ನಾನು ಉಪಯೋಗಿಸಿದ ಒಂದು ಶಬ್ದ ಇಷ್ಟೆಲ್ಲ ಚರ್ಚೆಗೆ ಕಾರಣವಾಗಿದ್ದು ಆಶ್ಚರ್ಯಕರ.
ಈ ಸಂದರ್ಭದಲ್ಲಿ ನನಗೆ ಅನಿಸುವದೇನೆಂದರೆ ,
೧. ಆನೆಗೆ ಆನೆಯೇ ಹೊರಟಿರುವಾಗ ನಾವು ಬಾಲಕ್ಕೆ ಬಡಿದಾಡುತ್ತಿದ್ದೇವೇನೋ ಅಂತ; ಸದ್ಯದ ಕನ್ನಡ ಇಂಗ್ಲೀಷೇ ಆಗುತ್ತಿರುವಾಗ , ( ಪತ್ರಿಕೆಯೊಂದರ ಬಜೆಟ್ ವರದಿಯ ಶೀರ್ಷಿಕೆ- ಲಾಲೂ ರೈಲು , ಬಲು ಕೂಲು ! ಇಂಗ್ಲೀಷ್ ತಿಳಿಯದವರಿಗೆ/ ಹಳ್ಳಿಗರಿಗೆ ಈ ವಾಕ್ಯದ ಅರ್ಥ ಹೇಗೆ ಗೊತ್ತಾಗಬೇಕು?- ಅವರಿಗೆ ಕೂಲು ಶಬ್ದದ ಅರ್ಥ ಯಾವ ಕನ್ನಡ ಡಿಕ್ಷನರಿಯಲ್ಲಿ ಸಿಗುತ್ತದೆ? ಮತ್ತು ಇಂದಿನ ಟೀವಿ ಮತ್ತು ದಿನದ ಆಡುನುಡಿಯಲ್ಲಿಯಲ್ಲಿ ನಿನ್ನೆವರೆಗೆ ಉಪಯೋಗಿಸಿದ ಕನ್ನಡಶಬ್ದಗಳನ್ನು ಮರೆಗೆತಳ್ಳಿ ಇಂಗ್ಲೀಷ್ ಮೆರೆಯಲಾರಂಭಿಸಿರುವಾಗ) ನಾವು ಶಬ್ದ ಪ್ರಯೋಗ , ಅಕ್ಷರಶುದ್ಧಿ , ಅಚ್ಚಣದೋಷ , ಸಂಸ್ಕೃತಶಬ್ದ , ಹಳೆಗನ್ನಡ , ವ್ಯಾಕರಣ ಎಂದೆಲ್ಲ ತಲೆ ಕೆಡಿಸಿಕೊಳ್ಳುತ್ತಿದ್ದೇವೇನೋ ಅಂತ . ಆಷ್ಟೊಂದು ನಿಯಮಾನುಸಾರ ಹೋದರೆ ಕನ್ನಡವೂ ಸಂಸ್ಕೃತದ ಹಾಗೆ ಸತ್ತ ಭಾಷೆಯಾಗಿ ಬಿಡುವದೇನೋ !

೨. 'ನಂಗ್ ಬ್ಯಾಡಾದ್ ಪುಸ್ತ್ಕಾ ಅಂತ' ಬರೆದರೆ ವ್ಯಾಕರಣ ಮತ್ತು ಭಾಷಾಶಾಸ್ತ್ರ ಏನು ಹೇಳುತ್ತದೆ?