ಚನ್ನೀಲ,
ಕನ್ನಡ ಬರಹ ಸರಿಪಡಿಸೋಣ ದ ಪುಟ ೯೮ ರಲ್ಲಿ ಶಂಕರಬಟ್ಟರು ಇದನ್ನ ತಿಳಿಗೊಳಿಸಿದ್ದಾರೆ.
ಮಾದರಿ: ಅಂಕೆ, ಅಂಜಿಕೆ, ಅಂದ, ಗಂಡ, ನಂಬಿಕೆ
ಇವುಗಳ ಉಲಿಯುವಿಕೆ ಹೀಗಿದೆ
ಅಙ್ಕೆ, ಅಞ್ಜಿಕೆ, ಅನ್ದ, ಗಣ್ಡ, ನಮ್ಬಿಕೆ.....

ಆದರೆ ಇವುಗಳ ಬದಲು ನಾವು ಬರೀ ಅನುಸ್ವಾರ(ಅಂ) ವನ್ನು ಬಳಸುತ್ತಿದ್ದೇವೆ(ಸರಳಗೊಳಿಸಿದ್ದೇವೆ). ಅದನ್ನ ಮುಂದುವರಿಸಿ, ಹೀಗೆ ಅವರು ಹೇಳಿರುವುದು. ಹೀಗಿದ್ದಾಗ ಅವರು ಅನುಸ್ವಾರ (ಅಂ) ಬೇಡ ಎಂದು ಹೇಗೆ ಹೇಳಲು ಸಾದ್ಯ.?

ಅದೇ ರೀತಿ ಕನ್ನಡ ಬರಹಗಳಲ್ಲಿ ಬರುವ ಙ್ ಕಾರ ಮತ್ತು ಞ್ ಕಾರಗಳು ಬಹಳ ಅಪ್ರೂಪಾವಾಗಿ ಬರುವ ವಾಙ್ಮಯ, ಜ್ಞಾನ, ಜ್ಞಾತಿ ಮೊದಲಾದ ಕೆಲವೇ ಕೆಲವು ಪದಗಳಲ್ಲಿ ಮಾತ್ರ ಇವನ್ನು ಕಾಣಬಹುದು. ಆದರೆ ಈ ಪದಗಳಲ್ಲಿ ಬರುವ ಮೊದಲ ಒತ್ತಕ್ಕರವನ್ನು ಹಲವು ಮಂದಿ 'ಗ್ನ' ಎಂಬುದಾಗಿ ಉಲಿಯುತ್ತಾರೆ. ಅದನ್ನ ಹಾಗೆ ಬರೆಯುವುದರಿಂದ ಯಾವ ತೊಂದರೆಯಿಲ್ಲ. ಅಂದರೆ ವಾಗ್ಮಯ, ಗ್ನಾನ, ಗ್ನಾತಿ ಹೀಗೆ ಬರೆದರೆ ಯಾವ ತೊಂದರೆಯೂ ಆಗುವುದಿಲ್ಲ.

ಅದೇ ರೀತಿ ಹಿಂದಿ ಬಾಶೆಯಲ್ಲಿ 'ಜ್ಞಾನ' ವನ್ನು 'ಗ್ಯಾನ' ಎಂದು ಉಲಿದು/ಬರೆಯಲಾಗುತ್ತಿದೆ.
ಮಾದರಿ: ಟಿ.ವಿಯಲ್ಲಿ ಬರುವ 'ಜ್ಞಾನ ದರ್ಶನ' ಎಂಬುದನ್ನು ಇಂಗಲೀಸಿನಲ್ಲಿ ಸೂಚಿಸಬೇಕಾದಾಗ gyan darshan ಎಂಬುದಾಗಿ ಬರೆಯಲಾಗುತ್ತದೆ.

ಕನ್ನಡದ ಸೊಗಡಿಗೆ 'ಗ್ನಾನ' ವೇ ಒಪ್ಪುತ್ತದೆ. 'ಜ್ಞಾನ' ಅಶ್ಟು ಒಪ್ಪಲ್ಲ.
---
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು