ದಾವಣಗೆರೆ ಮಧ್ಯಕರ್ನಾಟಕದ ನಗರ. ಉತ್ತರ ಕರ್ನಾಟಕದೊಂದಿಗೂ ನಿಕಟ ಮತ್ತು ದಕ್ಷಿಣ ಕರ್ನಾಟಕದೊಂದಿಗೂ ನಿಕಟ. ಉತ್ತರ ಕರ್ನಾಟಕದ ಭಾಷೆಯಲ್ಲಿ ಅಥವಾ ಭಾಷಾ ಶೈಲಿಯಲ್ಲಿ ಕೆಲವು ಶಬ್ದಗಳು ರೂಪಾಂತರವಾಗುತ್ತವೆ. ಈ ರೂಪಾಂತರವನ್ನೇ ಕಾಗುಣಿತ ದೋಷವೆಂದು ಪರಿಗಣಿಸುವುದು ಉಚಿತವಲ್ಲ ಎಂಬುದು ನನ್ನ ಅನಿಸಿಕೆ. ಉತ್ತರದ ಮಂದಿಯ ಬಾಯಲ್ಲಿ ದಾವಣಗೇರಿ, ಡಾವಣಗೇರಿಯಾಗುತ್ತದೆ. ಆದರೆ, ಬೆಂಗಳೂರಿನಿಂದ ಹೊರಡುವ ಬಸ್ಸುಗಳು(ಹುಬ್ಬಳ್ಳಿ, ಬೆಳಗಾವಿ, ಗೋಕಾಕ್ ಕಡೆ ಹೋಗದೇ ಕೇವಲ ದಾವಣಗೆರೆಗೆ ಸೀಮಿತವಾದವುಗಳು) 'ದಾವಣಗೆರೆ'ಯನ್ನೇ ಬಳಸುತ್ತವೆ. ದಾವಣಗೆರೆಯ ಜನರ ಬಾಯಲ್ಲೂ 'ದಾವಣಗೆರೆ' ಶಬ್ದ ಗ್ರಾಂಥಿಕವಾದದ್ದು. 'ದಾವಣಗೇರಿ'ಯೇ ಆಡುಭಾಷೆಯಲ್ಲಿ ಬಳಸಲ್ಪಡುತ್ತದೆ. ನಾನೂ ದಾವಣಗೆರೆಯವನಾದ್ದರಿಂದ ಇಷ್ಟೆಲ್ಲಾ ವಿವರಣೆ ಕೊಡಬೇಕಾಯ್ತು.
ನಿಮ್ಮ ಆಸಕ್ತಿಗೆ ಧನ್ಯವಾದಗಳು.