ಗಿರೀಶ್,
ನಿಮ್ಮ ಚಿಂಅತನೆಗಳಲ್ಲಿ ದೀಕ್ಷಿತರ ಪ್ರಭಾವ ಢಾಳಾಗಿ ಕಾಣುತ್ತದೆ. ಬ್ರಿಟನ್ನಿನಲ್ಲಿ ಹಾಗೂ ಇನ್ನಿತರ ಪಾಶ್ಚಾತ್ಯ ದೇಶಗಳಲ್ಲಿ ಮಹಿಳೆಯನ್ನು ಕೀಳಾಗಿ ಕಾಣುವುದಕ್ಕೆ ಕಾರಣ ಅಲ್ಲಿನ ಕ್ಯಾಥೋಲಿಕ್ ಚರ್ಚುಗಳು. ಬೈಬಲ್ಲಿನಲ್ಲಿಯೇ ಅವರು ಹೆಣ್ಣನ್ನು(ಈವ್) ಗಂಡಿನ(ಆಡಮ್) ಮನಸ್ಸು ಕಡಡಿಸಿ ಕೆಡಿಸುವವಳು ಎಂದೇ ಬಿಂಬಿಸಿದ್ದಾರೆ. ಇದು ಕೇವಲ ಚರ್ಚುಗಳ ಅಧಿಪತ್ಯವಿರುವ ರಾಷ್ಟ್ರಗಳಲ್ಲಿ ಮಾತ್ರವಲ್ಲ, ಎಲ್ಲಾ ಧರ್ಮಗಳಲ್ಲೂ ವ್ಯಾಪಕವಾಗಿ ಹರಡಿದೆ. ಹಿಂದೂ ಧರ್ಮದಲ್ಲಿಯಂತೂ ಹೆಣ್ಣನ್ನು ಕಟ್ಟಕಡೆಯ ಪ್ರಜೆಯಾಗಿ ಕಾಣಲಾಗುತ್ತದೆ. ಹೆಣ್ಣು ಮುಕ್ತಿಗೆ ಅಡ್ಡಿ ಎಂದು ಭಾವಿಸುತ್ತಾರೆ. ಏಕೆಂದರೆ ಈ ಧರ್ಮಗಳೆಲ್ಲಾ ಗಂಡಸರ ಸೃಷ್ಟಿಗಳು.

ಸ್ತ್ರೀ ಸ್ವಾತಂತ್ರ್ಯ, ಸಮಾನತೆಯ ಬಗ್ಗೆ ಯಾವ ನೆಲೆಯಲ್ಲಾದರೂ ಮಾತನಾಡಬಹುದು. ಹೆಣ್ಣು ಮುಕ್ತತೆಗೆ, ಪಬ್, ಕ್ಲಬ್ ಸಂಸ್ಕೃತಿಗೆ ತೆರೆದುಕೊಳ್ಳುತ್ತಿರುವುದಕ್ಕೆ ಜಾಗತೀಕರಣ ಕಾರಣ. ಇದು ಹೆಣ್ಣು ಗಂಡೆಂಬ ಬೇಧವಿಲ್ಲದೆ ಎಲ್ಲರನ್ನೂ ವ್ಯಾಪಿಸಿಕೊಂಡಿದೆ. ಮನೆಯೆದುರು ಗೇಟಿನ ಬಳಿ ಗೆಳೆಅತಿಯೊಂದಿಗೆ ಮಾತನಾಡುತ್ತಾ ನಿಲ್ಲುವುದಕ್ಕೆ ಸಂಕೋಚ ಪಡುತ್ತಿದ್ದ ಹುಡುಗ ಈಗ ರಾಜಾರೋಷವಾಗಿ ತಿರುಗಾಡುತ್ತಾನೆ ಎಂದರೆ ಇದು ಒಟ್ಟಾರೆ ನಮ್ಮ ಮನಸ್ಥಿತಿಯಲ್ಲಾಗುತ್ತಿರುವ ಬದಲಾವಣೆಗೆ ಕನ್ನಡಿ. ಆದರೆ ಎಲ್ಲದಕ್ಕೂ ಬ್ರಿಟೀಷರ ಆಳ್ವೀಕೆಯೇ ಮೂಲ ಎಂಬ ಕಪ್ಪು ಕನ್ನಡಿ ಧರಿಸಿ ನೋಡಿದರೆ ಈ ಸೂಕ್ಷ್ಮಗಳು ತಿಳಿಯುವುದಿಲ್ಲ...

_______________________
ಅಸಾಮಾನ್ಯವಾದ ಕೆಲಸಗಳನ್ನು ನಾವು ಮಾಡೋಕಾಗಲ್ಲ. ನಾವೇನಿದ್ದರೂ ಸಾಮಾನ್ಯ ಕೆಲಸವನ್ನು ಅಸಾಮಾನ್ಯ ಪ್ರೀತಿಯಿಂದ ಮಾಡಬಹುದು.
http://uniquesupri.wordpress.com
http://kalaravapatrike.wordpress.com
http://ekshanadasatya.wordpress.com