ಪುಟಾಣಿ ಹಕ್ಕಿ ಮರಿಗಳಿಗೆ ಮೊದಲ ಪಾಠ..

ಪುಟಾಣಿ ಹಕ್ಕಿ ಮರಿಗಳಿಗೆ ಮೊದಲ ಪಾಠ..

  ಒಂದು ಪುಟ್ಟ ಹಕ್ಕಿ ಸಂಸಾರದ ಕತೆ ಹೇಳುವೆ. ಮೊದಲು ನನಗೆ ಗೊತ್ತಾದದ್ದು ನಮ್ಮ ಬಾತ್‌ರೂಮಿನೊಳಗಿಂದ ಈ ಹಕ್ಕಿಗಳ ಹಾಡು ಕೇಳಿಸಿದಾಗ... ( ಪೇಟೆ ಜೀವನದಲ್ಲಿ ಹಕ್ಕಿ ಹಾಡು ಪರಿಚಯವಿಲ್ಲದವರಿಗಾಗಿ ಕೆಲ ಹಕ್ಕಿಗಳ ಹಾಡು ಇಲ್ಲಿದೆ- http://www.youtube.com/watch?v=rL4Z9d9oObY ). ಹೋಗಿ ನೋಡಿದರೆ ಅವು ಕಾಣಿಸಲಿಲ್ಲ.  ಫ್ಲಾಟ್‌ಗಳ ಸ್ಯಾನಿಟರಿ ಪೈಪ್‌ಗಳು ಹೋಗಲು ಕಟ್ಟಡದ ನಡುವೆ, ಮೇಲಿಂದ ಕೆಳಗಿನವರೆಗೆ ಮೂರಡಿ ಉದ್ದಗಲದ ಸ್ಥಳ ಬಿಟ್ಟಿದ್ದಾರೆ. ಅದರಲ್ಲಿ ನಡುವೆ ಎಲ್ಲೋ ಗೂಡು ಕಟ್ಟಿದ್ದವು. ದಿನವೂ ಅವುಗಳೆರಡರ ನಡುವೆ ಬಿಸಿಬಿಸಿ ಚರ್ಚೆ ನಡೆಯುತ್ತಿತ್ತು. ಈ ಫ್ಲಾಟ್‌ನ ಸುತ್ತಮುತ್ತ ಬೇಕಾದಷ್ಟು ಮರ ಗಿಡ ಪೊದೆಗಳು ಇವೆ. ಆದರೂ ಆ ಹಕ್ಕಿಗಳು ಮುಂದೆ ಹುಟ್ಟುವ ಮರಿಗಳ ಸೇಫ್ಟಿಗಾಗಿ ಈ ಸ್ಥಳವನ್ನೇ ಆಯ್ಕೆ ಮಾಡಿತು.  ಅವು ಭಯ ಬೀಳುವುದು ಬೇಡವೆಂದು ಅವುಗಳ ಫೋಟೋ ತೆಗೆಯಲು ಹೋಗಲಿಲ್ಲ.
 ಸ್ವಲ್ಪ ದಿನದಲ್ಲೇ ಮರಿಗಳ ಸ್ವರವೂ ಕೇಳಿಸುತ್ತಿತ್ತು. ಬೆಳಗ್ಗೆ ಟೆರೆಸ್ ಮೇಲೆ ವಾಕಿಂಗ್ (!) ಮಾಡುವಾಗ ಈ ಹಕ್ಕಿ ಜೋಡಿಯೂ ದೂರದಲ್ಲಿದ್ದು ನನ್ನನ್ನು ಗಮನಿಸುತ್ತಿದ್ದವು.  ನಾನಿರುವಷ್ಟು ಸಮಯ ಅವುಗಳ ಗೂಡಿನ ಕಡೆಗೆ ಹೋಗುತ್ತಿರಲಿಲ್ಲ. ನಾನೂ ಅವುಗಳನ್ನು ಗಮನಿಸದಂತೆ ವಾಕ್ ಮಾಡುತ್ತಿದ್ದೆ.
 ಕಳೆದ ವಾರ ಬೆಳಗ್ಗೆ ನೋಡುತ್ತೇನೆ....ಅವುಗಳು  ತಮ್ಮ ಎರಡು ಮರಿಯನ್ನೂ ಕರಕೊಂಡು ಬಂದಿದ್ದವು. ಕಿಚಪಿಚ ಹಾಡುತ್ತಾ, ಅರೆಬರೆ ಹಾರಾಡುತ್ತಾ ಇದ್ದವು. ನಾನು ಅವುಗಳ ಕಲಿಯುವಿಕೆಗೆ ತೊಂದರೆ ಬೇಡವೆಂದು ದೂರದಲ್ಲಿ ಸುಮ್ಮನಿದ್ದೆ. ಹಾಗೇ ಹಾರುತ್ತಾ ಹಾಡುತ್ತಾ ಅವು ಪಕ್ಕದ ಫ್ಲಾಟ್‌ನ ಮೇಲೆ ಹೋದವು. ಸ್ವಲ್ಪ ಹೊತ್ತಿಗೆ ಎಲ್ಲ ಮೌನ. ಬಟ್ಟೆ ಒಣ ಹಾಕುವ ತಂತಿಯ ಮೇಲೆ ಕುಳಿತಿದ್ದ ಹಕ್ಕಿ ಮರಿಗಳ ಅಕ್ಕ ಪಕ್ಕ ತಂದೆ-ತಾಯಿ ಹಕ್ಕಿಗಳು ಬಂದು ಕುಳಿತವು. ಮೇಲೊಂದು ಹದ್ದು ಸುತ್ತು ಹಾಕಿ, ಸುತ್ತುಹಾಕಿ ಬಂದು ನೇರ ಹಕ್ಕಿಗಳ ಎದುರಿದ್ದ ನೀರಿನ ಟ್ಯಾಂಕಿಯ ಮೇಲೆ ಕುಳಿತಿತು. ನನಗೇ ಒಂದು ಕ್ಷಣ ಉಸಿರು ನಿಂತ ಹಾಗಾಯಿತು. ಇನ್ನು ಆ ತಂದೆ-ತಾಯಿ ಹಕ್ಕಿಗಳಿಗೆ ಹೇಗಾಗಿರಬಹುದು..ಅಷ್ಟೆಲ್ಲಾ ಮುತುವರ್ಜಿ ವಹಿಸಿ, ಸೇಫ್ ಆಗಿ ಸಾಕಿ, ಬೆಳಸಿ, ಈಗ ಹದ್ದಿನ ಬಾಯಿಗೆ ಸಿಗುವುದೇ.... ಈ ಪುಟಾಣಿ ಹಕ್ಕಿಗಳು ಹದ್ದಿನ ಬಾಯಿಗೆ ಯಾವ ಲೆಕ್ಕ? ಏನು ಮಾಡಲಿ..ಹದ್ದನ್ನು ಓಡಿಸಲು ಕೈ ಎತ್ತಿದರೆ, ಈಗ ತಂದೆ-ತಾಯಿಯ ರಕ್ಷಣೆಯಲ್ಲಿರುವ ಹಕ್ಕಿಮರಿಗಳು ಹಾರಿಬಿದ್ದು ಹದ್ದಿನ ಕೈಗೆ ಸಿಕ್ಕಿದರೆ... ಏನೂ ಮಾಡಲು ತೋಚದೆ ಸುಮ್ಮನಿದ್ದೆ. ನಾನಲ್ಲಿದ್ದುದರಿಂದ ಹದ್ದು ಹಕ್ಕಿಮರಿ ಕಡೆ ಹೋಗಿರಲಿಕ್ಕಿಲ್ಲವೆಂದು ಆಲೋಚಿಸಿ ಅಲ್ಲಿಂದ ಕದಲದೇ ನಿಂತೇ ಇದ್ದೆ.
ಆವಾಗಲೇ  ಒಂದು ಕಾಗೆ ಸಹ ಅಲ್ಲಿಗೆ ಬಂತು. ದೇವರೇ..ಇನ್ನು ಹಕ್ಕಿ ಮರಿಗಳ ಕತೆ ಮುಗಿದಂತೆ, ಅಂತ ಬಹಳ ಬೇಸರವಾಯಿತು. ಆದರೆ ನಡೆದದ್ದೇ ಬೇರೆ!
 ಕಾಗೆಯು ಹದ್ದಿಗೆ ಕುಕ್ಕುವಂತೆ ಸಮೀಪ ಹೋಗಿ, ಹದ್ದು ರೆಕ್ಕೆ ಅಗಲಿಸಿದಾಗ ದೂರಹೋಗಿ, ಪುನಃ ಕುಕ್ಕುವಂತೆ ಹತ್ತಿರ ಹೋಗುವುದು,ರೆಕ್ಕೆ ಅಗಲಿಸಿದಾಗ ಹಾರಿ ದೂರಹೋಗುವುದು ಮಾಡುತ್ತಲೇ ಇತ್ತು. ಕೊನೆಗೆ ಹದ್ದು ಸೋತು ಹಾರಿ ಹೋಯಿತು! ಕಾಗೆ ಮತ್ತೂ ಬಿಡದೇ ಅದನ್ನು ಅಟ್ಟಿಸಿಕೊಂಡು ಹೋಯಿತು.. ನನಗೆ ಆಶ್ಚರ್ಯ ಸಂತೋಷ ಎರಡೂ ಆಯಿತು.
 ಬಹುಷಃ ಆ ಕಾಗೆಯು ಸಹ ಈ ಹಕ್ಕಿ ಸಂಸಾರವನ್ನು, ನನ್ನಂತೆ ದೂರದಿಂದಲೇ ಇಷ್ಟುದಿನ ಗಮನಿಸುತ್ತಲೇ ಇತ್ತು ಕಾಣುತ್ತದೆ. ಈಗ ಆಪತ್ತಿನಲ್ಲಿರುವಾಗ ರಕ್ಷಣೆಗೆ ಬಂತು.

