> ಓ ಅದನ್ನು ಭೂಮಿ ಎನ್ನುತ್ತೀರಾ... ಅದು ಈ ನೀರು ತುಂಬಿರುವ ಬೋಗುಣಿಯ ಅಂಚು
...
> ವೈಜ್ಞಾನಿಕವಾಗಿ ಚಿಂತಿಸುವ, ಕಾರ್ಯ ಕಾರಣಗಳನ್ನು ಹುಡುಕುವ ಮನುಷ್ಯ ವಿಶ್ವದ ಕುರಿತು ಅರಿತಿರುವುದು ಲೋಳೆಮೀನಿನಷ್ಟೇ.

ವಿಜ್ಞಾನ, ``ವೈಜ್ಞಾನಿಕ ತಿಳಿವಳಿಕೆ'' ಎನ್ನುವ ಕೂಪಗಳನ್ನು ನಾವಾಗಿ ನಮಗಾಗಿ ನಿರ್ಮಿಸಿಕೊಂಡು ಅದರಾಚೆಗೆ ನಮಗೆ ಕಾಣದ್ದು ಏನೂ ಇಲ್ಲವೆಂದು ಸಾಧಿಸುವವರು, ನಾವು, ಮಂಡೂಕಗಳೊ, ಬೆಪ್ಪರೊ? ನಿಜವಾದ ವಿಜ್ಞಾನದಲ್ಲಿ "ಗೊತ್ತಿಲ್ಲ"ಕ್ಕೆ ದೊಡ್ಡ ಸ್ಥಾನವಿದೆ. ನಮ್ಮ ವಿಜ್ಞಾನದಲ್ಲಿ "ಗೊತ್ತಿಲ್ಲ"ವೆಂದರೆ "ಇಲ್ಲ"ವೆಂದೆ.

ಈ human centric ದೃಷ್ಟಿ ನಿಜವಾಗಿ ನಮಗೆ, ಭಾರತೀಯರಿಗೆ, ಹೊಸದು. ವಿಸ್ತಾರವಾಗಿ ಚರ್ಚಿಸಿ, ತರ್ಕಿಸಿ, ತರ್ಕ ಸಾಲದೆ "ಕೋ ಅಯಂ" ಎಂದಿ ಜಿಜ್ಞಾಸೆ ಮಾಡಹೊರಟ ಭಾರತೀಯರು ಎಲ್ಲವನ್ನೂ ಬಿಟ್ಟು ಈ ದುರಹಂಕಾರದ ವಿಜ್ಞಾನವನ್ನು ಹಿಡಿದಿದ್ದೇವೆ. ನಾವು ನಿಜವಾಗಿ ಬೆಪ್ಪರು.