Moderator( please moderate this comment ).

ಇದು ಮತ್ತೆ ಒಂದು ಅರೆಬರೆ ತಿಳಿದ ಬರೆದ ಬರಹ. ಬರಹಗಾರ ಹಲವು ಸಂಗತಿಯ ಹಿನ್ನಲೆಯನ್ನು ತಿಳಿದಿಲ್ಲ, ಶಂಕರಭಟ್ಟರ ವಾದವನ್ನು ಸರಿಯಾಗಿ ತಿಳಿದಿಲ್ಲ ಎಂದು ಅನ್ನಿಸವಂತೆ ಮಾತುಗಳಿವೆ.

( ನವರತ್ನ ಸುದೀರಣ್ಣ.. ಮೊದಲೇ ಮನ್ನಿಸಿಬಿಡಿ )
===================================
೧) ಕನ್ನಡದ ಅಕ್ಕರಪಟ್ಟಿ ಬದಲಾಗಬೇಕು ಎಂದು ಶುರು ಮಾಡಿದವರಲ್ಲಿ ಬಿ.ಎಂ.ಶ್ರೀ ಅನ್ನೋ ದೊಡ್ಡ ಕನ್ನಡಿಗರೂ ಒಬ್ರು. ಅವರು ಮೊದಲು ಮಾಡಿದ್ದು ೨೬ ಅಕ್ಕರಪಟ್ಟಿ.

ಬಿ.ಎಂ.ಶ್ರೀ ಅವರು ಯಾವ ಎಡಬಲಪಂಥದವರು ಮತ್ತು ಪೂರ್ವಾಗ್ರಹಪೀಡಿತರು?

೨)ಅಕ್ಕರಗಳು ಎಶ್ಟಿರಬೇಕು? ಅನ್ನೋದಕ್ಕೆ ನುಡಿಬಲ್ಲರು( ಸಂಸ್ಕೃತದ ಪದ ಭಾಷಾಪಂಡಿತರು) ಹೇಳೋದು, ಆ ಆ ನುಡಿಯನ್ನು ಮಾತನಾಡೋ ಮಂದಿ, ಮೂಲಭಾಷಿಕರು ಎಶ್ಟು ಉಲಿಗಳನ್ನು(ಸದ್ದುಗಳನ್ನು) ಸ್ವಾಭಾವಿಕವಾಗಿ ಹೇಳಬಲ್ಲರೋ, ಹೇಳುವರೋ ಅಶ್ಟು..

ಕನ್ನಡದ ಮೂಲಭಾಷಿಕ ಹಲವು ಜನಾಂಗಗಳು( >೭೦%) ಮಹಾಪ್ರಾಣಗಳನ್ನು, ಋ, ಶ, ಷ ಮುಂತಾದವನ್ನು ಸ್ವಾಭಾವಿಕವಾಗಿ ಹೇಳಲಾರರು, ಹೇಳರು.

ಆಸಕ್ತಿ ಇರುವವರು ಹಾಲಕ್ಕಿ, ಗೌಡ, ಕುರುಬ, ಬಡಗ ಮುಂತಾದ ಮೂಲಕನ್ನಡಭಾಷಿಕರು/ಮೂಲಕನ್ನಡಉಲಿಯುವವರು, ಇವರ ಮೇಲೆ ಹಲವು ಮಂದಿ ನಡೆಸಿರುವ ಆರಯ್ಯುಗಳನ್ನು ನೋಡಬೋದು.

ಜಗದಲ್ಲಿರುವ ಹೆಚ್ಚು ನುಡಿಗಳು ತಮಗೆ ಬೇಕಾದಶ್ಟೇ ಅಕ್ಕರಗಳನ್ನು ಇಟ್ಟುಕೊಂಡಿವೆ.!! ಹೆಚ್ಚು ಅಕ್ಕರವಿದ್ದರೆ ಕಂಪ್ಯೂಟರಲ್ಲೂ ತೊಂದ್ರೆ, ಮಾಮೂಲಿ ಮಂದಿಗೂ ತೊಂದ್ರೆ.
( ಮಾದರಿ : ಛ ಅನ್ನು ಬರೆಯುವಾಗ ಕೆಳಗಿನ ಹೊಟ್ಟೆಸುಳಿ ಬಿಟ್ಟು ಹೋದ್ರೆ ಅದು ವ ಅಂತೆ ತೋರುವುದು )

ಈ ಬರಹ ಬರಹಗಾರರು, ಯಾವ ಭಾಷಾವಿಜ್ನಾನ/ನುಡಿವಲ್ಮೆಯ ನೆಲೆಯಲ್ಲಿ ಅಕ್ಕರಗಳು ಇಶ್ಟಿರಬೇಕು ಎಂದು ಹೇಳಿರುವರೋ ತಿಳಿಸಬೇಕು.

"ಕನ್ನಡಿಗನ ಗೃಹಣ ಶಕ್ತಿಗೆ ಕುಂದುಂಟೇ? ಕನ್ನಡದ ಒಂದು ಮಗು ಕನ್ನಡದ ೫೨, ಹಿಂದಿಯ ೫೨, ಹಾಗೂ ಇಂಗ್ಲೀಶಿನ ೨೬ ಅಕ್ಷರಗಳನ್ನು ಜೊತೆಗ ಮೂರು ಭಾಷೆಗಳ ತಲಾ ಹತ್ತು ಸಂಖ್ಯೆಯನ್ನು, ಅಂಕಗಣಿತ ಜೊಮೆಟ್ರಿಗಳ ಸಂಕೇತಗಳನ್ನು, ರೋಮನ ಅಂಕೆಗಳನ್ನು, ಟ್ರಾಪಿಕ್ ಸೈನ್ ಗಳನ್ನು ತೊಂದರೆ ಇಲ್ಲದೇ ಕಲಿಯುತ್ತಿರುವಾಗ ಈ ಮೂರು ಆಕ್ಷರಗಳು ಅವರಿಗೆ ಹೊರೆ ಆಗುತ್ತದೆಯೇ?"

