"ನನ್ನಿ ರೀ ಜೋಸೆಪ್ರೆ!!"

ಈ ನನ್ನಿ ಎಂಬೋ ಮಾತನ್ನ ಸಂಪದದಲ್ಲಿ ತುಂಬಾ ಸಲ ನೋಡಿದ್ದೇನೆ. ನನ್ನಿ ಎಂದರೆ ನಿಜ ಅಂತ ತಾನೇ?
’ಬೀರದಳವಿಯ ನನ್ನಿಯ ಚಾಗದ ಶಾಸನಂ ಚಂದ್ರಾರ್ಕ ತಾರಂಬರಂ’ ಎಂಬುದು ಒಂದು ಶಿಲಾಶಾಸನದ ಸಾಲು. ಶಾಸನ ಕೆತ್ತಿಸಿದವರು ಪಂಪನಿಂದ ಈ ಸಾಲನ್ನು ಬರೆಸಿಕೊಂಡರಂತೆ. ಅದಿರಲಿ, ಇಲ್ಲಿ ನನ್ನಿ ಎಂದರೆ ಸತ್ಯ / ದಿಟ / ನಿಜ ಎಂದರ್ಥ.
ನೀವು ಬಹುಶಃ ಕೃತಜ್ಞತೆ / ಧನ್ಯವಾದ ಎಂಬುದಕ್ಕೆ ಕನ್ನಡ ರೂಪ ಕೊಟ್ಟಂತೆ ತೋರುತ್ತದೆ. ತಮಿಳಿನಲ್ಲಿ ಹಾಗೂ ಮಲಯಾಳದಲ್ಲಿ ನನ್ರಿ ಎಂಬ ಪದಬಳಕೆಯಿದೆ. ಕನ್ನಡದಲ್ಲಿನ ಈ ಪ್ರಯೋಗಕ್ಕೆ ಅವುಗಳ (ತಮಿಳು ಮಲಯಾಳಗಳ) ಪ್ರಭಾವವಿದೆಯೇ? ಈ ಕುರಿತು ಯಾರಾದರೂ ಬೆಳಕು ಚೆಲ್ಲುವಿರಾ?

ನಾನು ಹೆಚ್ಚು ತಿಳಿದವನಲ್ಲ.

ಪ್ರೀತಯಿಂದ
ಸಿ ಮರಿಜೋಸೆಫ್