ಕನ್ನಡಿಯ ನೈತಿಕತೆ

ಕನ್ನಡಿ ಎದುರಿಸಿದ ಸಾಲುಗಳು,,,

"ಒಮ್ಮೆ ಸುಳ್ಳು ಹೇಳಿಬಿಡು ಕನ್ನಡಿಯೇ
ನೆರಿಗೆ-ಗಟ್ಟಿಲ್ಲ ನನ್ನ ಮುಖ ಎಂದು"

(ಯವ್ವನದಿಂದಾ ವೃದ್ದಾಪ್ಯಕ್ಕೆ ಕಾಲಿಡುವಾಗ 
ಕನ್ನಡಿಗೆ ಹೇಳಿದ್ದು -- ಯಯಾತಿಯಲ್ಲ)

************************************

"ಒಮ್ಮೆ ಸುಳ್ಳು ಹೇಳಿಬಿಡು ಕನ್ನಡಿಯೇ 
ಕಪ್ಪು-ಗಟ್ಟಿಲ್ಲ ನನ್ನ ಮುಖ ಎಂದು "

(ಭಾವಗಳಲ್ಲೆ ಬಣ್ಣ ಬಣ್ಣದ ಕನಸು ಹೊತ್ತ
ಕಪ್ಪು ಚರ್ಮದ ಹುಡುಗಿ ಕನ್ನಡಿಗೆ ಹೇಳಿದ್ದು)

***********************************

ತುಂಬು ಯವ್ವನದ ತರುಣಿಯ 
ಕನಸುಗಳ ಹೊರುವುದು
ಅವಳ ಗೋಡೆಯ ಕನ್ನಡಿ,

ಮುಂದೆ ಆಕೆಯ ಬದುಕಲ್ಲಿ
ಬರುವ ತರುಣನ ಬಗೆಗಿನ
ತರ-ತರ ದ ಕನಸುಗಳು 
ದಿನವೂ ಅರಳಿ, ಲೀನವಾಗುವುದು
ಕನ್ನಡಿಯ ಅಂಚಿನಲಿ,,,,,,,

ಕಪ್ಪು ಕಾಡಿಗೆಯ ಅಂದ ;
ತುಟಿಗೆ ಹಚ್ಚಿದ ಕೆಂಪು ; 
ಸೀರೆಯ ಉದ್ದ ನೆರಿಗೆ ;
ಎಲ್ಲವೂ ಕನ್ನಡಿಯ ಎದುರು ನಗ್ನ,,,

ಕಳೆದು ಹೋಗಬಾರದೆಂಬ 
ಹಣೆ ಬೊಟ್ಟು, 
ಅಂಟಿ ನಿಲ್ಲುವುದು ಕನ್ನಡಿಯ 
ಬದಿಯಲ್ಲಿ,,,

ತಟಸ್ಥ ಸ್ಥಿತಿಯಲ್ಲೇ
ತರುಣಿಯ ಅಂದವನು
ಅರಳಿಸುವ ಹೊಣೆ,
ಕನ್ನಡಿಯ ಮೇಲೆ,,,
ಆ ಅಂದವನು ಕಂಡಮೇಲು 
ಕನ್ನಡಿಯ ನೈತಿಕತೆ !
ಅಬ್ಬಾ,,,,,, ಸರಿಸಾಟಿ ಇಲ್ಲ,,,,

--ಜೀ ಕೇ ನ