Rating
No votes yet

Comments

Submitted by lpitnal@gmail.com Tue, 11/06/2012 - 08:02

ಪ್ರಿಯ ಗಣೇಶ ರವರೇ ಲಕ್ಷ್ಮೀಕಾಂತ ಇಟ್ನಾಳ ರ ವಂದನೆಗಳು. ತಮ್ಮ ಪಕ್ಷಿ ಪ್ರೇಮ ಹಾಗೂ ತಾಯ ಹೃದಯಕ್ಕೆ ನೂರು ಸಲಾಮ್ . ಲೇಖನದಲ್ಲಿ ವಿವರಿಸಿದ ಆಧಾರದ ಮೇಲೆ ಹೇಳಬಹುದಾದರೆ ಅವುಗಳು ಬುಲ್ ಬುಲ್ ಹಕ್ಕಿಗಳ ಸಂಸಾರವಿರಬಹುದು. ತಲೆಯ ಮೇಲೆ ಸಣ್ಣ ಕಿರೀಟದಂತೆ ಇರುವ ಕಿವಿಗಳ ಸುತ್ತ ಹಾಗೂ ಪುಚ್ಚಗಳ ಕೆಳಗೆ ತಿಳಿಗೆಂಪು ಸಹಿತ ಕಪ್ಪು ಹಕ್ಕಿಗಳು ರೆಡ್ ವೆಂಟೆಡ್ ಹಾಗು ರೆಡ್ ವಿಸ್ಕರ್ಡ್ ಬುಲ್ ಬುಲ್ ಗಳೇ ಇರಬಹುದೇನೊ. ಜನವಸತಿ ಸಮೀಪದಲ್ಲೂ ವಾಸಿಸುತ್ತವೆ. ಪಕ್ಷಿ, ಹಕ್ಕಿಮರಿಗಳ ಕಡೆಗಿನ ಕಾಳಜಿ ಎಲ್ಲರಿಗೂ ಬರಬೇಕಾದ ಅವಶ್ಯಕತೆ ಇದೆ. ಅಮೇರಿಕೆಯಲ್ಲಿ ಪ್ರತಿಶತ 28% ಜನ ಪಕ್ಷಿ ಪ್ರೇಮಿಗಳಿದ್ದರೆ ಭಾರತದಲ್ಲಿ ನಾವು 2% ಇದ್ದೇವೆ. ಸ್ವಾಗತಾರ್ಹ ಲೇಖನ. ಧನ್ಯವಾದಗಳು.

Submitted by ಗಣೇಶ Fri, 11/09/2012 - 00:16

In reply to by lpitnal@gmail.com

ಇಟ್ನಾಳರೆ,
ತಾವಂದಂತೆ ಇದು ಬುಲ್‌ಬುಲ್ ಏ ಇರಬಹುದು. ಹೊಟ್ಟೆಯ ಬದಿ ಬೆಳ್ಳಗಿದ್ದು, ತಲೆ ಬೆನ್ನು ಕಪ್ಪಗಿದೆ. ನಾಳೆ ಬೆಳಗ್ಗೆ ಇನ್ನೊಮ್ಮೆ ನೋಡಿ ಖಾತ್ರಿ ಮಾಡಿಕೊಳ್ಳುವೆ. ತಮ್ಮ ವಿವರಣೆಗೆ ತುಂಬಾ ಧನ್ಯವಾದಗಳು.
-ಗಣೇಶ.

