್ಞಾನದ ಸವಿ ವೇದಗಳಲ್ಲಿರುವುದು ಚೆನ್ನಾಗಿಯೇ ಅರ್ಥವಾಗುತ್ತದೆ.

ಆಸಕ್ತರು ಈ ಕೊಂಡಿಯನ್ನೂ ನೋಡಿ :

http://www.experiencefestival.com/a/Vedic_Origins_of_the_Zodiac/id/48910

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.