ಹೇಯ್, ಎಲ್ರೂ ದಯವಿಟ್ಟು ಒಂದು ಕ್ಷಣ ತಡೀರಪ್ಪಾ. ಇಲ್ಲಿ ನಾವು "೧೦:೩೦" ಬಗ್ಗೆ ಚರ್ಚಿಸುತ್ತಾ ಇದ್ದೀವಲ್ಲ "ಅದು" ಸ್ವಾತಂತ್ರ್ಯದ ಕಲ್ಪನೆ ಅಲ್ಲ. ಹೆಂಗಸರಿಗಾಗಲೀ, ಗಂಡಸರಿಗಾಗಲೀ ೧೦:೩೦ರ ನಂತರ ಆರಾಮಾಗಿ ಓಡಾಡಿಕೊಂಡಿರುವ ಸ್ವಾತಂತ್ರ್ಯ ಇದ್ದೇ ಇದೆ. ಆದರೆ ಇಲ್ಲಿ ಧೈರ್ಯದ ಮತ್ತು ನಂಬುಗೆಯ ಪ್ರಶ್ನೆ ಮಾತ್ರವೇ ಇರೋದು.

ಕಲ್ಪನ ಅವರು ಒಂದು ಎತ್ತಿದ ಪಾಯಿಂಟು ಗಂಡಸರ ತಲೆ ಮೇಲೆ ಹೊಡೆದಹಾಗಿದೆ. ಸೂಪರ್ ಪಾಯಿಂಟ್

ಗಂಡಸರಾಗಿ, ಬೇರೆ ಗಂಡಸರ ನಡತೆಯ ಬಗ್ಗೆ ನಿಮಗೆಷ್ಟು ನಂಬುಗೆ ಇದೆ?

ಅಂದರೆ, ಇಲ್ಲಿ
೧. ಗಂಡಸರಿಗೆ ಬೇರೆ ಗಂಡಸರ ಬಗ್ಗೆ ನಂಬಿಕೆಯಿಲ್ಲ.
೨. ಅಫ್ಕೋರ್ಸ್, ಹೆಂಗಸರಿಗೂ ಗಂಡಸರ ಮೇಲೆ ನಂಬಿಕೆಯಿಲ್ಲ
೩. ಹೆಂಗಸರಿಗೆ ಧೈರ್ಯ ಇಲ್ಲ (ಪಾಸಿಟೀವ್ ಆಗಿ ತೊಗೊಳ್ರಪ್ಪಾ ನನ್ನ ಮಾತನ್ನ, ಆಮೇಲೆ ನನ್ನನ್ನು ಬಯ್ಯಬೇಡಿ, ಹೀಗಂದೆ ಅಂತ). "ಧೈರ್ಯ ಯಾಕೆ ಇಲ್ಲ", ಎನ್ನುವುದು ಆಮೇಲಿನ ಪ್ರಶ್ನೆ.
೪. ಗಂಡಸರಿಗೆ ಹೆಂಗಸರ ಮೇಲೆ ನಂಬಿಕೆಯಿಲ್ಲ. ಅದೇ ಪೊಸೆಸೀವನೆಸ್ ಅಂತಾರಲ್ಲ ಅದು.
(ಹಾಂ. ನೆನಪಿಡಿ. ಇವೆಲ್ಲ ಪಾಯಿಂಟುಗಳಿಗೂ ಅಪವಾದಗಳು ಇದ್ದೇ ಇವೆ).

ಹಾಗಾಗಿ, ಇಲ್ಲಿ ೧೦:೩೦ರ ನಂತರ ಓಡಾಡುವುದಕ್ಕೆ "ಮುಕ್ತ ಸಮಾಜ - Open Minded Society" ಎನ್ನಬೇಕೇ ಹೊರತು "ಸ್ವಾತಂತ್ರ್ಯ ಸಿಗುವುದು" ಎಂದುಕೊಳ್ಳುವುದು ಸರಿಕಾಣುವುದಿಲ್ಲ. ಗಂಡು ಮತ್ತು ಹೆಣ್ಣಿನ ನಡುವೆ "ಮುಕ್ತ ವಾತಾವರಣ" ಇಲ್ಲದ ಕಾರಣ ರಾತ್ರಿ ೧೦:೩೦ರ ನಂತರ ಓಡಾಡಲು ಹೆಂಗಸರಿಗೆ ಆಗುತ್ತಿಲ್ಲ. ಆದರೆ ಇದನ್ನು ಸ್ವಾತಂತ್ರ್ಯದ ಜೊತೆ ತಳುಕು ಹಾಕಬೇಡಿ. ಸ್ವಾತಂತ್ರ್ಯ ಎಲ್ಲರಿಗೂ ಇದ್ದೇ ಇದೆ.