Submitted by lpitnal@gmail.com Sat, 11/10/2012 - 09:23

In reply to by ಗಣೇಶ

ಗಣೇಶರೇ, ಹಕ್ಕಿಗಳಲ್ಲಿ ಅವುಗಳ ಆಕಾರ, ಬಣ್ಣ, ಹಾರುವ ವಿಧ, ಜಿಗಿಯುವ ವಿಧ, ರೆಕ್ಕೆ, ಪುಕ್ಕ, ಬೆನ್ನು, ಹೊಟ್ಟೆ ಮುಖದ ಚುಂಚು, ಹುಬ್ಬು, ತಲೆಯ ಆಕಾರ, ಬಾಲ ಮುಂತಾಗಿ ವಿಶಿಷ್ಟತೆಗಳನ್ನು ನೋಡಿಯೇ ಗುರುತಿಸಲು ಸಾಧ್ಯ. ಈ ಸಂಬಂಧ ಇದು ನಮ್ಮ ಸೌಥ ಇಂಡಿಯಾ ಆದಲ್ಲಿ ಬುಲ್ ಬುಲ್ , ವ್ಯಾಗಟೇಲ್, ಫ್ಲಾಯ್ ಕ್ಯಾಚರ್, ಟೇಲರ್ ಬರ್ಡ್ (ವೀವರ್ ಬರ್ಡ್) ಗಳಲ್ಲಿ ಯಾವುದಾದರೂ ಒಂದು ಎಂದು ಹೇಳಬಹುದು. ಇಷ್ಟು ದೂರದಿಂದ ಎಕ್ಷಪರ್ಟ್ಸ್ ಹೇಳಬಹುದಾದರೂ ನನಗೆ ಸಾಧ್ಯವಾಗದು. ಕ್ಷಮಿಸಿ ಸರ್.

Submitted by ಗಣೇಶ Sun, 11/11/2012 - 08:05

In reply to by lpitnal@gmail.com

ಇಟ್ನಾಳರೆ,
ನಾವು ಅಂಡಾಂಡ..ಅವತಾರ ತಾಳಿದಾಗ "ಕ್ಷಮೆ",ಆಶೀರ್ವಾದ...ಇತ್ಯಾದಿ ಕೇಳಿ. ಈಗ ಬೇಡ.:)
ಇದು ದೂರದಿಂದ ಮೊಬೈಲಲ್ಲಿ ತೆಗೆದು, ಎನ್‌ಲಾರ್ಜ್ ಮಾಡಿದ್ದು..ಸರಿಯಾಗಿ ಬಂದಿಲ್ಲ.
-ಗಣೇಶ.

Submitted by Chikku123 Fri, 11/09/2012 - 13:26

ಎಲ್ಲರೂ/ಎಲ್ಲವೂ ಕೆಟ್ಟವರಾಗಿರುವುದಿಲ್ಲ ಅಂಥಾ ಅಲ್ಲಿಗೆ!!!
ಹಾವು ಮುಂಗಸಿಯ ಕಥೆ ನೆನಪಿಗೆ ಬಂತು ಗಣೇಶಣ್ಣ

Submitted by partha1059 Fri, 11/09/2012 - 19:13

ಗಣೇಶರೆ ಈ ರೀತಿ ಪರಸ್ಪರ‌ ಸಹಾಯ‌ ಪ್ರಾಣಿ ಹಾಗು ಪಕ್ಷಿಗಳಲ್ಲಿ ಸಾಮಾನ್ಯ. ನೀವು ಹಲವು ಪ್ರಕರಣ‌ ಓದಿರಬಹುದು , ನೋಡಿರಬಹುದು ವೀಡಿಯೊಗಳಲ್ಲಿ, ಕೆಲವೊಮ್ಮೆ ಪ್ರಾಣ‌ ಕೊಡಲು ಸಿದ್ದವಿರುತ್ತವೆ, ತಮ್ಮ ಸ್ನೇಹ‌ ಪ್ರೀತಿಗಾಗಿ. ಬೇಟೆಗಾರರು ಬ0ದಾಗ‌ ಕಾಡಿನಲ್ಲಿ ಎಚ್ಚರ‌ ಕೊಡುವ‌ ಪಕ್ಷಿಗಳ‌ ಬಗ್ಗೆ ನೋಡಿದ್ದೀರಲ್ಲ ‍ ಕೆಲವು ಅ0ಗ್ಲ ಸಿನಿಮಾಗಳಲ್ಲಿ.

