ಸಿನೆಮಾ ಬಿಡುಗಡೆಯಾದ ಮರುದಿನದ ಪತ್ರಿಕೆಯಲ್ಲಿ ಜನ ಓದಬಯಸುವುದು ಒಂದು ಸ್ಥೂಲವಾದ ವಿಮರ್ಶಾ ಅಭಿಪ್ರಾಯ. ಭಾರಿ ಪ್ರಚಾರ ಗಿಟ್ಟಿಸಿಕೊಂಡ ಚಿತ್ರಗಳು ಗುಣಮಟ್ಟದಲ್ಲಿ ಆ ನಿರೀಕ್ಷೆ ಮುಟ್ಟಿಲ್ಲ ಎಂಬುದು ಒಬ್ಬ ‘ಪತ್ರಿಕಾ ವಿಮರ್ಶಕ’ ಸೂಚಿಸಬಹುದಾದ ಏಕೈಕ ಅಂಶ. ಆ ಎಲ್ಲೆಯನ್ನು ಮೀರಿ ವಿಜಯ ಕರ್ನಾಟಕ ವಿಮರ್ಶೆಯನ್ನು ಪ್ರಕಟಿಸುವುದು ಸಂಶಯಕ್ಕೆ ಎಡೆಮಾಡಿಕೊಡುತ್ತದೆ.
ವಿಜಯ ಕರ್ನಾಟಕವನ್ನು ಸಮರ್ಥಿಸಿಕೊಳ್ಳುವ ನಿಮ್ಮ ಪಡಿಪಾಟಲು ಕಂಡು ನಗು ಬರುತ್ತದೆ. ವಿಜಯ ಕರ್ನಾಟಕ್ಕೂ ಲಂಕೇಶ್ ಪತ್ರಿಕೆಗೂ ಎಲ್ಲಿಂದೆಲ್ಲಿಯ ಹೋಲಿಕೆ? ಒಂದು ನಾಡಿನ ನಂಬರ್ ಒನ್ ದಿನಪತ್ರಿಕೆ, ಮತ್ತೊಂದು ಅಪ್ಪಟ ಟ್ಯಾಬಲಾಯ್ಡ್. ನಿಮ್ಮ ಸಮರ್ಥನೆಯಿಂದ ಮತ್ತೊಂದು ಅಂಶದ ಬಗ್ಗೆ ತಿಳಿವು ಮೂಡಿತು... ಇತ್ತೀಚೆಗೆ ಪ್ರತಾಪ್ ಸಿಂಹರ ಬರಹ, ಅವುಗಳ ಹೆಡ್ಡಿಂಗು ಗಮನಿಸಿದರೆ ಅದು ಸತ್ಯವೂ ಅನ್ನಿಸುತ್ತಿದೆ. ವಿಜಯ ಕರ್ನಾಟಕ ಹೊಸತೊಂದು ಮೈಲುಗಲ್ಲು ಮುಟ್ಟುವತ್ತ ಧಾವಿಸುತ್ತಿದೆ. ‘ದೈನಂದಿನ ಟ್ಯಾಬಲಾಯ್ಡ್’ ಆಗಿ ಪತ್ರಿಕೆ ಮಾರ್ಪಾಡಾಗುತ್ತಿದೆ. ‘ಇದು ಕನ್ನಡಿಗರ ಹೆಮ್ಮೆ!’

_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com