ಸಿಹಿ ಸಮಯವೇ ನನ್ನೊಡನೆಯೇ ಇರು...

ಸಿಹಿ ಸಮಯವೇ ನನ್ನೊಡನೆಯೇ ಇರು...

ದುಗುಡದ ತೊರೆಯಲ್ಲಿ ಕೊಚ್ಚಿಹೋಗಿರಲು
ಮನದ ಕ್ಲೇಶಗಳಲ್ಲೇ ಮೈಮರೆತಿರಲು
ಆತ್ಮವೇ ಆತ್ಮಾವಲೋಕನದಲ್ಲಿ ಮುಳುಗಿರಲು
ಓ! ಸಿಹಿ ಸಮಯವೇ ಬಳಿ ಬಾ,ಸಂತೈಸು ಬಾ//

ಗೊಂದಲ,ನೆನಪುಗಳ ಕದನಗಳಲ್ಲೇ ಕಾಣೆಯಾಗಿರಲು
ಮನದೊಳಗೆ ನೂರು ತೊಳಲಾಟಗಳು ನಡೆದಿರಲು
ನೋವ ನೆನಪುಗಳು ಮತ್ತೆ ಮತ್ತೆ ದಾಳಿಮಾಡಿರಲು
ಓ! ಸಿಹಿ ಸಮಯವೇ ಬಳಿ ಬಾ, ಕೈಹಿಡಿದು ನಡೆಸು ಬಾ//

ಪ್ರೀತಿ,ವಾತ್ಸಲ್ಯದ ಒರತೆಗಿಲ್ಲಿ ಬರವು
ಹೊಸ ದಿನಗಳು ಸರದಿಯಂತೆ ಬಂದು ಹೋಗುತಿರಲು
ಹೊಸದಿನದ ರವಿ ಬೆಳಗಿಗೆ ಕಾಯುತ್ತಿರಲು
ಓ! ಸಿಹಿ ಸಮಯವೇ ಬಳಿ ಬಾ,ಮಳೆಯ ಕರೆದು ತಾ//