ಪ್ರಿಯ ಶ್ರೀನಿಧಿಯವರೆ,
ತಮ್ಮ ಅನಿಸಿಕೆಯನ್ನು ನೇರವಾಗಿ ಹೇಳಿದ್ದಕ್ಕೆ ಧನ್ಯವಾದಗಳು. ಹಾಸ್ಯ ನನ್ನ ಪ್ರಾಥಮಿಕ ವಿಷಯಗಳಲ್ಲೊಂದು. ಹಾಗಾಗಿ ನಾನು ಹಾಸ್ಯವನ್ನು ಎಂದೂ ವಿರೋಧಿಸಿಲ್ಲ. ನನ್ನದೇ ಕೆಲವು ಹಾಸ್ಯ ಲೇಖನಗಳು ಈಗಾಗಲೆ ಸಂಪದದಲ್ಲಿ ಬೆಳಕು ಕಂಡಿವೆ.
ಇನ್ನು ತಾವು ತಿಳಿಸಿರುವುದು ನಾನು ’ಏಪ್ರಿಲ್ ಒಂದರಂದು ಜನರನ್ನು ಮೂರ್ಖರನ್ನಾಗಿಸುವ ಆಟ’ವನ್ನು ವಿರೋಧಿಸಿರುವುದರ ಬಗ್ಗೆ ಎಂದು ಭಾವಿಸುತ್ತೇನೆ. ಅಲ್ಲಿ ನಾವು ಇನ್ನೊಬ್ಬರನ್ನು, ಅದರಲ್ಲಿಯೂ ನಮ್ಮ ಹತ್ತಿರದ ಸ್ನೇಹಿತರು, ಬಂಧುಗಳನ್ನು ಮೂರ್ಖರನಾಗಿಸುವಾಟವನ್ನು ವಿರೋಧಿಸಿದ್ದೆನೇ ಹೊರತು, ಹಾಸ್ಯವನ್ನಲ್ಲ. ಹಾಸ್ಯವೇ ಬೇರೆ, ಮೂರ್ಖರಾಟವೇ ಬೇರೆಯೆಂದು ನನ್ನ ಅನಿಸಿಕೆ.
ಈ ಲೇಖನವನ್ನು ನಾನು ಹಾಸ್ಯದ ಲೇಪವನ್ನು ಕೊಟ್ಟು ಬರೆದಿದ್ದೇನೆಯೇ ಹೊರತು, ಕೇವಲ ಮನರಂಜನೆಗಾಗಿ ಅಲ್ಲ. ಸಾಲುಗಳ ಒಳ ಹೊಕ್ಕು ಹೂರಣವನ್ನು ನೋಡಿದರೆ, ನಮ್ಮ ಬೆಂಗಳೂರಿನಲ್ಲಿ ಬೀದಿ ನಾಯಿಗಳಿಂದಾಗುತ್ತಿರುವ ಅನಾಹುತಗಳ, ಅವುಗಳ ಕಡೆಗೆ ಸಂಬಂಧಿತ ಅಧಿಕಾರಿಗಳ ನಿರ್ಲಕ್ಷ್ಯ ಇತ್ಯಾದಿಗಳು ಕಣ್ಣಿಗೆ ಬೀಳುತ್ತವೆ. ಈ ಲೇಖನವನ್ನು ಬರೆಯುವಾಗ, ಅನ್ಯ ಕಾರ್ಯಗಳ ಒತ್ತಡ ಬಂದು ಪೂರ್ಣಗೊಳಿಸಲಾಗಲಿಲ್ಲ. ಆನಂತರ, ನಾನು ಅದನ್ನು ಸಂಪದದ ಓದುಗರಿಂದಲೇ ಬರೆಯಿಸಿದರೆ ಹೇಗೆಂದು ಯೋಚಿಸಿದ್ದೆ. ಇರಲಿ, ಇದು ಸಂಪದದ ಓದುಗರಿಗೆ ಬೋರೆನಿಸಿದರೆ, ಅಂತಹ ಸಾಹಸಕ್ಕೆ ಖಂಡಿತಾ ಕೈ ಹಾಕುವುದಿಲ್ಲ.
ಧನ್ಯವಾದಗಳು.
ಎ.ವಿ. ನಾಗರಾಜು