೧. ಮೊದಲಿಗೆ, ನಾನು ಪ್ರತಿಕ್ರಿಯಿಸಿರುವುದು ವೈಭವರಿಗೆ. ನಾನೆಲ್ಲೂ ನಾನು ನೀವು ಬರೆದದ್ದನ್ನು ಕಷ್ಟ ಪಟ್ಟು ಓದಿ ಮಾರುತ್ತರ ಕೊಟ್ಟಿಲ್ಲ.

೨. ಪಕ್ಕದ ತಮಿಳ್ ನಾಡಿನಲ್ಲಿ ಪೇಪರ್ ಓದುವ ಸಂಖ್ಯೆ ಎಷ್ಟಿದೆಯೋ! ಇದೆಂಥಾ ಸ್ಟ್ರಾ ಮನ್!

೩. ನಿಮ್ಮ ಸಂಸ್ಕೃತ ಹಗೆ ಯಾವ ಜಾತಿ ಹಗೆಗಿಂತ ಕಡಿಮೆ ಹರಿತವಾದುದಲ್ಲ ಎನ್ನುವುದು ನನ್ನ ಭಾವನೆ. ಕನ್ನಡದಲ್ಲಿ ಬರೆಯುವ ಎಷ್ಟೋ ಮಂದಿ ತಾವು ಬಳಸುತ್ತಿರುವುದು ಸಂಸ್ಕೃತದ ಪದಗಳೋ, ಅಚ್ಚ ಕನ್ನಡದ ಪದಗಳೋ ಎಂಬ ರಗಳೆಯಿಲ್ಲದೆ ನೆಮ್ಮದಿಯಿಂದ ಬರೆಯುತ್ತಿದ್ದಾರೆ ಓದುಗರು ಓದಿಕೊಳ್ಳುತ್ತಿದ್ದಾರೆ. ಅವರಿಗೆ ಅದು ಸಲೀಸು ಅನ್ನಿಸುತ್ತಿದೆ. ಹೀಗಿರುವಾಗ ಕೇವಲ ಒಂದು ಅಭಿಪ್ರಾಯವಾಗಿರುವ, ಮೂಲ ಕನ್ನಡದ ಪದಗಳ ಬಳಕೆ ಬಗೆಗಿನ ಚರ್ಚೆಯನ್ನೇ ಸರ್ವಸ್ವವಾಗಿಸಿಕೊಂಡಿರುವುದು ಪಂಡಿತರ ‘ಜಾತೀ’ಯತೆಯಾಗಿ ಕಾಣಿಸುತ್ತಿದೆ. ಅದಕ್ಕಾಗಿಯೇ ಈ ಟಾಪಿಕ್ ಆರಂಭಿಸಿದವರು ‘ಪಾಮರ’ರ ಅಭಿಪ್ರಾಯವನ್ನು ಕೇಳಿರುವುದು.

೪. ಭಾಷೆ ಸಂವಹನ ಮಾಧ್ಯಮ. ಸಂವಹಿಸುವ ವಿಚಾರಗಳು ಮುಖ್ಯವಾದವು. ಮಾಧ್ಯಮದ ಬಗ್ಗೆ ಆರೋಗ್ಯಕರವಾದ ಚರ್ಚೆ ಇರಬೇಕಾದ್ದೇ, ಆದರೆ ವಿಪರೀತಕ್ಕೆ ಹೋಗಿ ಅಂಧ ಅಭಿಮಾನಿಯಾಗಿ ಮಾತನಾಡುವುದು ಎಷ್ಟು ಶ್ರೇಯಸ್ಕರ? ಅದೇನೋ ಹೇಳಿದಿರಲ್ಲ ವಿಚಾರ ಭಿನ್ನತೆಗೆ ಸಹಿಷ್ಣುತೆ ಇರಲಿ ಅಂತ, ನೀವು ತೋರಿಸುತ್ತಿರುವ ಸಹಿಷ್ಣುತೆ ಅದಕ್ಕೆ ಮಾದರಿಯಾ? “ಕಾಲಕ್ಷೇಪಕ್ಕೆ ಮತ್ತೊಂದು ಸಂಸ್ಕೃತ-ಸಮ್ಮೇಳನಕ್ಕೆ ಹೋಗಿದ್ದರೆ, ಸಿಕ್ಕಾಪಟ್ಟೆ ನಗು.. ”