Submitted by ಗಣೇಶ Sat, 11/10/2012 - 00:14

In reply to by partha1059

>>ಈ ರೀತಿ ಪರಸ್ಪರ‌ ಸಹಾಯ‌ ಪ್ರಾಣಿ ಹಾಗು ಪಕ್ಷಿಗಳಲ್ಲಿ ಸಾಮಾನ್ಯ
-ಪರಸ್ಪರ ಕತ್ತಿ ಮಸೆಯುವುದು ಮಾನವರಲ್ಲಿ ಸಾಮಾನ್ಯ.:)
ಧನ್ಯವಾದಗಳು
-ಗಣೇಶ.

Submitted by venkatb83 Sat, 11/10/2012 - 18:01

In reply to by ಗಣೇಶ

ಅಣ್ನಾ ಮತ್ತೆ ನಿಮ್ಮ್ ಕ್ಯಾಮೆರಾ ಹಕ್ಕಿ ಪಕ್ಕಿಗಳತ್ತ ..!

ಮನುಷ್ಯ ಪ್ರಾಣಿಯೆ ಆದ್ರೂ ಬೇರೆ ಪ್ರಾಣಿ ಮತ್ತು ಪಕ್ಷಿಗಳಿಗಿ0ತ‌ ........!!
ಅಣ್ನಾವ್ರೇ ಹಾಡಿಲ್ಲವೆ? ಪ್ರಾಣಿಗಳೇ ಮೇಲು ಮಾನವ‌ ಅದಕ್ಕಿ0ತ‌ ಕೀಳು ಅ0ತ‌..

ಬೆಳಕಿನ‌ ಹಬ್ಬ ದೀಪಾವಳಿಯ‌ ಶ್ಹುಭ‌ ಹಾರೈಕೆಗಳು..

ಒಳಿತಾಗಲಿ.
\|

Submitted by Shreekar Sun, 11/11/2012 - 16:46

In reply to by ಗಣೇಶ

- ಗಣೇಶಣ್ಣಾ ?

ಕಣ್ಣಿಗೆ ರಾಚುವಂತಹ ಬಣ್ಣಬಣ್ಣದ ಒಳ್ಳೆಯ ಮುದ್ರಣದ ವಿಜಯವಾಣಿ ಖರೀದಿಸಿ ನೋಡಿದರೆ ನಮ್ಮ ಅರಾಜಕಾರಣಿಗಳ ದೀಪಾವಳಿ ಶುಭಾಶಯಗಳ ಜಾಹೀರಾತುಗಳಿಂದ ತುಂಬಿತ್ತು.

ಆದರೂ ಒಬ್ಬಿಬ್ಬ ಖ್ಯಾತನಾಮರ ಹಾಸ್ಯಬರಹಗಳನ್ನು ಓದಿ ಖುಷಿ ಪಟ್ಟೆ.

ಪ್ರಜಾವಾಣಿ, ಉದರವಾಣಿಗಳನ್ನು ಇನ್ನೂ ನೋಡಿಲ್ಲ.

ನಿಮ್ಮ ಪತ್ತೆ ಕೊಟ್ಟರೆ ಓದಿ ಹಳತಾದ ಮೇಲೆ ಕಳಿಸಿ ಕೊಡಬಹುದೇನೋ!

>>>ನಿಮ್ಮ ಪತ್ತೆ ಕೊಟ್ಟರೆ ಓದಿ ಹಳತಾದ ಮೇಲೆ ಕಳಿಸಿ ಕೊಡಬಹುದೇನೋ!
-ಹೇಗೂ ಓದಿಯಾಯಿತಲ್ಲ, ಕಳುಹಿಸಿ ಎಂದು "ಪತ್ತೆ" ಬರೆಯಲು ಹೊರಟೆ...ಆದರೆ ನೀವು "ಓದಿ ಹಳತಾದ ಮೇಲೆ" ಅಂದಿದ್ದೀರಿ..ಅಂದರೆ ಸದ್ಯಕ್ಕೆ ಸಿಗದು. ಮುಂದಿನ ದೀಪಾವಳಿಗೆ "ಕೊಡಬಹುದೇನೋ"!? :)
ವಿಜಯವಾಣಿ ವಿಶೇಷಾಂಕ ಕ್ಯಾನ್ಸಲ್- ಓವರ್ ಟು ಸಪ್ತಗಿರಿವಾಸಿ..
-ಗಣೇಶ.