ಈ ವಾದಕ್ಕೆ ಏನು ಹೇಳೋಣ. ಕನ್ನಡ ಮಾಧ್ಯಮದಲ್ಲಿ ಓದಿದೋರು ಉದ್ದಾರ ಆಗ್ತಾ ಇಲ್ಲ, ಅನ್ನೋದು ಎಲ್ಲರ ಮಾತು. ಗ್ರಹಣಶಕ್ತಿ ಅನ್ನೋದನ್ನು ಹೇಗೆ ಅಳೆದಿರಿ?

ಹಾಗಾದ್ರೆ ನಮ್ಮ ಇಂಡಿಯದೇಸದಲ್ಲೇ ಬಲು ಕಡಮೆ ಅಕ್ಕರ ಇಟ್ಟುಕೊಂಡಿರುವ ತಮಿಳರು ದಡ್ಡರೇ? ಪಿ.ಚಿದಂಬರಂ ಎಂಬ ದಡ್ಡ ತಮಿಳಿಗ ನಮ್ಮ ಹಣಕಾಸಿನ ಮಿನಿಸ್ಟರ್‍.. . ಅಕ್ಕರಗಳ ಸಂಖ್ಯೆಗೂ ಅರಿವಿಗೂ, ಶಕ್ತಿಗೂ ಯಾವ ನಂಟಿಲ್ಲ..

ಕಡಮೆ ಅಕ್ಕರವಿದ್ದರೆ ಬರೆಯೋದನ್ನು ಕಲಿತು, ಬರೆಯೋದು ಸುಲಬ. ಇಂಗ್ಲಿಸಂತೆ.!!

೩)"ಹಳೆಯ ಪುಸ್ಥಕಗಳನ್ನೆಲ್ಲ ಒಲೆಗೆ ಹಾಕೋಣವೇ?"
ನಡುಗನ್ನಡದಲ್ಲಿ ’ೞ, ಱ, ಮತ್ತು ನ್’ ಅನ್ನು ಬಿಟ್ಟರು.. ಹಾಗೆಂದು, ಪಂಪ, ರನ್ನ ಮುಂತಾದವರ ಮತ್ತು ಕವಿರಾಜಮಾರ್ಗದಂತಹ ಕೃತಿಯನ್ನು ಒಲೆ ಹಾಕಿದ್ದಾರ?

ಹಾಗಾದರೆ ಹಳಗನ್ನಡದ ಅಕ್ಕರಗಳು ಮರಳಿ ಬರಬೇಕು... ಹಾಗು

ಕುೞಿತು ಸರಿ, ಮತ್ತು ಕುಳಿತು ದೋಶವಾಗಬೇಕು.
ಕುಱಿತು ಸರಿ, ಮತ್ತು ಕುರಿತು ದೋಶವಾಗಬೇಕು.

೪)"ಕಞಾರ ಕಿಞಣ್ಣ ರ" ಇದು ಯಾರು?

ದಯವಿಟ್ಟು..

ಶಂಕರಬಟ್ರ ಈ ಕೆಳಗಿನ ಹೊತ್ತಗೆಗಳನ್ನು ಓದಿ ನೋಡಿ... ಆಗಲಾದ್ರು ದಿಟದ ಸಂಗತಿ ನಿಮಗೆ ತಿಳಿಯಬೋದು...
೧) ಕನ್ನಡಕ್ಕೆ ಬೇಕು ಕನ್ನಡದ್ದೇ ವ್ಯಾಕರಣ
೨) ಕನ್ನಡ ಬರಹವನ್ನು ಸರಿಪಡಿಸೋಣ
೩) ಕನ್ನಡ ನುಡಿ ನಡೆದು ಬಂದು ದಾರಿ..

ಶಂಕರಬಟ್ರು ಯಾವ ಹೊಸ ಸಂಗತಿಯನ್ನು ಹೇಳ್ತಿಲ್ಲ. ಹಿಂದೆ ಬಿ.ಎಂ.ಶ್ರೀ ಮುಂತಾದವರು ಹೇಳಿದನ್ನೇ ಈಗ ನುಡಿವಲ್ಮೆ/ಭಾಷಾವಿಜ್ನಾನ ಮೂಲಕ ವೈಜ್ನಾನಿಕವಾಗಿ ಹೇಳ್ತಾ ಇದ್ದಾರೆ.

ಸಂಸ್ಕೃತಪದಗಳು ಕನ್ನಡವನ್ನು ಕ್ಲಿಷ್ಟ ಮಾಡುವುದು ಅಂತ ಹೇಳಿದವರು
೧)ಕವಿರಾಜಮಾರ್ಗ
೨)ಶಬ್ದಮಣಿದರ್ಪಣ
೩)ನಯಸೇನ
೪) ಆಂಡಯ್ಯ
೫) ಬಿ.ಎಂ.ಶ್ರೀ
೭) ಕೊಳಂಬೆ ಪುಟ್ಟಣ್ಣ ಗೌಡ
೮) ಶಂಕರ ಬಟ್ರು

ಇವರೆಲ್ಲ ಏನು ಸಾಮಾನ್ಯರೇ? ಇವರ ವಾದಕ್ಕೆ ಗೌರವ ಮನ್ನಣೆ, ಕೊಡಲೇ ಬೇಕು!! ಸಿಕ್ಕೇ ಸಿಗುವುದು!