ಸುಮಾರಾಗಿ, ಎಲ್ಲ ಕಾದಂಬರಿ ಆಧಾರಿತ ಚಿತ್ರಗಳದ್ದೂ ಇದೇ ಪಾಡು; ನಾನು ಗೃಹಭಂಗ, ನಾಯಿನೆರಳು ಚಿತ್ರಗಳನ್ನು ನೋಡಿಲ್ಲ - ಆದರೆ, ಅವೂ ವಂಶವೃಕ್ಷದ, ಕಾಡು ಮೊದಲಾದ ಚಿತ್ರಗಳ ಹಾದಿ ಹಿಡಿದಿದ್ದರೆ, ಕಾದಂಬರಿ ಓದಿದವರಿಗೆ ನಿರಾಶೆಯಾಗುವುದರಲ್ಲಿ ಸಂಶಯವಿಲ್ಲ. ಹ್ಯಾರಿ ಪಾಟರ್ ಚಿತ್ರವನ್ನು ನೋಡಿದಾಗಲೂ ನನಗೆ ಇದೇ ರೀತಿ ನಿರಾಸೆಯಾಯಿತು.

ಓದುವಾಗ ನಮ್ಮ ಮನಸ್ಸಿನಲ್ಲಿ ಕಲ್ಪನೆಗಳು ಗರಿಕೆದರಬಹುದು. ನೋಡುವಾಗ ಹಾಗಾಗುವುದಿಲ್ಲವಲ್ಲ? ಆದರೆ, ಚಿತ್ರವನ್ನು ನೋಡಿದಾಗ, ಓದದಿದ್ದವರು ಆ ಕತೆ/ಕಾದಂಬರಿಯನ್ನು ಓದಬೇಕೆನ್ನಿಸುವಷ್ಟು ಆಸೆ ತಂದರೆ, ಅದು ಯಶಸ್ವಿ ಎಂದು ನನ್ನ ಎಣಿಕೆ. (ಹೀಗೆ, ಕಳೆದವರ್ಷ ಸಿಂಗಾರವ್ಬ ಮತ್ತು ಅರಮನೆ ಚಿತ್ರ ನೋಡಿದಾಗ, ಮೂಲವನ್ನು ಓದದ ನನಗೆ ಅದನ್ನು ಓದಲೇಬೇಕೆನ್ನಿಸಿ, ಓದಿದೆ)

-ಹಂಸಾನಂದಿ