ನೀವು ಹೀಗೆ ಮಾಡಿ , ನಿಮ್ಮದು ಓದಿಯಾದ‌ ಮೇಲೆ, ಸೀದ‌ ಬನಶ0ಕರಿ ದೇವಾಲಯಕ್ಕೆ ಹೋಗಿ ಅಲ್ಲಿರುವ‌ ಗರುಡಗ0ದದ‌ ಕಟ್ಟೆಯ‌ ಮೇಲೆ ನಿಮ್ಮ ವಿಜಯವಾಣಿಯನ್ನಿಟ್ಟು ಕೈಮುಗಿದು ಹಿ0ದೆ ತಿರುಗಿನೋಡದೆ ಬ0ದು ಬಿಡಿ , ಅವರು ತೆಗೆದುಕೊಳ್ಳುತ್ತಾರೆ
ಹ್ಹಹಹ್ಹ್ಹ್ಹ್ಹ್ಹಹಹಹಹಹ್.....

Submitted by venkatb83 Sun, 11/11/2012 - 18:08

ಗಣೇಶ್ ಅಣ್ಣ ನಾ ಇನ್ನು ಯಾವುದೇ ವಿಶೇಷಾಂಕ ಖರೀದಿಸಿಲ್ಲ.(ಮಾರುಕಟ್ಟೆಗೆ ಎಲ್ಲವೂ ಬಂದಿವೆ)..ನಾ ಅಂತೂ ಎಲ್ಲವನ್ನು ಖರೀದಿಸುವೆ. ...ಸಾಧ್ಯವಾದರೆ ಎಲ್ಲದವುಗಳ ಬಗ್ಗೆ ಬರೆವೆ.ನೆನಪಿಸಿದ್ದಕ್ಕೆ ನನ್ನಿ !!

>>>> ನಮ್ಮ ಸಹ ಸಂಪದಿಗ ಶ್ರೀ ನಾಥ್ ಭಲ್ಲೆ ಅವ್ರು ದಟ್ಸ್ ಕನ್ನಡದಲ್ಲಿ ಸುಬ್ಬನ ಬಗ್ಗೆ ಒಂದು ಬರಹ ಬರೆದಿರುವರು (ಸುಬ್ಬ ಅಂತ ಶೀರ್ಷಿಕೆ ನೋಡಿದ ಕೂಡಲೇ ಸಂಶಯ ಬಂತು ಅವ್ರೆ ಬರದಿರಬಹುದ ?ಅಂತ ಅದು ನಿಜವಾಯ್ತು)
ಅದರ ಲಿಂಕ್ ಇಲ್ಲಿದೆ ಎಲ್ರೂ ಓದಿ..
http://kannada.oneindia.in/festivals/diwali/2011/1017-subbu-the-one-and-only-son-in-law-aid0038.html

@ ಭಲ್ಲೆ ಅವ್ರೆ ಆ ಬರಹವನ್ನು ನೀವ್ಯಾಕೆ ಇನ್ನು ಸಂಪದದಲ್ಲಿ ಹಾಕಿಲ್ಲ..? ಹಾಕಿ ಪ.. ಎಲ್ರೂ ಓದಲಿ..
ನಿಮಗೂ
*********ಬೆಳಕಿನ ಹಬ್ಬ ದೀಪಾವಳಿಯ ಹಾರ್ದಿಕ ಶುಭಾಶಯಗಳು***********

ಎಲರಿಗೂ ಬೆಳಕಿನ ಹಬ್ಬ **********ದೀಪಾವಳಿಯ ಹಾರ್ದಿಕ ಶುಭಾಶಯಗಳು.****************

ಶುಭವಾಗಲಿ..

\|

ಭಲ್ಲೇಜಿ ಹಾಸ್ಯವನ್ನು ಸಂಪದಿಗರೆಲ್ಲರೂ ಓದಿ ಪ್ರತಿಕ್ರಿಯೆ ಸಹ ಬರೆದಾಗಿದೆ.:) http://sampada.net/%E0%B2%B8%E0%B3%81%E0%B2%AC%E0%B3%8D%E0%B2%AC%E0%B2%A8%E0%B3%81-%E0%B2%AC%E0%B2%82%E0%B2%A6-%E0%B2%B0%E0%B2%BE%E0%B2%AF%E0%B2%B0-%E0%B2%AE%E0%B2%A8%E0%B3%86%E0%B2%97%E0%B3%86?page=5
ಗಣೇಶ.

