ಮಹೇಶ, ಒಳ್ಳೆಯ ವಿಷಯವನ್ನು ಮುಂದಿಟ್ಟಿದ್ದೀಯಾ. ಕನ್ನಡದ ಬಗ್ಗೆ ಇರುವ ಅಪಪ್ರಚಾರಗಳಲ್ಲಿ ' "ಉ" ಸೇರಿಸಿದರೆ ಕನ್ನಡ ಆಗತ್ತೆ ಎಂಬುದೂ ಒಂದು' ಅಂತ ನನ್ನ ಅನಿಸಿಕೆ. "ಉ" ಸೇರಿಸುವುದು ಬಿಡುವುದು ಪಡೆನುಡಿಗಳಿಗೆ ಅನ್ವಯವಾಗದೆ ಕನ್ನಡದ ನಾಮಪದಗಳಿಗೂ ಅನ್ವಯಿಸುತ್ತದೆ ಎಂಬುದು ನನ್ನ ಅನಿಸಿಕೆ.

ಮೇಲಿನ ಉದಾಹರಣೆಗಳಲ್ಲಿ ಕನ್ನಡ ಪದಗಳ ಪಟ್ಟಿಮಾಡಿದ್ದೀಯಾ. ಇದೇ ರೀತಿ ಪಡೆನುಡಿಗಳ ಬಗ್ಗೆಯೂ ಸ್ವಲ್ಪ ಬರಿ.

ಈಗ ಇಂಗ್ಲೀಷಿನ, ಟೇಬಲ್, ಚೇರ್, ಸೋಪ್ ಇವುಗಳನ್ನು ಮಾತಿನಲ್ಲಿ ಬಳಸುವಾಗಲೂ ಕೂಡ ನಾವು "ಟೇಬಲು", "ಚೇರು", "ಸೋಪು" ಅಂತ ಬಳಸಲ್ಲ, ಅಲ್ವಾ. ಕೆಳಗಿನ ಉದಾಹರಣೆಗಳೆಲ್ಲವೂ ಮಾತಿನ ರೂಪದವು.

೧.೧ ಟೇಬಲ್ ಎಲ್ಲಿ ? ಇಲ್ಲಿ ಪಡೆನುಡಿಗೆ 'ಉ' ಸೇರಿಸಲ್ಲ.
೧.೨ ಇದು ನಾನ್ ಮಾಡಿಸಿಕೊಟ್ಟಿದ್ ಟೇಬಲ್ಲು ? ಇಲ್ಲಿ ಪಡೆನುಡಿಗೆ 'ಉ' ಸೇರಿಸಿದ್ದೇವೆ.

೨.೧ ಚೇರ್ ತೊಗೊಂಡ್ ಬಾ - ಇಲ್ಲಿ ಪಡೆನುಡಿಗೆ 'ಉ' ಸೇರಿಸಲ್ಲ.
೨.೨ ಇದು ಅವನ ಚೇರು - ಇಲ್ಲಿ ಪಡೆನುಡಿಗೆ 'ಉ' ಸೇರಿಸಿದ್ದೇವೆ.

ಹೀಗಿರುವಾಗ, ಯಾವುದೇ ಒಂದು ನಾಮಪದ ವಾಕ್ಯದ ಕೊನೆಯಲ್ಲಿ ಬರುವುದಾದರೇ ಮಾತ್ರವೇ ನಾವು "ಉ" ಬಳಸುತ್ತೀವೆಯೇ ? ಎಂಬುದಕ್ಕೆ ಉತ್ತರ ಕಂಡುಹಿಡಿದುಕೊಳ್ಳಬೇಕು. ಚರ್ಚೆ ಮುಂದೆ ಸಾಗಲಿ.