love hate relation ಬಗ್ಗೆ ನಾನು ಹೇಳಿದ್ದು ನೀವು ಹೇಳಿದ "ಸಂಸ್ಕೃತ ಸತ್ತಿತು" ಎಂದವರ ಬಗ್ಗೆ ನೀವು ತರಾಟೆ ತೆಗೆದುಕೊಂಡ ಪ್ರಸ್ತಾಪ ಮತ್ತು "ಸತ್ತ ಕೋಳಿ ಯಾರೂ ತಿನ್ನುವುದಿಲ್ಲ" ಎಂಬ ಮಾತು ಹೊರಡಿಸಿದ ಅರ್ಥದ ಬಗ್ಗೆ. ಮೇಲಿನದು ವೈರುಧ್ಯ ಅನ್ನಿಸಿದ್ದರಿಂದ ಆ ಮಾತನ್ನಾಡಿದೆ. ಅಷ್ಟೆ! ಇದು ಕುತ್ಸಿತ ಟೀಕೆ ಎಂದು ಮತ್ತು ಸ್ವಂತ ಉಪದೇಶದ ವಿರುದ್ಧ ಅನ್ನಿಸಿದರೆ ಏನೆನ್ನಬೇಕೋ ತಿಳಿಯುತ್ತಿಲ್ಲ. ವಾದ ವಿವಾದಗಳು ಚರ್ಚೆಗಳು topical ಆಗಿರಲಿ ಎಂಬ ನನ್ನ ಆಶಯಕ್ಕೆ ಪೂರಕವಾಗಿ ನಾನು ವ್ಯಕ್ತಿಗತ ನಿಂದನೆ ಮತ್ತು ಕುತ್ಸಿತ ಟೀಕೆಗಳ ಪ್ರಸ್ತಾಪ ಮಾಡಿದ್ದೆನೇ ಹೊರತು. ಬೇರೆ ಉದ್ದೇಶದಿಂದಲ್ಲ. ತಾವು ನನ್ನನ್ನು "ಪಂಡಿತ" "ಭವದೀಯ" ಎಂದೆಲ್ಲ ವ್ಯಂಗ್ಯವಾಗಿ ಉಲ್ಲೇಖಿಸಿದರೂ ನಾನು ಅದನ್ನು ಗಮನಕ್ಕೆ ತೆಗೆದುಕೊಂಡಿಲ್ಲ. ಮಹೇಶ್ ಅವರ "ಐ ಲವ್ ಯೂ" ಬ್ಲಾಗ್ ನಲ್ಲಿ ನನಗೂ ಅವರಿಗೂ ನಡೆದ ಸಂವಾದ ನೀವು ಗಮನಿಸಿದರೆ ನೀವು ನನ್ನದು ಸ್ವಂತ ಉಪದೇಶಕ್ಕೆ ವಿರುದ್ದ್ಧದ ಮಾತು ಎನ್ನುತ್ತಿರಲಿಲ್ಲ ಎಂದು ನನಗೆ ಈಗಲೂ ಪ್ರಾಮಾಣಿಕವಾಗಿ ಅನ್ನಿಸುತ್ತಿದೆ. ನಾನು ಜಗಳಗಂಟನಾಗಿದ್ದರೆ ಮಹೇಶ್ ಅವರು ದೊಡ್ದತನದ ಮಾತಾಡಿದಾಗ ಕೂಡಲೆ ಅವರನ್ನು ಹೊಗಳುವ, ಅವರ ದೊಡ್ಡತನ ಗಮನಿಸುವ ಗೊಡವೆಗೆ ಹೋಗುತ್ತಿರಲಿಲ್ಲ. ಅದಕ್ಕೂ ಮೊದಲೂ ನಾನು ಮಹೇಶ್ ಅವರ ಪ್ರತಿಕ್ರಿಯೆಯ ಬಗ್ಗೆ ನೊಂದುಕೊಂಡಿದ್ದೆನೇ ಹೊರತು ಸಿಟ್ಟಿನ ಪ್ರತಿಕ್ರಿಯೆ ತೋರಿರಲಿಲ್ಲ. ಅದೂ ವೈರಸ್, ಪಿತ್ತ ನೆತ್ತಿಗೀರಿದ ಇತ್ಯಾದಿ ಮಾತುಗಳು ಮತ್ತು ಮತ್ತೊಂದು ಎಳೆಗೆ ಅವರು ಒಬ್ಬರನ್ನು fascist ಎಂದು ಕರೆದದ್ದರಿಂದ. ನಾನು ಯಾವ ಎಳೆಯಲ್ಲೂ ನಿಮ್ಮನ್ನು ಉಲ್ಲೇಖಿಸಿಲ್ಲ ಮತ್ತು ನಿಮ್ಮನ್ನು ನೋಯಿಸುವಂಥ ಮಾತನ್ನೂ ಆಡಿಲ್ಲ. ಬದಲಿಗೆ ನೀವು ನೀಡಿದ ಸಲಹೆಯನ್ನು ಒಪ್ಪಿಕೊಂಡಿದ್ದೇನೆ.

ಇನ್ನು ನನ್ನದು ಪ್ರತಿ ಎಳೆಯಲ್ಲಿ ಕನ್ನಡ -ಸಂಸ್ಕೃತದ ಜಗಳ ಎಂಬ ನಿಮ್ಮ ಆರೋಪದ ಬಗ್ಗೆ ಯಾರಾದರೂ ಮೂರನೆಯವರು ಹೇಳಲಿ.
ಹಾಗಾದರೂ ನನ್ನ ಯಾವುದಾದರೂ ಮಾತು ನನ್ನ ಉದ್ದೇಶಕ್ಕೆ ಮೀರಿ ನಿಮ್ಮ ಮನ ನೋಯಿಸಿದ್ದರೆ ನಿಮ್ಮೆಲ್ಲರ ಕ್ಷಮೆ ಕೋರುತ್ತೇನೆ

"ಏರಿದವನು ಚಿಕ್ಕವನಿರಬೇಕು"