ಕಳೆದ ಹದಿನೈದು ವರ್ಷಗಳಲ್ಲಿ ಸೃಷ್ಟಿಯಾದ 'ಸಿದ್ಧ ಮಾದರಿ'ಗಳಲ್ಲಿ ಅತ್ಯಂತ ಮುಖ್ಯವಾದುದೆಂದರೆ 'ಹಿಂದೂ ಧರ್ಮದ ಕುಂದುಗಳ ಬಗ್ಗೆ ಬುದ್ಧಿಜೀವಿಗಳು ಮಾತನಾಡುತ್ತಾರೆ' ಎಂಬುದು. ಒಂದು ಸೂಕ್ಷ್ಮ ಪರಿಶೀಲನೆಗೆ ಹೊರಟರೆ ಇದೆಷ್ಟು ಸುಳ್ಳು ಎಂಬುದು ಅರ್ಥವಾಗುತ್ತದೆ. ಹಿಂಸೆಯನ್ನೂ ಕೋಮುವಾದವನ್ನೂ ಖಂಡಿಸುತ್ತಾ ಪ್ರಜಾಸತ್ತಾತ್ಮಕ ಮೌಲ್ಯಗಳನ್ನು ಬೆಂಬಲಿಸುತ್ತಿರುತ್ತಾರೆ. ಇದನ್ನು ಹೇಳುವ ಬದಲಿಗೆ ಅವರು ಹಿಂದೂಗಳನ್ನು ಟೀಕಿಸುತ್ತಾರೆ ಎಂಬ ಜಾಣವಾದವನ್ನು ಮುಂದಿಡುವುದು ಇತ್ತೀಚೆಗೆ ಸಾಮಾನ್ಯವಾಗುತ್ತಿದೆ. ಇಂಥ ವಾದಗಳ ಅತಿ ಮುಖ್ಯ ಲಕ್ಷಣ ಏನು ಎಂದರೆ ನಿರ್ಧಿಷ್ಟ ವಿಷಯವನ್ನು ಚರ್ಚೆಗೆ ಎತ್ತಿಕೊಳ್ಳದೆ ಸಾಮಾನ್ಯೀಕೃತ ವಾದಗಳನ್ನು ಮುಂದಿಡುವುದು. ಯೂನಿಕ್ ಸುಪ್ರಿಯವರೇ ತಾವೂ ಅದೇ ಕೆಲಸವನ್ನು ಮಾಡಿದ್ದೀರಿ ಎಂದು ಹೇಳುವುದಕ್ಕೆ ನನಗೆ ವಿಷಾಧವಾಗುತ್ತಿದೆ. ನಿಮ್ಮ ವಾದವನ್ನು ಒಂದು ನಿರ್ಧಿಷ್ಟ ವಿಷಯಕ್ಕೆ ಅನ್ವಯಿಸಿ ಮುಂದಿಡಿ. ಅದರ ಕುರಿತು ಚರ್ಚಿಸುವುದಕ್ಕೆ ಒಂದು ಅರ್ಥವೂ ಇರುತ್ತದೆ.

ಈಗ ನೀವು ಯಾವುದೇ ಆಧಾರಗಳನ್ನು ನೀಡದೆ ಹಿಂದುತ್ವವಾದೀ ಪ್ರೊಪಗ್ಯಾಂಡಿಸ್ಟ್ ಗಳು ಸೃಷ್ಟಿಸಿದ ಸ್ಟೀರಿಯೋ ಟೈಪ್ ಒಂದನ್ನು ಆಧಾರವಾಗಿಟ್ಟುಕೊಂಡ ಸಾಮಾನ್ಯೀಕೃತ ವಾದವನ್ನು ಮುಂದಿಟ್ಟಿದ್ದೀರಿ. ಈ ರೀತಿಯ ಸಾಮಾನ್ಯೀಕರಣಗಳಿಂದಲೇ ಜನಸಾಮಾನ್ಯರ ಮನಸ್ಸುಗಳಿಗೂ ಕೋಮು ವಿಷ ಹರಡಿದೆ ಎಂಬ ಅಂಶವನ್ನು ಮರೆಯಲು ಸಾಧ್ಯವಿಲ್ಲ. ಚರ್ಚೆಯನ್ನು ಹೆಚ್ಚು ಫೋಕಸ್ ಆಗಿಸಲು ಸಾಧ್ಯವಿರುವಂತೆ ನಿಮ್ಮ ವಾದವನ್ನು ಒಂದು ವಿಷಯಕ್ಕೆ ಅನ್ವಯಿಸಿ ಮಂಡಿಸಿ.

ನೀವು ಮಂಡಿಸುತ್ತಿರುವ ವಾದದಲ್ಲಿ ಮತ್ತೊಂದು ತಮಾಷೆಯೂ ಇರುವುದನ್ನು ನೀವು ಗಮನಿಸಿದ್ದೀರೋ ಇಲ್ಲವೋ ಗೊತ್ತಿಲ್ಲ. ಪ್ರತಿಯೊಂದು ವಿಷಯಕ್ಕೆ ಪ್ರತಿಕ್ರಿಯಿಸುವಾಗಲೂ ಪೊಲಿಟಿಕಲೀ ಕರೆಕ್ಟ್ ಆಗಿರಬೇಕು ಎಂದು ನೀವು ಒತ್ತಾಯಿಸುತ್ತಿರುವಂತೆ ಕಾಣಿಸುತ್ತದೆ. ಅಂದರೆ ದಲಿತರ ಮೇಲಿನ ದೌರ್ಜನ್ಯವನ್ನು ಖಂಡಿಸುವ ಮೊದಲು ಇನ್ನೂ ಯಾವ ಯಾವುದೋ ದೌರ್ಜನ್ಯಗಳನ್ನು ಖಂಡಿಸಿರಬೇಕು ಎಂಬ ಷರತ್ತುಗಳನ್ನು ಒಡ್ಡುತ್ತಿರುವಂತೆ ನಿಮ್ಮ ವಾದವಿದೆಯಲ್ಲವೇ?

ಇನ್ನು ಹಿಂದೂ ಧರ್ಮ ಎಂಬ ಪದ ಬಳಕೆಯ ಬಗ್ಗೆಯೇ ನನಗೆ ಆಕ್ಷೇಪವಿದೆ. ಸನಾತನ ಧರ್ಮ ಅಥವಾ ವೈದಿಕ ಧರ್ಮ ಎಂದರೆ ಹೆಚ್ಚು ಸರಿ ಎಂಬುದು ನನ್ನ ಅನಿಸಿಕೆ. ಹಿಂದೂ ಧರ್ಮ ಎಂಬುದು ಬಹಳ ಮಿಸ್ ಲೀಡಿಂಗ್ ಟರ್ಮ್. ಈ ಪದ ಬಳಕೆಯಾದ ಕೂಡಲೇ ಅನಗತ್ಯ ಜನರಲೈಸೇಶನ್ ಆರಂಭವಾಗುತ್ತದೆ. ಆದುದರಿಂದ ಹೆಚ್ಚು ನಿರ್ಧಿಷ್ಟವಾಗಿರುವ ಸನಾತನ ಧರ್ಮ ಅಥವಾ ವೈದಿಕ ಧರ್ಮವನ್ನೇ ಬಳಸೋಣ.

ರಮೇಶ್ ಸಮಗಾರ