Submitted by drpshashikalak… Mon, 11/12/2012 - 14:03

ಕಾಗೆ ಮನಸ್ಸನ್ನು ಅರಿಯಬಹುದಾಗಿದ್ದರೆ?
ಪ್ರಾಣಿ ಪಕ್ಶಿಗಳಿದ‌ ನಾವು ಕಲಿಯ‌ ಬೇಕಾದದ್ದು ಬಹಳ‌.
ಬರಹ‌ ಚೆನ್ನಾಗಿದೆ. ನಿತ್ಯ‌ ಜೀವನದ‌ ಪಾಟ‌..

Submitted by ಗಣೇಶ Tue, 11/13/2012 - 00:08

In reply to by drpshashikalak…

ಬೇಡ ಡಾಕ್ಟ್ರೆ,
"ಕಣ್ಣು ಬಾಯಿ ಬಿಟ್ಟುಕೊಂಡು ನಿಂತು ನೋಡುತ್ತಿದ್ದಾನೆ. ಈ ಪರಿ ದೇಹ ಇಟ್ಟುಕೊಂಡು ಪುಟಾಣಿ ಪಕ್ಷಿಗೆ ಸಹಾಯ ಮಾಡಲಾಗದವ..ಹೇಡಿ ಮಾನವ.." ಎಂದೆಲ್ಲಾ ಅದು ಮನಸ್ಸಲ್ಲಿ ಅಂದರೆ..:(
ತಮ್ಮ ಮೆಚ್ಚುಗೆಗೆ ಧನ್ಯವಾದಗಳು.
-ಗಣೇಶ.

Submitted by Shreekar Sun, 11/18/2012 - 19:49

@ಗಣೇಶಣ್ಣ .. ಈ-ಮೇಲ್ ?

ಸ್ಕ್ಯಾನ್ ಮಾಡಿ ನಿಮ್ಮ ಮೇಲ್ ID ಗೆ ಕಳಿಸಲೇ ?

Submitted by ಗಣೇಶ Thu, 11/22/2012 - 00:42

In reply to by Shreekar

IDಈ ದೀಪಾವಳಿ ವಿಶೇಷಾಂಕವನ್ನು ಸ್ಕ್ಯಾನ್ ಮಾಡಿ ಕಳುಹಿಸುವಿರಾ? ಪಾಪ ಪಾರ್ಥರು ದೇವಸ್ಥಾನದ ಕಟ್ಟೆ ಅಡ್ಡದಲ್ಲಿ ಕಾದು ಕುಳಿತಿರುವರಲ್ಲಾ?:)
-ಗಣೇಶ.

Submitted by partha1059 Thu, 11/22/2012 - 17:15

In reply to by Shreekar

ಹಾಗೆ ಮಾಡಿ ಗಣೇಶರ ಐಡಿ ಗೆ ಕಳಿಸಿ
ಹಾಗೆ ನಮಗೆ ದೀಪಾವಳಿ ವಿಷೇಶಾ0ಕದ‌ ಹಣದ‌ ಡಿ.ಡಿ ಕಳಿಸಿಬಿಡಿ ಸಾಕು :))

ಹಳೆಯದೊ0ದು ಜೋಕ್ :
ಮದುವೆ ಮನೆಗೆ ಬ0ದ‌ ಅತಿಥಿಗಳಿಗೆ
"ಬನ್ನಿ ಬನ್ನಿ ತಿ0ಡಿ ತೆಗೆದುಕೊಳ್ಳಿ"
ಬ0ದಾತ‌
"ಪರವಾಗಿಲ್ಲ, ನಮ್ಮ ತಿ0ಡಿ ಆಗಿದೆ, ನೀವು ಎನು/ಎಷ್ಟು ತಿ0ಡಿ ಕೊಡುವರಿದ್ದಿರೊ ಅದಕ್ಕೆ ಸಮನಾದ‌ ದುಡ್ಡು ಕೊಟ್ಟುಬಿಡಿ ಸಾಕು"

Submitted by Shreekar Fri, 11/23/2012 - 19:53

@ ಪಾರ್ಥ

ಹಣ DD ಮಾಡಿ ಕಳಿಸುವುದೇ?
ಭಾರತದ ಸಿಲಿಕಾನ್ ವ್ಯಾಲ್ಲಿ ಬೆಂಗಳೂರಲ್ಲಿ ಇದ್ದು ಈ ಮಾತೇ ?
ಎಲ್ಲಿದ್ದೀರಿ ಪಾರ್ಥರೆ ನೀವು ?

