ಸಂಗನಗೌಡರೇ ಗಮನಿಸಿ. ಹಾಂಗ ಹಂಗ ಅಂತ ಬೞಸುವವರು ಉತ್ತರ ಕರ್ಣಾಟಕದ ಜನರು. ಅಂದರೆ ಅನುಸ್ವಾರ ಬೞಕೆ ತಮಿೞರಷ್ಟೆ ಅಲ್ಲ. ಕನ್ನಡದಲ್ಲೂ ಇದೆಯೆನ್ನುವುದಕ್ಕೆ ಇದೇ ಸಾಕ್ಷಿ. ’ಹಾಂಗ’ ಈ ಶಬ್ದ ಹೞಗನ್ನಡದ ’ಪಾಂಗು= ರೀತಿ’ ಯಿಂದ ಬಂದದ್ದು. ಈ ಪಾಂಗು, ಈ ಹಾಂಗು ಆಗಿ ಹೀಂಗು ಆಗಿ ಹೀಗು -> ಹೀಗೆ ಆಗಿದೆ. ಈ ಅನುನಾಸಿಕ/ಅನುಸ್ವಾರ ಹಾಗೆ ಉೞಿದಿದೆ. ಹಾಗಾಗಿ ಕನ್ನಡಗರಿಗೆ ಅಕಾರಾಂತವಾದ ರಾಮ, ಕೃಷ್ಣ ನಿಜವಾಗಿ ರಾಮಂ(ನ್), ಕೃಷ್ಣಂ(ನ್), ಅವಂ(ನ್) ಬಂದಂ(ನ್). ಈ ’ನ್’ ವನ್ನು ಸ್ವಲ್ಪ ಮೆದುವಾಗಿ ಉಚ್ಚರಿಸಬೇಕು. ಹಾಗಾಗಿ ಅಕಾರಾಂತದ ಕೊನೆಯ ’ನ್’ ಬಱಿ ತಮಿೞ್‍ ಹಾಗೂ ಮಲಯಾಳಂಗೇ ಮೀಸಲೆಂದು ಭಾವಿಸಬೇಡಿ. ಅದು ಕನ್ನಡದಲ್ಲೂ ಇದೆ. ಹೊಸಗನ್ನದದಲ್ಲಿ ನಾವು ರಾಮನು, ಕೃಷ್ಣನು, ಅವನು (ಉಕಾರ ಬೆರಸಿದ ನಕಾರ ಬೞಸುತ್ತೇವಷ್ಟೇ).