ಮಂಗಳೂರು ವಿ.ವಿ.ಯಲ್ಲಿ ಸಂಸ್ಕಾರ ಕಾದಂಬರಿಯನ್ನು ಹಿಂದಿ ಬಾಷೆಯಲ್ಲಿ ಅರೆ-ಪಠ್ಯಪುಸ್ತಕವಾಗಿ ಇಟ್ಟದ್ದು ಏಕೆ ಗೊತ್ತುಂಟೋ? ಅನಂತಮೂರ್ತಿಯವರು ದೊಡ್ಡ ಲೇಖಕರು, ರಾಜಕಾರಣಿಗಳು ಎಂದಲ್ಲವೇ? ಅವರು ಬರೆದದ್ದೆಲ್ಲಾ ದೊಡ್ಡದೇ. ಸಂಸ್ಕಾರವೂ ದೊಡ್ಡದೆ, ಅವರು ಮಾಡಿದ್ದು ಏನುಂಟು, ಬಾಲ ಕತ್ತರಿಸಿಕೊಂಡ ಕೋತಿ ಬಾಲವಿದ್ದ ಕೋತಿಗಳೆಲ್ಲಾ ಹಳೆ ಕಾಲದವು ಎಂದಂತೆ ಅಲ್ಲವೆ? ನಮಗೆಲ್ಲಾ ನಮ್ಮ ಪೂರ್ವೀಕರು ನೀಡಿರುವ ಸಂಸ್ಕಾರ ಹೆಚ್ಚು, ಅನಂತಮೂರ್ತಿಯವರು ಕೊಟ್ಟದ್ದಲ್ಲ. ವಿ.ವಿಯಲ್ಲಿ ಅರೆ-ಪಠ್ಯಪುಸ್ತಕವಾಗಿಡಲು ಆ ಪುಸ್ತಕದಲ್ಲಿರುವ ಗಮ್ಮತ್ತಾದರೂ ಏನು? ಬ್ರಾಹ್ಮಣರನ್ನು, ಬ್ರಾಹ್ಮಣತ್ವವನ್ನು ಹೀನಾಯವಾಗಿ ಕಾಣಿಸಿರುವುದಲ್ಲವೇ? ಅದೇ ಅವರು ಹೊಸದಾಗಿ ಮುಸ್ಲಿಮರನ್ನೋ ಕ್ರಿಶ್ಚಿಯನ್ನರನ್ನೋ ಕುರಿತು ಬರೆಯಲಿ, ಬರೆದು ಗೇಲಿ ಮಾಡಲಿ, ಮಾಡಿ ಗೆಲ್ಲಲಿ ನೋಡುವ. ಆ ಪುಸ್ತಕದಿಂದ ವಿದ್ಯಾರ್ಥಿಗಳು ಕಲಿಯುವುದು ಬಹಳ ಉಂಟಲ್ಲವೇ?
ಎ.ವಿ. ನಾಗರಾಜು