"ಅಲ್ಲಾರೀ..ಕಂಪ್ಯೂಟರ್ ಬಳಸುವವರೆಲ್ಲಾ ಸಾಫ್ಟಿಗಳಲ್ಲ ಅದಕ್ಕಾಗಿ ಈ ರೀತಿಯ ಪ್ರಶ್ನೆಗಳು ಮೇಲಿಂದ ಮೇಲೆ ಉದ್ಭವಿಸುತ್ತವೆ"
ನಿಮ್ಮ ಈ ಮಾತನ್ನ ನಾನು ಒಪ್ಪುತ್ತೇನೆ.

ಈಗ ಒಂದು ಮಾತು ನಿಮ್ಮನ್ನ ಕೇಳುತ್ತೇನೆ. ನಿಮಗೆ ಈಗ maa ಮತ್ತು moo ಬಗೆಗಿನ ತೊಂದರೆ ನಿಮಗೆ ತಿಳಿಯಿತಲ್ಲವೇ, ಯಾರೂ ಕೇಳದೆಯೇ ನೀವಾಗಿಯೇ ಈ ತೊಂದರೆ ಬಗ್ಗೆ ಎಷ್ಟು ಜನಕ್ಕೆ ಮನವರಿಕೆ ಮಾಡಿಕೊಟ್ಟಿದ್ದೀರಿ? ನೀವಾಗೇ ಯಾರಲ್ಲಾದರೂ ಹೇಳಿದರೂ ಅವರಿಗೆ ಇಂತಹ ವಿಷಯದಲ್ಲಿ ಆಸಕ್ತಿ ಇಲ್ಲದಿದ್ದರೆ ನೀವು ಹೇಳಿದರೂ ಪ್ರಯೊಜನ ಆಗೋದಿಲ್ಲ. ಪ್ರಶ್ನೆ ಕೇಳಿದರೇ ಅಲ್ಲವೇ ಉತ್ತರ ಹೇಳಲು ಸಾಧ್ಯ. ಹಾಗೇ ಕನ್ನಡ ಓದಲು/ಬರೆಯಲು ಇಂತಾ ತೊಂದರೆಗಳು ಬರಬಹುದು ಎಂದು ಊಹಿಸಿಕೊಂಡೇ ವಿಕಿಪೀಡಿಯಾ ದಲ್ಲಿ, ಸಂಪದದಲ್ಲಿ FONT HELP ಗೆ ಪುಟಗಳನ್ನು ಮಾಡಿಟ್ಟಿದ್ದಾರೆ. ಕೆಲವೊಂದು ಸಲ ಅದ್ಯಾವುದೂ ಅಲ್ಲದೇ ಬೇರೆ ಪ್ರಶ್ನೆ ಉಧ್ಬವಿಸಬಹುದು, ಆಗ ಆ ಪ್ರಶ್ನೆ ಗಳನ್ನು ಕೇಳದಿದ್ದರೆ ಅದರ ಬಗೆಗಿನ ತೊಂದರೆ ಬಗೆ ಹರಿಯುವುದಿಲ್ಲ. ನಾನು ಸಂಪದಕ್ಕೆ ಸೇರಿದಾಗ ನನಗೂ ಇಂತಹುದೇ ಕೆಲವು ಸಮಸ್ಯೆ ಇದ್ದವು, ನನ್ನ ಮೊದಲನೇ ಬ್ಲಾಗ್ ನೋಡಿ ಅದು ಆ ಸಮಯದಲ್ಲಿ ನನಗೆ ಇದ್ದ ಕನ್ನಡ ಓದಲು ಮತ್ತು ಬರೆಯುವ ಸಮಸ್ಯೆಯ ಬಗ್ಗೆ. ನಾನು ಸಂಪದ ಬಳಗವನ್ನು ಸೇರಿದಾಗಿನಿಂದ ನೋಡುತ್ತಿದ್ದೇನೆ, ಯಾರೇ ಪ್ರಶ್ನೆ ಕೇಳಿದರೂ ಉತ್ತರಿಸಲು ಪ್ರಯತ್ನಿಸುತ್ತಾರೆ. ಇದುವರೆಗೂ ಯಾರಿಗೂ ನಿರಾಸೆ ಯಾದುದು ನಾ ಕಂಡಿಲ್ಲ.

ಹರಿಯವರ ಲೇಖನ ಕನ್ನಡದಲ್ಲಿನ ತಪ್ಪುಗಳನ್ನು ತೋರಿಸಬಾರದು ಎಂದು ಹೇಳಿದ್ದಲ್ಲ, ಸಂಪದದಲ್ಲಿ/ವಿಕಿಪೀಡಿಯಾದಲ್ಲಿ ತಪ್ಪಿದೆ ಅಂತ ಬೇರೆಲ್ಲೋ ಪ್ರಚಾರ ಮಾಡುವ ಮುನ್ನ ಸಂಪದಿಗರಲ್ಲೇ ಒಮ್ಮೆ ಕೇಳಲಿ ಅಥವಾ ಲೇಖನ ಬರೆದವರಲ್ಲಿ ಒಮ್ಮೆ ಕೇಳಲಿ.

ನೀವು ಸಂಪದದಲ್ಲಿ ಒಂದು ಲೇಖನ ಬರೆದು ನಿಮ್ಮ ಸ್ನೇಹಿತರಿಗೆ/ಅಥವಾ ಬೇರೆಯವರಿಗೆ ಓದಲು ಲಿಂಕ್ ಕಳುಹಿಸುತ್ತೀರೆಂದುಕೊಳ್ಳಿ, ಅವರ ಕಂಪ್ಯೂಟರ್ ನಲ್ಲಿ ಕನ್ನಡದ ಫಾಂಟ್ ಸರಿಯಾಗಿಲ್ಲದಿದ್ದರೆ ಅವರಿಗೆ ಸರಿಯಾಗಿ ಓದಲು ಆಗೋದಿಲ್ಲ. ಆಗ ಅವರು ಈ ಕೆಳಗಿನಂತೆ ಮಾಡಬಹುದು
೧) ಅವರಿಗೆ ಸರಿಯಾಗಿ ಓದಲು ಆಗುತ್ತಿಲ್ಲ ಎಂದು ನಿಮಗೆ ತಿಳಿಸಬಹುದು,
೨) ತಮ್ಮ ಕಂಪ್ಯೂಟರ್ ನಲ್ಲಿ ಏನೋ ತಪ್ಪಿದೆ ಎಂದು ಸರಿಪಡಿಸಿಕೊಂಡು ಓದಬಹುದು.
೩) ಅವರ ಬ್ಲಾಗ್ ನಲ್ಲೋ ಅಥವಾ ಅವರ ಪುಟದಲ್ಲಿ ನಿಮಗೆ ಕನ್ನಡ ಸರಿಯಾಗಿ ಬರೆಯಲು ಬರೋದಿಲ್ಲ ಅಂತ ಬರೆದು ನಿಮ್ಮ ಪುಟದ ಲಿಂಕ್ ಕೊಡಬಹುದು.

ಮೇಲಿನ ಆಯ್ಕೆಗಳ ಬಗ್ಗೆ ನಿಮಗೆ ಏನನ್ನಿಸುತ್ತದೆ ಎಂದು ನಮಗೆ ತಿಳಿಸಿ.

ನಿಮ್ಮವನೇ,
ಅರವಿಂದ
http://www.belaku.net