ಆನ್ಲೈನ್ ಟ್ರಾನ್ಸ್ ಫಅರ್ ಸೌಕರ್ಯ ಮನೆಯಲ್ಲೇ ಇರುವಾಗ DD ಖರೀದಿಸಲು ಬ್ಯಾಂಕು ಹುಡುಕಿಕೊಂಡು ಹೋಗಬೇಕೆ?
ತತ್ ಕ್ಷಣ ನಿಮ್ಮ ಬ್ಯಾಂಕ್ ಹೆಸರು, ಖಾತೆ ಸಂಖ್ಯೆ, ಮತ್ತು ಪಾಸ್ ವರ್ಡ್ ವಿವರಗಳನ್ನು ನನ್ನ ಮೆಯಿಲ್ ID shree420@satyam.com ಗೆ ಕಳಿಸಿಕೊಡಿ.

:-)

Submitted by partha1059 Fri, 11/23/2012 - 20:10

In reply to by Shreekar

@ಶ್ರೀಕರ್ ಐಡಿ ಅ0ತ‌ ಬ0ತಲ್ಲ ಪ್ರಾಸಕ್ಕೆ ಡಿಡಿ ಅ0ತ‌ ಹೇಳಿದೆ ಅಷ್ಟೆ. ಅಷ್ಟಕ್ಕು ನೀವು ಹೇಳಿದ್ದ ಮಿಕ್ಕೆಲ್ಲಕ್ಕೆ ನನ್ನ ವಿಳಾಸ‌ ಕೊಡಬೇಕು ಡಿಡಿ ಅ0ದರೆ ಸೇಪ್ ಅಲ್ಲವೆ , ಹಣ ಪಡೆದು ಮಾಯ‌ ಆಗಬಹುದು ಅ೦ತ‌ ಭಾವ‌ ಅಷ್ಟೆ. ಅಲ್ಲದೆ ನೀವಾದರು ನನ್ನ ಬ್ಯಾ0ಕ್ ಖಾತೆ ಪಾಸ್ ವರ್ಡ್ ಎಲ್ಲವನ್ನು ಕಳಿಸಲು ಹೇಳುತ್ತಿರುವ ವಿಳಾಸವೆ ಅನುಮಾನಸ್ಪದವಾಗಿದೆಯಲ್ಲಿ ಅದೆ0ತದೊ 420 ಅ0ತ‌ ಇದೆ ಮದ್ಯದಲ್ಲಿ ಹೇಗೆ ನ0ಬಿ ಬ್ಯಾ0ಕ್ ವಿವರ‌ ಕೊಡುವುದು ? :)))

Submitted by ಗಣೇಶ Fri, 11/23/2012 - 23:47

In reply to by partha1059

ಪಾರ್ಥರೆ,
partha1059ನಂತೆ shree420 ನಂಬಿಕೆಗೆ ಅರ್ಹ. 1+0+5+9=6 ; 4+2+0=6 ; ನ್ಯುಮರಾಲಜಿ ಪ್ರಕಾರ :) ಇದು sathyam.
ನೀವೂ ಬ್ಯಾಂಕ್ ವಿವರ ನೀಡಿ, ಅವರೂ ಕ್ಯಾಶ್ ಮಾಡಿ ನಿಮಗೂ ಸ್ವಲ್ಪ ಹಣ ಕಳುಹಿಸಲಿ.:)
ದೀಪಾವಳಿ ವಿಶೇಷಾಂಕದ ಗತಿ?

Submitted by Shreekar Fri, 11/23/2012 - 22:51

@ ಪಾರ್ಥ

>>>> ಹೇಗೆ ನ0ಬಿ ಬ್ಯಾ0ಕ್ ವಿವರ‌ ಕೊಡುವುದು ?

ನಂಬಿ ಕೆಟ್ಟವರಿಲ್ಲವೋ ಎಂದು ನಮ್ಮ ದಾಸವರೇಣ್ಯರು ಹಾಡಿದ್ದಾರಲ್ಲ !