ಸುಪ್ರೀತ್,
’ಪ್ರಚೋದನಕಾರಿ’ ಅನ್ನೋದೇ ರಿಲೆಟಿವ್ ವಿಷಯ. ಅದರ ಮೇಲೆ ಇಲ್ಲಿ ಪ್ರಚೋದನಕಾರಿಯಾಗಿ ಬಟ್ಟೆ ತೊಟ್ಟರೆ ಹೆಣ್ಣನ್ನ ಗಂಡು-ಹೆಣ್ಣೆಂಬ ಭೇದವಿಲ್ಲದೇ ಆಕೆ ’ಹಾಗೆ’ ಅಂದೊಕೋತಾರೆ ಅಂದಿದೀರ - ಪ್ರಶ್ನೆ ಇರೋದು ಬ್ರ್ಯಾಂಡಿಂಗ್ ಬಗ್ಗೆ ಅಲ್ಲ. ತಮಗಿಷ್ಟವಾದದ್ದು ಹಾಕಿಕೊಳ್ಳೋ ಅಷ್ಟು ಧಮ್ಮಿರೋ ಹುಡ್ಗೀರಿಗೆ ಈ ಬ್ರ್ಯಾಂಡಿಂಗ್ ಬಗ್ಗೆ ಗಮನ ಹರಿಸದೇ ಬದುಕೋ ಅಷ್ಟು ಧೈರ್ಯವೂ ಇರತ್ತೆ. ಆದ್ರೆ ’ಹಾಗೆ’ ಅಂದೊಕೊಂಡು ಸುಮ್ನಾಗದೇ ಆಕೆ ಲಭ್ಯ(ಅವೇಲಬಲ್) ಅಂತ ಮೇಲೇರಿಹೋಗೋದು ಗಂಡಸು ಮಾತ್ರ. ಅಲ್ಲಿ ವ್ಯತ್ಯಾಸ ಖಂಡಿತಾ ಇದೆ!

ಇನ್ನು ಆಭರಣ ಧರಿಸಿ ನಿರ್ಜನ ಪ್ರದೇಶದಲ್ಲಿ ಹೋಗೋದಕ್ಕೂ ಇದಕ್ಕೂ ಹೇಗೆ ಹೋಲಿಸ್ತೀರಾ? ನಾವು ಯಾವ ಜಾಗಕ್ಕೆ ಹೋಗ್ತಿದ್ದೀವಿ, ಅಲ್ಲಿ ಯಾವ್ ಥರದ್ ಜನ್ ಇರ್ತಾರೆ, ಅವರ ದೃಷ್ಟಿಯಲ್ಲಿ ಯಾವ್ದು ’ಪ್ರಚೋದನಕಾರಿ’ ಉಡುಗೆ ಅಂತೆಲ್ಲ ರಿಸರ್ಚ್ ಮಾಡಿಹೋಗ್ಬೇಕಾ ಹೇಗೆ? ಅಥ್ವಾ ಲೋಕದ ಗಂಡಸರೆಲ್ಲಾ ಡೆಸ್ಪೋಗಳು ಅಂತ nirdharisi ಗುಮ್ಮನೆ ಬುರ್ಖಾ ಹಾಕಿ ನಡೀಬೇಕೋ?

ಇನ್ನೊಂದು ಉದಾಹರಣೆ ಕೊಡ್ತೀನಿ, ಸಿಹಿ ತಿಂಡಿ ಅಂಗಡಿ ಕಿಟಕಿ ಗಾಜಿನಲ್ಲಿ ಕಾಣತ್ತೆ, ಮೇಲೆ ಫಳ ಫಳ ಸಿಲ್ವರ್, ಒಂದಿಷ್ಟು ಪಿಸ್ತಾ, ಕೇಸರಿ, ದ್ರಾಕ್ಷಿ ಇನ್ನೇನೇನೋ. ಚೆನ್ನಾಗಿದೆ ಅಂತ ಗಾಜು ಒಡ್ದು ದೋಚುತ್ತೀರಾ? ನಿಮ್ಮ ಪಾಕೆಟ್ಟಿಗೆ, ಹೊಟ್ಟೆಗೆ ಅದನ್ನ ತೆಗೆದುಕೊಳ್ಳೋ/ತಡೆದುಕೊಳ್ಳೋ ಯೋಗ್ಯತೆ ಇದೆಯೋ ಇಲ್ವೋ ನೋಡ್ತೀರಲ್ಲ? ಕಣ್ಣಿಗೆ ನೂರು ವಿಷ್ಯ ಬೇಕು ಅನ್ನಿಸುತ್ತೆ, ವಿವೇಕ ಅನ್ನೋದು ಯಾವ್ದು ನಮ್ಗೆ ಸೇರಿದ್ದು/ ಸೇರಬಹುದಾದದ್ದು, ಯಾವ್ದು ಅಲ್ಲ ಅಂತ ಹೇಳುತ್ತೆ, ಹೇಳ್ಬೇಕು. ಇಲ್ಲದಿದ್ರೆ ವಿವೇಕ ಸತ್ತಿದೆ ಅಂತ ಅರ್ಥ.