೫. “ನೀವು ’ಸಾಕ್ಷಾತ್ಕಾರ’ದ set-up ಮೆಚ್ಚುವವರು, ನಾನ್ 'ದುನಿಯಾ”ಮುಂಗಾರು ಮಳೆ’’ಗಾಳಿಪಟ”ಇಂತಿ ನಿನ್ನ ಪ್ರೀತಿಯ’ setup ಅಲ್ಲಿ ಬಳೆದವನು, ಮೆಚ್ಚುವವನು, ಪಾಡು ಹೀಗಿರುವಾಗ, ನಾನು ನಿಮಗೆ, ನೀವು ನನಗೆ ಹಿಡಿಸದೇ ಹೋಗುವುದರಲ್ಲಿ ಯಾವ ನಿಬ್ಬರ ಅಚ್ಚರಿ ಇಲ್ಲ..” ಇನ್ನೊಬ್ಬರ ವಿಚಾರವನ್ನು ಸಮಗ್ರವಾಗಿ, ಸಂಯಮಯುತವಾಗಿ ಕೇಳಿಸಿಕೊಳ್ಳುವ ತಾಳ್ಮೆಯಿಲ್ಲದವರು ಮಾತ್ರ ಇನ್ನೊಬ್ಬರ ಬಗ್ಗೆ ಈ ಬಗೆಯ ತೀರ್ಮಾನಗಳಿಗೆ ಬರಬಹುದು. ನಿಮ್ಮ ಮಾಹಿತಿಗಾಗಿ: ‘ಸಾಕ್ಷಾತ್ಕಾರ’ದ ಕಾಲದಲ್ಲಿ ನಾನು ಹುಟ್ಟಿಯೇ ಇರಲಿಲ್ಲ. ಅಸಲಿಗೆ ಆ ಸಿನೆಮಾವನ್ನು ನಾನು ನೋಡಿಯೇ ಇಲ್ಲ. ಇನ್ನೊಬ್ಬರನ್ನು ನಿಮ್ಮ ಕಚ್ಚಾ ಮಾಪನಗಳಿಂದ ಅನಲೈಸ್ ಮಾಡುವ ಶ್ರಮ ತೆಗೆದುಕೊಳ್ಳಬೇಡಿ.

೬. “ಅದು ಸಿಕ್ಕಾಪಟ್ಟೆ ’ಧರ್ಮ’ ಎಂಬ ಹೆಸರಿನ ಅಚಾರದ ಕಟ್ಟಳೆಗೆ ಅಂಟಿಕೊಂಡವರಲ್ಲಿ ಕಡಮೆ. ನಿಮ್ಮ ಬರಹಗಳನ್ನು ಓದಿದರೆ ನೀವು ಅಂತಹವರೇ ಎಂದು ನನಗೆ ಅನ್ನಿಸಿದೆ.” ಇದಪ್ಪಾ ವರಸೆ... ಮಾಯ್ಸ್ ಅಣ್ಣ ಆಗಲೇ ನ್ಯಾಯಾಧೀಶರಾಗಿ ಬಿಟ್ಟರು. ಕೊಡಿ, ನಿಮ್ಮ ತೀರ್ಪುಗಳನ್ನು... ಇದು ನಿಮ್ಮ so called comfort zone ಆಗಿರಬಹುದು.

ಇಂತಿ,
ಒಬ್ಬ ಪಾಮರ
_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
http://kalaravapatrike.wordpress.com
http://ekshanadasatya.wordpress.com