ಬೊಳಂಬು, ನಾನು ಶಂಕರ ಭಟ್ಟರ, "ನಿಜಕ್ಕೂ ಹಳೆಗನ್ನಡ ವ್ಯಾಕರಣ ಎಂಥಹುದು" ಪುಸ್ತಕವನ್ನು ಬಿಟ್ಟರೆ ಅವರ ಯಾವ ಪುಸ್ತಕವನ್ನೂ ಓದಿಲ್ಲ. ಆದರೆ ಅವರು ಮಂಡಿಸಿರುವ ವಿಷಯಗಳನ್ನು ಇಂಟರ್ನೆಟ್, ಹಾಗು ಗೆಳೆಯರೊಡನೆ ಮಾಡಿದ ಚರ್ಚೆಗಳ ಮೂಲಕ ತಿಳಿದಿದ್ದೇನಷ್ಟೇ. ಹಾಗಾಗಿ, ಇದನ್ನು ಧೃಡಪಡಿಸಿಕೊಳ್ಳಲು ಕೇಳುತ್ತಿದ್ದೇನೆ. ನಿಮ್ಮ ಮೇಲಿನ ಅನುಮಾನದಿಂದಲ್ಲ.

ನಿಜಕ್ಕೂ ಶಂಕರಭಟ್ಟರು ಅನುಸ್ವಾರ(ಅಂ) ಅನ್ನು ಬೇಡವೆಂದಿದ್ದಾರೆಯೇ ? ಅನುಸ್ವಾರ ಬೇಡವೆಂದರೆ, ನೀವು ಹೇಳುವಂತೆ ಞ ಮತ್ತು ಙಗಳು ಇರಬೇಕೆಂಬ ಎಂಬ ವಾದವನ್ನು ನಾನೂ ಒಪ್ಪುತ್ತೇನೆ. 'ಕಿಞಣ್ಣ' ಎಂಬ ತುಳು ಪದ ಬಿಡಿ, ಕನ್ನಡದ್ದೇ ಎಷ್ಟೋ ಪದಗಳನ್ನು ಬರೆಯೋಕ್ಕೆ ತೊಂದರೆಯಾಗತ್ತೆ. ಉದಾ:- ಮಂಕ, ಮಂಚ. ದಯವಿಟ್ಟು ಶಂಕರ ಭಟ್ಟರು ಅನುಸ್ವಾರದ ಬಗ್ಗೆ ಏನು ಹೇಳಿದ್ದಾರೆ. ದಯವಿಟ್ಟು ಯಾರಾದರು ಅನುಸ್ವಾರದ ಬಗ್ಗೆ ಶಂಕರಭಟ್ಟರು ಏನು ಹೇಳಿದ್ದಾರೆ ಎಂಬುದಾಗಿ, ಸಂಪದದಲ್ಲಿ ಹಾಕಿ.

ಕೊಕೊ - "ನಿಜಕ್ಕೂ ಹಳೆಗನ್ನಡ ವ್ಯಾಕರಣ ಎಂಥಹುದು" ಪುಸ್ತಕದಲ್ಲಿ ಬೇರೆಯವರು ತಿಳಿದುಕೊಂಡಿರುವ ಹಾಗೆ, ಸಂಸ್ಕೃತದ ಮೇಲೆ ಶಂಕರ ಭಟ್ಟರು ಯಾವ ಹಗೆಯನ್ನೂ ಸಾಧಿಸಿಲ್ಲ. ಬದಲಾಗಿ, ಸಂಸ್ಕೃತ-ಕನ್ನಡ ಮತ್ತು ಕೆಲವೆಡೆ ಗ್ರೀಕ್-ಲ್ಯಾಟಿನ್ನು ನುಡಿಗಳ ವ್ಯಾಕರಣ ಸೂಕ್ಷ್ಮವನ್ನು ವಿಶ್ಲೇಷಿಸಿದ್ದಾರೆ. ಸಂಸ್ಕೃತದಲ್ಲಿ "ಎ, ಒ"ಗಳು ಏಕಿಲ್ಲ ಎಂಬುದು ಇದರಲ್ಲಿ ಒಂದು.