"ಅಣ್ಣಾವ್ರು", ಬಹುಶಃ, ನಾನು ಈ ಪದವನ್ನು ಮುಂಚೆ ಎಲ್ಲಿಯೂ ಬಳಸಿಲ್ಲ. ಆದರೆ, ಆತ ಕನ್ನಡದ ವಿಷಯದಲ್ಲಿ ಮೈಗೂಡಿಸಿಕೊಂಡ ಆದರ್ಶವನ್ನು ವಿಶ್ಲೇಷಿಸುತ್ತಾ ಕೂತರೆ, ಡಾ||ರಾಜ್ಕುಮಾರನ ಮೇಲೆ ಅದೆಷ್ಟು ಗೌರವ ಮೂಡುತ್ತೆ ಗೊತ್ತಾ. ನನಗೆ ಡಾ||ರಾಜನ್ನು "ಅಣ್ಣಾವ್ರು" ಅಂತ ಕರೆಯೋಕ್ಕೆ ಸೌಜನ್ಯವಾಗಲೀ, ಮುಜುಗರವಾಗುವುದೇ ಅಡ್ಡವಾಗುವದೇ ಇಲ್ಲ. ಅದೇಕೋ ಗೊತ್ತಿಲ್ಲ, ನನಗೆ ಡಾ||ರಾಜ್ ಅನ್ನು ಏಕೆವಚನದಲ್ಲಿ ಕೆರೆಯೋದೇ ಇಷ್ಟ. ಬಹುವಚನ ಬಳಸಿಬಿಟ್ಟರೆ, ಅವನು ಯಾರೋ ಬೇರೆಯವನಾಗಿ ನಿಂತು ಬಿಡುತ್ತಾನೆ. ಅಲ್ಲಾ, ರಾಜ್ಕುಮಾರು ನಮಗೆ ಮಾರ್ಗತೋರಿಸಿಕೊಟ್ಟ ಆದರ್ಶವಾದರೂ ಎಂಥಾದ್ರೀ.

"ಜಗವೇ ಒಂದು ರಣರಂಗ". ಎಂಥ ಹಾಡ್ ಕಣ್ರೀ ಇದು. ಹುಚ್ಚೆದ್ದು ಕುಣಿಸುತ್ತದೆ ನನ್ನನ್ನ. ಅದೇನು ಧಾಟಿ, ಅದೇನು ನೀತಿಬೋಧೆ. ಯಪ್ಪಾ!!! ಎಂತಹ ತಾತ್ವಿಕ ನೆಲೆಯನ್ನು ನನಗೆ ತೋರಿಸಿಕೊಟ್ಟಿದೆ ಎಂದರೆ, ನಾನು ಈ ಹಾಡನ್ನು, "ನನ್ನ ನಿತ್ಯಸ್ತುತಿ"ಯನ್ನಾಗಿ ಮಾಡಿಕೊಳ್ಳಬೇಕು ಅಂತ ಇದ್ದೀನಿ.