ನವರತ್ನ ಸುಧೀರ್, ಶ್ರೀವತ್ಸ ಜೋಶಿಯವರನ್ನು ನಾವೆಲ್ಲ ಸಂಪದಿಗರು ಬಲ್ಲವರೇ. ಜೋಶಿಯವರು ಸಂಪದದ ಅನೇಕ ಚರ್ಚೆಗಳಲ್ಲಿ ಭಾಗವಹಿಸಿದ್ದಾರೆ. ಹಾಸ್ಯ ತುಣುಕುಗಳನ್ನು ಹರಿಸಿ ನಗಿಸಿದ್ದಾರೆ. ಅವರೊಡನೆ ವಾದ ಮಾಡಿದೆವು ಎಂದ ಮಾತ್ರಕ್ಕೆ ಅವರ ಮೇಲೆ ಗೌರವ ಇಲ್ಲ ಎಂದೆಣಿಸಬೇಕಾಗಿಲ್ಲ. ಇರಲಿ ಬಿಡಿ. ಹಿರಿಯ ಗೆಳೆಯರಲ್ಲಿ, ನನ್ನ ಒಂದು ಮಾತು. ಒಂದು ವೇಳೆ ನೀವು ತಪ್ಪು ಮಾಡಿದರೆ, ಮುಜುಗರವಿಲ್ಲದೆ, ನಿಮ್ಮ ಇಗೋ ಬಿಟ್ಟುಕೊಟ್ಟು, ತಪ್ಪುನ್ನು ತಿದ್ದಿಕೊಂಡು ಕನ್ನಡವನ್ನು ಬೆಳೆಸಿ. ನಾವುಗಳು ಕೂಡ ಎಷ್ಟೋ ಕಡೆ ತಪ್ಪುಗಳನ್ನು ಮಾಡುತ್ತಿರುತ್ತೇವೆ. ಆದರೆ ನಮ್ಮ ಇಗೋ ಬಿಟ್ಟು ತಿದ್ದಿಕೊಳ್ಳುತ್ತೇವೆ. ತಪ್ಪುಗಳ ಬಗ್ಗೆ ನನ್ನ ಅನಿಸಿಕೆ ಇಲ್ಲಿ ಓದಬಹುದು. ಕನ್ನಡ ಪದಗಳ ವಿಷಯ ಬಂದಾಗ ನಿರಭಿಮಾನಿಗಳಾಗುವ ಮನಸ್ಥಿತಿಯ ಬಗ್ಗೆ ಈಗ್ಗೆ ಒಂದು ವರ್ಷದ ಹಿಂದೆ ಚರ್ಚೆಯಾದ ಕಾಮೆಂಟ್ ಈಗಲೂ ಪ್ರಸ್ತುತವಾಗಿದೆ, ಬಿಡುವಿದ್ದಾಗ ಓದಿ ನೋಡಿ.