ಈಗಿನ ಗಾಯಕಿಯರಲ್ಲಿ ನನಗೆ ಮೊದಲು ಚಿತ್ರ ಇಷ್ಟ. ಮಲಯಾಳಿ ಅಥವ ತಮಿಳಿನವರಿರಬಹುದು. ಆದರೆ ಎಂತಹ ಸಿಹಿ ಕನ್ನಡ ಉಚ್ಚಾರಣೆ! ಗಾಳಿಪಟ ಚಿತ್ರದ ನಧೀಂ ಧಿಂ ತನ ಹಾಡು ಕೇಳಿದರೆ ಸಾಕು ಮೈ ನವಿರೇಳುತ್ತೆ.

ಸುಪ್ರಿಯ ಆಚಾರ್ಯ ಪಕ್ಕಾ ಕನ್ನಡಾಭಿಮಾನಿ ಮತ್ತು ಸೊಗಸಾದ ಹಾಡುಗಾರ್ತಿ. ನೀ ಅಮೃತಧಾರೆ ಕೇಳಿರಬಹುದು. ಅದರಲ್ಲಿ ಹರೀಶ್ ಸರಳವಾಗಿ ಹಾಡಿದರೆ, ಸುಪ್ರಿಯ ಬಹಳಷ್ಟು variations ಕೊಟ್ಟು ಹಾಡಿದ್ದಾರೆ.

ಶ್ರೇಯ ಘೋಷಲ್ ದಿನೇ ದಿನೇ ಕನ್ನಡದಲ್ಲಿ improvement ತೋರಿಸುತ್ತಿದ್ದಾರೆ. ಅವರ ಅರಳುತಿರುಗಿಂತ, ಮಳೆ ನಿಂತು ಹೋದ ಮೇಲೆಯಲ್ಲಿ ಒಳ್ಳೆಯ ಉಚ್ಚಾರಣೆ ಇದೆ.

ಸುನೀಧಿ ಚೌಹಾನ್ ಹಿಂದಿಯಲ್ಲೇ ಇದ್ದರೆ ಉತ್ತಮ. ನಮ್ಮ ಚೈತ್ರ ಅವಳಿಗಿಂತ ಬೊಂಬಾಟಾಗಿ item song ಹಾಡ್ತಾಳೆ.

ನಂದಿತಾ ನನಗೇನು ಅಷ್ಟು ಇಷ್ಟವಿಲ್ಲ, ಒಂಥರ ಕಳ್ಳ ಧ್ವನಿಯಲ್ಲಿ ಉಲಿದ ಹಾಗನ್ನಿಸತ್ತೆ.

ಇನ್ನೂ ತುಂಬ ಗಾಯಕಿಯರು ಇದ್ದಾರೆ ಗೊತ್ತು, ಆದರೆ ನನಗೆ ಅವರ ಬಗ್ಗೆ ಬರೆಯಬೇಕೆನಿಸುತ್ತಿಲ್ಲ