ಚಿ.ರಂ.ಶಿ. ಅವರೆ,

ನೀವು ಕೇಳಿದ್ದು ಒಳ್ಳೇದೇ ಆಯಿತು. ಲಿನಕ್ಸ್ ಬಗ್ಗೆ ಅನೇಕ ಲೇಖನಗಳನ್ನ ಆಗಲೇ ಸಂಪದದಲ್ಲಿ ನೀವು ಓದಿರ ಬಹುದು. ಮತ್ತೆ ಕೆಲವು ನಿಮ್ಮೆಡೆಗೆ ಬರಲಿವೆ ಕೂಡ. ಪೈರಸಿ ಭೂತ ಒಂದೇ ಅಲ್ಲ, ಸೆಕ್ಯೂರಿಟಿ ಮಟ್ಟಿಗೆ, ತಂತ್ರಾಂಶ ಸ್ವಾವಲಂಬನೆ ಬೇಕಾದಾಗ, ನಮ್ಮ ಸರ್ಕಾರದ ಖಜಾನೆಯ ಹಣವನ್ನ ಅಂದರೆ ನಮ್ಮದೇ ಹಣ ಯಾವುದೇ ವಿದೇಶಿ ಕಂಪೆನಿಯ ಖಜಾನೆ ತುಂಬುವಿದನ್ನ
ತಪ್ಪಿಸಲು, ಕಡಿಮೆ ಬೆಲೆಯ ಹಾರ್ಡ್ವೇರ್ ಇದ್ದಾಗಲೂ ತಲೇ ನೋವಿಲ್ಲದೆ ನಮಗೆ ಬೇಕಾದ ಎಲ್ಲ ಕೆಲಸಗಳನ್ನ ಮಾಡಿ ಕೊಳ್ಳಲು, ವಿದ್ಯುತ್ ಉಳಿಸಲಿಕ್ಕೆ ಮುಂತಾದ ಕಾರಣಗಳಿಂದ ಲಿನಕ್ಸ್ ನಮಗೆಲ್ಲಾ ಬಹು ಉಪಯೋಗಿ.

ನಮ್ಮೊಡನೆ ಸೇರಿದ ಪೀಟರ್, ಯಾವುದೇ ದೇಶ FOSS (Free and OpenSource Software) ಉಪಯೋಗಿಸಲಿಕ್ಕೆ ಶುರುಮಾಡಿದರೆ ೬ ಬಿಲಿಯನ್ ನಷ್ಟು ತಂತ್ರಾಂಶವನ್ನ ಯಾವುದೇ ಖರ್ಚಿಲ್ಲದೇ ತನ್ನ ದೇಶದ ಯುವಶಕ್ತಿ ಇಂದಲೇ ಪಡೆಯಬಲ್ಲದು ಅನ್ನೋದನ್ನ ಕೂಡ ತಿಳಿಸಿದರು. ಇನ್ನೂ ತುಂಬಾ ಇದರ ಬಗ್ಗೆ ಬರೆಯಬಹುದು. ಮುಂದೆ ಬರಲಿರುವ ಲಿನಕ್ಸಾಯಣದ ಕೆಲವು ಆವೃತ್ತಿಗಳು ಮತ್ತಷ್ಟು ಬೆಳಕನ್ನ ಇದರೆಡೆಗೆ ಚೆಲ್ಲಲಿವೆ.

ಇದು ನಮ್ಮ ಕಂಕುಳಲ್ಲೇ ಇರುವ ತಂತ್ರಾಂಶಕ್ಕೆ , ನಮ್ಮಲ್ಲೇ ಇರುವ ತಂತ್ರಾಂಶ ನಿಪುಣರಿಂದ ಜನಸಾಮಾನ್ಯರ ಕಡೆಗೆ ತರುವು ಒಂದು ಸಣ್ಣ ಪ್ರಯತ್ನ. ಇದಕ್ಕೆ ಪಬ್ಲಿಸಿಟಿ ಸಿಕ್ಕರೆ ತಪ್ಪಿಲ್ಲ ಅಂದುಕೊಳ್ತೀನಿ ಏನಂತೀರಿ?

ಧನ್ಯವಾದಗಳೊಂದಿಗೆ,
ನಿಮ್ಮ, ಓಂ ಶಿವಪ್ರಕಾಶ