ಸುನಿಲ್,
ಯಾದೃಚ್ಛಿಕ ಎಂಬ ಪದವನ್ನು ಮಲೆಯಾಳದಲ್ಲಿ coincidence ಎನ್ನುವಾಗ ಬಳಸುತ್ತಾರೆ. ಇತರ ನುಡಿಗಳತ್ತ ಕಣ್ಣು ಹಾಯಿಸುವ ಮಾತು ಬಂದದ್ದರಿಂದ ಇದನ್ನು ಹೇಳಿದ್ದು. ನಾವು ಹೆಚ್ಚಾಗಿ ಅನುವಾದಿಸುವಾಗ ಮಾತುಗಳ ಭಾವಾರ್ಥವನ್ನು ಗಮನಿಸದೆ ಶಬ್ದಗಳನ್ನು ಅನುವಾದಿಸುತ್ತೇವೆ. ಇಲ್ಲೊಂದು ಉದಾಹರಣೆಯಿದೆ. ಮಲೆಯಾಳ ವಿಕಿಪೀಡಿಯಾ . ಇಲ್ಲಿ ರಾಂಡಂ ಪುಟಕ್ಕೆ ಓಟಪ್ರದಕ್ಷಿಣ ಎನ್ನಲಾಗಿದೆ.ಇಲ್ಲಿ ಓಟಪ್ರದಕ್ಷಿಣ ಎಂಬುದಕ್ಕೆ ನಾವು ತಿಳಿದಂತಹ ಅರ್ಥವೇ.ತಮಿಳಿನಲ್ಲಿ 'ಕುಱಿಪ್ಪಿಲ್ವೞಿಪಕ್ಕಮ್' ಎನ್ನಲಾಗಿದೆ. ತೆಲುಗಿನಲ್ಲಿ 'ಯಾದೃಚ್ಛಿಕ ಪೇಜ್' ಎನ್ನಲಾಗಿದೆ.

ಇಲ್ಲಿ 'ಯಾದೃಚ್ಛಿಕ' ಎಂಬುದು ಕನ್ನಡದ್ದಲ್ಲವೆಂಬ ಆರೋಪ ಬಿಟ್ಟರೆ ಅರ್ಥ ಸರಿಯಾಗಿದೆ. ಕೆಲವರಿಗೆ ಅದು ನಾಲಗೆಗೆ ತೊಡಕೆನ್ನಿಸುವುದಾದರೆ ಬೇರೆ ಪದಗಳನ್ನು ಬಳಸಬಹುದು. ಆದರೆ ಅದು ಉದಿತವಲ್ಲ, ಯಾಕೆಂದರೆ:
೧.ಅದು ಉದಯಿಸಿದ್ದು ಎನ್ದು ಸೂಚಿಸುತ್ತದೆ.
೨.ಹೇಳುವುದು, ಕೇಳುವುದು ಪದಗಳಲ್ಲಿರುವ ಉದು ಎಂಬ ಪದದಿಂದ ಉದಿತ ಎಂಬ ಪದ ಹುಟ್ಟಿದರೆ ಹೇಳುವೆನು, ಕೇಳುವೆನು ಪದಗಳಿಂದ ಎನಿತ ಹುಟ್ಟಬೇಕಲ್ಲವೇ?

ಇನ್ನು 'ಉಲ್ಲಿತ' ಮುಂತಾಗಿ ಪದಗಳು ಹುಟ್ಟಿದರೆ ಅಲ್ಲಿತ, ಇಲ್ಲಿತ, ಎಲ್ಲಿತ ಇತ್ಯಾದಿ ಪದಗಳೂ ಹುಟ್ಟಬೇಕು.

ಇಂತಹ ಪ್ರಯೋಗಗಳು ಕನ್ನಡದಲ್ಲಿ ಇದುವರೆಗೆ ನಡೆದಿಲ್ಲವೆಂದಲ್ಲ, ಆದರೆ ಹರಿತವಾದ ವರ್ಣಗಳ ಗೈರಿನಲ್ಲೂ ಇವುಗಳು ಕರ್ಕಶವಾಗಿ ಕೇಳಿಸುತ್ತವೆ. ಉದಾ:ನಿರಂತರ ಕಲಿಕಾ ಕೇಂದ್ರ.

ನಿಮ್ಮ ಆಸಕ್ತಿಗೆ ಜಯವಾಗಲಿ. ಹೀಗೆಯೇ ಮುಂದುವರಿಯಿರಿ.
_______________________
ಮುಟ್ಟುತಲೆ ಗುರಿ ತಾನ್ ದೂರವಾಗುತಿರಲಿ!
ಕೆಪಿ ಬೊಳುಂಬು