ನವರತ್ನ ಸುಧೀರ್, ಹರಿಪ್ರಸಾದ್ - ಚರ್ಚೆಯಲ್ಲಿ ನಿಮ್ಮ ಪ್ರವೇಶಕ್ಕಾಗಿ ಮತ್ತು ನೀವು ಚರ್ಚೆಯನ್ನು ಇಷ್ಟಪಟ್ಟಿರಿ ಎಂದದ್ದಕ್ಕಾಗಿ ಧನ್ಯವಾದಗಳು. ಹೌದು, ಸ್ನೇಹಿತರಾದ ಸುನೀಲ್, ಮಹೇಶ (ಇವರೊಂದಿಗಂತೂ ನಾನು ಆಗಾಗ ಚಾಟ್ ಮಾಡುವುದೂ ಇದೆ!), ವೈಭವ ಇವರೆಲ್ಲ ಸಜ್ಜನರು. ನಾನು ಅವರನ್ನೆಲ್ಲ ಗೌರವಿಸುತ್ತೇನೆ. ಹಾಗಾಗಿ ಇದು ವೈಯಕ್ತಿಕ ದೋಷಾರೋಪಣೆ ಎಂದೆಲ್ಲ ಗಾಬರಿಯಾಗಬೇಡಿ. ಹರಿಪ್ರಸಾದ್ ಇತ್ತೀಚೆಗೊಮ್ಮೆ ಚಾಟಿಸುತ್ತಿದ್ದಾಗ ’ಸಂಪದದಲ್ಲೇಕೊ ಚಟುವಟಿಕೆ ಕಡಿಮೆಯಾಗುತ್ತಿದೆ...’ ಎಂದಿದ್ದು ನೆನಪಿತ್ತು. ’ಚರುಪು’ ಪದ ಕಾಣಿಸಿಕೊಂಡಾಗ ’ಓಹ್ ಇಲ್ಲಿ ಸ್ವಲ್ಪ ಚಟುಚಟಿಕೆ/ಚುರುಕು ಹುಟ್ಟಿಸಬಹುದು’ ಎಂದು ನನಗನಿಸಿ ಚರ್ಚೆ ಆರಂಭಿಸಿದೆ. ಅಫ್‌ಕೋರ್ಸ್ ಚರ್ಚೆಗೋಸ್ಕರ ಚರ್ಚೆ ಅಲ್ಲ. ಏಕೆಂದರೆ ಚರುಪು ಪದದ ಮೂಲ ಚರು ಎಂಬುದನ್ನು ನಾನು ದೃಢವಾಗಿ ಬಲ್ಲೆ. ’ಚರ್ಚೆಗೋಸ್ಕರ’ ಮಾಡಿದ್ದೆಂದರೆ ಅದನ್ನು ಸ್ವಲ್ಪ ’ಕೆಣಕಿ’ ಪ್ರಸ್ತುತಪಡಿಸಿದ್ದು. ಯಕ್ಷಗಾನದ ಭಾಷೆಯಲ್ಲಿ ಹೇಳುವುದಾದರೆ ಒಂಥರ ’ರಣವೀಳ್ಯ’ ಕೊಟ್ಟದ್ದು. ಆ ಭಾಗವನ್ನು ’ನಾನು ಮಾಡಿದ್ದು ಸರಿ’ ಎನ್ನಲಾರೆ. ಆದರೆ ಚರುಪು-ಚರು ಬಗ್ಗೆ ನನ್ನ ಅಭಿಪ್ರಾಯವನ್ನು ಬದಲಿಸಲಾರೆ.