ಮಾಧವ,
ಪದ್ಯ ಹಾಕಿದ್ದಕ್ಕೆ ಧನ್ಯವಾದಗಳು ನಿಮಗೆ.

ಮಹೇಶ,
ಚಂದಾಗಿ ಬಿಡಿಸಿದ್ದೀರಿ. ಒಂದೆರಡು ತಿದ್ದುಪಡಿ ಇದೆ, ಇಲ್ಲಿ ಕೆಳಗೆ ನೋಡಿ.

ಅರ್ಥ :
ಕಣ್ಣಿಗೆವೆಯಂದದಲಿ => ಕಣ್ಣಿಗೆ ರೆಪ್ಪೆಯಿದ್ದಂತೆ
ಕೈ ಮೈ ತಿಣ್ಣಿಗೊದಗುವ ತೆರದಿ => ಕೈ ಮೈಯ ತುರಿಕೆ (ತಿಣ್ಣಿ, ತಿನಿಸು, ತುರಿಕೆ)ಗೆ ಒದಗುವಂತೆ
ಪಲ್ಗಳು ಪಣ್ಣು ಫಲಗಳನಗಿದು ಜಿಹ್ವೆಗೆ ರಸವನೀವಂತೆ => ಹಲ್ಲುಗಳು ಹಣ್ಣು-ಕಾಯಿಗಳನ್ನು** ಅಗಿದು ನಾಲಿಗೆಗೆ ರಸ ಕೊಡುವಂತೆ
ಪುಣ್ಯಫಲವೀವಂದದಲಿ => ಮಾಡಿದ ಪುಣ್ಯ ಫಲವನ್ನು ಕೊಡುವಂತೆ
ನುಡಿವೆಣ್ಣಿನಾಣ್ಮಾಂಡದೊಳು => ಬ್ರಹ್ಮಾಂಡದೊಳಗೆ
ಲಕ್ಷ್ಮಣನಣ್ಣನೊದಗುವ ಭಕ್ತರವಸರಕಮರಗಣ ಸಹಿತ => ಲಕ್ಷ್ಮಣನ ಅಣ್ಣ, ಅಂದರೆ ಶ್ರೀರಾಮ, ಭಕ್ತರ ಅವಸರಕ್ಕೆ/ಅವಶ್ಯಕತೆಗೆ ದೇವತೆಗಳ ಗುಂಪನ್ನ ಕರಕೊಂಡು ಒದಗ್ತಾನಂತೆ

(ಪ್ರಭಂಜನಾಚಾರ್ಯರ ಹರಿಕಥಾಮೃತಸಾರದ ಅರ್ಥ ಪುಸ್ತಕದಲ್ಲಿ ಓದಿದ್ದು, ಟೈಪಿಸಿದ್ದೇನೆ)

**ಜಿ ವೆಂಕಟಸುಬ್ಬಯ್ಯನವರ ನಿಘಂಟಿನಿಂದ,
೨. ಪಣ್ಣು2 (ದೇ) (ನಾ) ಮಾಗಿದ ಫಲ, ಹಣ್ಣು
೪. ಹಣ್ಣು (<ದೇ. ಪಣ್ಣು) (ನಾ) ೧ ಪಕ್ವವಾದ ಫಲ, ಮಾಗಿದ ಫಲ ೨ ಸಫಲತೆ, ಗೆಲುವು ೩ ಮುಪ್ಪು, ವೃದ್ಧಾಪ್ಯ
ಫಲ ಎಂದರೆ ಇನ್ನೂ ಮಾಗದೆ ಇದ್ದದ್ದು ಅನ್ನೋ ಅರ್ಥ ಇದೆ ಅಂತ ನನಗೆ ಗೊತ್ತಿರಲಿಲ್ಲ.