ಮಾಯ್ಸ, ನೀನು ಸಪ್ತರಿಪುವರ್ಗವನ್ನು ಸರಿಯಾಗಿ ಅಳವಡಿಸಿಕೊಂಡಿದ್ದೀಯಾ ಕಣೋ. ಚಾಂಗು ಕಾಳ. ಈ ಚರ್ಚೆಯಲ್ಲಿ ಪ್ರಸ್ತಾಪವಾದ ಮತ್ತೊಂದು ಅಂಶವೆಂದರೆ, ಸಂಸ್ಕೃತದ ಸೊಗಡನ್ನು ಇಂಗ್ಲೀಷಿನಲ್ಲಿ ಹೇಳುವ ವಿಚಾರ (ಬಹುಶಃ ಕಲ್ಪನ ಅವರು ಎತ್ತಿದ್ದಿರಬೇಕು). ಇಲ್ಲಿ ಎರಡು ವಿಚಾರ.

೧. ಹೌದು. ಒಂದು ಭಾಷೆಯ ಸೊಗಡನ್ನು ಮತ್ತೊಂದು ಭಾಷೆಯಲ್ಲಿ ಹೇಳುವುದು ಸಾಮಾನ್ಯವಾಗಿ ಎಲ್ಲರಿಗೂ ಗೊತ್ತಿರುವಂತೆ ಕಷ್ಟವೇ ಹೌದು. ಕೆಲವೊಮ್ಮೆ ಅಸಾಧ್ಯ ಕೂಡ.
೨. ಆದರೆ, ಪಾಪ್ಯುಲರ್ ನಂಬಿಕೆಗಳಿಗೆ (ನನ್ನನ್ನೂ ಸೇರಿಸಿದಂತೆ), ಮಾರುಹೋಗಿರುವ ನಾವುಗಳು, ಸಂಸ್ಕೃತದ (ಹಾಗು ಕನ್ನಡದ) ವಿಷಯವನ್ನು ಇಂಗ್ಲೀಷಿನಲ್ಲಿ ಹೇಳಕ್ಕೆ ಆಗಲ್ಲ ಅನ್ನೋದು ತಪ್ಪು. ನಾನು ಕೂಡ ಹೀಗೆಯೇ ಅಂದುಕೊಂಡು, ಇಷ್ಟು ವರ್ಷ ಸಂಸ್ಕೃತದ ಗ್ರಂಥಗಳನ್ನು ಕನ್ನಡದಲ್ಲಿಯೇ ಓದುತ್ತಿದ್ದೆ. ಆದರೆ ಕಳೆದ ಒಂದೆರೆಡು ವರ್ಷಗಳಿಂದ, ಸಂಸ್ಕೃತ ಹಾಗು ಕನ್ನಡದ ಪುಸ್ತಕಗಳನ್ನು ಇಂಗ್ಲೀಷಿನಲ್ಲಿ ಓದಕ್ಕೆ ಶುರುಮಾಡಿದಾಗ ಸಂಸ್ಕೃತದ ವಿಷಯದಲ್ಲಿ ನಾನು ಎಷ್ಟು ಮೋಸ ಹೋಗಿದ್ದೆ ಎನ್ನುವುದು ಅರಿವಾಯಿತು.