ನಾನು ಸಹ ನಿಮ್ಮ ಹಾಗೆ,loveನಲ್ಲಿ ಬಿದ್ದಿದ್ದೆ. 'ಕುಂತ್ರೂ ನಿಂತ್ರೂ ಅವಳ್ದೇ ಧ್ಯಾನ' ಮಾಡುತ್ತಿದ್ದೆ.ಆದರೆ ಸಭ್ಯತೆಯ ಎಲ್ಲೆ ಮೀರಿರಲಿಲ್ಲ.ಟಿ.ವಿ.ಗೂ ಕೂತು ನೋಡುವವರಿಗೂ ಇರುವಷ್ಟು ಅಂತರದಲ್ಲಿಯೇ ನಾನು ಅವಳು ಇರುತ್ತಿದ್ದೆವು.ನಾನು 'ನಿಂಬೂಡಾ, ನೀಂಬೂಡಾ'ಹಾಡಿದರೆ ಅವಳು ಡ್ಯಾನ್ಸ್ ಮಾಡುವುದು.ಆದರೆ ತಪ್ಪಿಯೂ ನಾನು ಈಗಿನವರಂತೆ ಮೈಮೇಲೆ ಬೀಳದೇ ಅಂತರವನ್ನು ಕಾಪಾಡಿಕೊಂಡೇ ಬಂದಿದ್ದೆ.
ಸಿನಿಮಾಕ್ಕೆ ಹೋದರೂ ನಾನು ಈ ಕೊನೆಯಲ್ಲಿದ್ದರೆ ಅವಳು ಆ ಕೊನೆಯಲ್ಲಿ.ಎಲ್ಲಿದ್ದನೋ ಆ ಗಡ್ಡದವ ಬಂದು,ನನ್ನ ಪ್ರಿಯತಮೆಯನ್ನು ಕದ್ದುಮುಚ್ಚಿ ಅವನ ಮಗನಿಗೆ ಮದುವೆ ಮಾಡಿಸಿದ.
ನಾನು ನಿಮ್ಮಂತೆ ಅಳುತ್ತಾ ಕುಳಿತುಕೊಳ್ಳದೇ, ಆ ದಂಪತಿಗಳು ಚೆನ್ನಾಗಿರಲಿ ಎಂದು ಆಶೀರ್ವದಿಸಿದೆ.ನನ್ನ ಈ ದುಃಖ ಭರಿತ ಕತೆಯಲ್ಲಿ ವಿಲನ್ ಎಂಟ್ರಿ ಈಗ ಅಡುಗೆ ಕೋಣೆಯಿಂದ ಆಗುತ್ತಿದೆ. "ಅವಳ್ದೇ ಧ್ಯಾನವಾ? ಮದುವೆ ವಯಸ್ಸಿನ ಮಗ ಇದ್ದಾನೆ,ನಿಮ್ಮ ಮುಖಕ್ಕೆ ಐಶ್ವರ್ಯ ರೈ ಬೇಕಾ..?"