ತಡವಾಗಿ ಪ್ರತಿಕ್ರಿಯೆ ನೀಡ್ತಿರೋದಕ್ಕೆ ಕ್ಷಮಿಸಿ. ಪ್ರಚೋದನೆಯ ಹಾಗೇ ಮೌಲ್ಯಗಳು, ಆದರ್ಶಗಳೂ ರಿಲೇಟಿವ್, ನಿಜ. ಆದ್ರೆ ನನ್ನ ಮೌಲ್ಯಗಳು, ನಂಬಿಕೆಗಳು ನನಗೆ, ನಿಮ್ಮದು ನಿಮ್ಗೆ. ನನ್ನ ಮೌಲ್ಯಗಳನ್ನ ನಿಮ್ಮ ಮೇಲೆ ಹೇರೋದು ಅಥ್ವಾ ನಿಮ್ಮ ನಂಬಿಕೆಗಳನ್ನ ನಾನು ಮೈಗೂಡಿಸಿಕೊಳ್ಳೋದು ಅಗತ್ಯವಿರೋದಿಲ್ಲ. ಪ್ರಚೋದನೆಯ ರಿಲೇಟೀವ್ ಕಾನ್ಸೆಪ್ಟಿಗೂ ಇದು ಅನ್ವಯವಾಗುತ್ತಾ? ನಿಮ್ಗೆ ಯಾವುದು ಪ್ರಚೋದನಕಾರಿಯನ್ನಿಸುತ್ತೆಅ ಂತ ನಾನು ತಿಳಿದುಕೊಂಡು ಅದಕ್ಕೆ ತಕ್ಕಂತೆ ನನ್ನ ನಡವಳಿಕೆ/ಉಡುಗೆ-ತೊಡುಗೆ ಹೊಂದಿಸಿಕೊಳ್ಳಬೇಕನ್ನೋದು ಎಷ್ಟು ಸರಿ? ಪ್ರಚೋದನೆಗೆ ಒಳಗಾಗೋದು ನಮ್ಮ ನಮ್ಮ ಕೈಲಿರೋದು. ಒಳಗಾದ ಪಕ್ಷದಲ್ಲೂ ನಮ್ಮ ಕ್ರಿಯೆಗಳನ್ನ ನಿಯಂತ್ರಿಸಿಕೊಳ್ಳಬೇಕಾದುದು ನಾಗರಿಕತೆಯ ಅವಶ್ಯಕತೆ.
ಬ್ರ್ಯಾಂಡ್ ಆಗೋದ್ರಿಂದ ಪ್ರಚೋದನೆ ನೀಡಿದಹಾಗಾಗುತ್ತೆ ಅನ್ನೋದು, ’ಪ್ರಚೋದನಕಾರಿ ಉಡುಪು ತೊಟ್ಟು ಓಡಾಡುವ ಹೆಣ್ಣಿನ ಮೇಲೆ ಒಬ್ಬ ಗಂಡು ಎರಗಿದರೆ ಅದು ಆಕೆಯದೇ ಜವಾಬ್ದಾರಿ ಎನ್ನುವ ಭಾವವನ್ನು ನಾನು ವಿರೋಧಿಸುತ್ತೇನೆ’ ಅನ್ನೋ ಮಾತಿನ ಜೊತೆ ನೋಡಿದಾಗ ಗೊಂದಲಮಯ ಅಭಿಪ್ರಾಯ ಎನ್ನಿಸುತ್ತೆ. ಯಾರದ್ದೋ ಕಲ್ಪನೆಯ ಬ್ರ್ಯಾಂಡಿಂಗ್‌ನ ಪ್ರಕಾರ ನಾವು ನಡೆದುಕೊಳ್ಳಬೇಕಂತಲಾ?
ಇನ್ನು ಸ್ವೀಟ್ ಅಂಗಡಿಯ ಬಗ್ಗೆ - ಕಾಯಲು ಯಾರೂ ಇಲ್ಲದೆ, ಸುಲಭವಾಗಿ ಕೈಗೆ ಸಿಗುವ ಹಾಗಿದ್ದರೂ ನನ್ನದಲ್ಲದ ವಸ್ತುವಿಗೆ ಕೈಹಾಕದಷ್ಟು ನನ್ನ ಮನಸ್ಸಾಕ್ಷಿ ನನ್ನನ್ನು ಕಾಯುತ್ತೆ. ಅದೇ ಇನ್ನೊಬ್ಬರ ವೈಯುಕ್ತಿಕ ಪರಿಧಿಯನ್ನು ಅತಿಕ್ರಮಿಸಹೊರಡೋ ಮನಸ್ಸನ್ನ ತಡೀಬೇಕಾಗಿರೋದು.