ಈ ಭಯದಿಂದಲೇ ಕೆಲವು ವಾರಗಳ ಹಿಂದೆ ಇದನ್ನು ಪೋಸ್ಟಿಸಿದ್ದೆ. ದಯವಿಟ್ಟು ಇದನ್ನು ಗಮನಿಸಿ.
ಒಂದು ವಿಚಾರ ಮನದಟ್ಟು ಮಾಡಿಕೊಳ್ಳೋಣ. ಇಲ್ಲಿ ಯಾರೂ ದೊಡ್ಡವರಲ್ಲ. ಯಾರೂ ಸಣ್ಣವರಲ್ಲ. ನಾವೆಲ್ಲರೂ ಸಮಾನರು. ಆದಷ್ಟು ಜಾಗೃತಿ ವಹಿಸಿ ತಪ್ಪುಗಳಾಗದಂತೆ ನೋಡಿಕೊಳ್ಳೋಣ. ಹಾಗೆಯೇ ಯಾರಾದರು ತಪ್ಪುಗಳನ್ನು ತೋರಿಸಿದರೆ. ಬೇಜಾರು ಮಾಡಿಕೊಳ್ಳುವುದು ಬೇಡ.
ಇನ್ನೊಂದು ವಿಷಯ ಹೇಳುತ್ತೇನೆ. ನಮ್ಮ ಕಛೇರಿಯಲ್ಲಿ ಅವಮಾನ ಗೋಡೆ(ವಾಲ್ ಆಫ್ ಷೇಮ್) ಅಂತ ಇಟ್ಟಿದ್ದಾರೆ. ನಾವು ಕೋಡಿಂಗ್ ನಲ್ಲಿ ಎಷ್ಟೇ ಚಾಣಾಕ್ಷರಾಗಿದ್ದರೂ ಕೆಲವೊಮ್ಮೆ ಸಣ್ಣ ಸಣ್ಣ ತಪ್ಪುಗಳಿಗೆ ಆ ಪಟ್ಟಿಯಲ್ಲಿ ಬರುವುದುಂಟು. ನಾನು ಇಲ್ಲಿಯವರೆಗೆ ಬಂದಿಲ್ಲ ಮತ್ತೆ.
ಇನ್ನೊಂದು ವಿಷಯ ಗಮನಿಸಿ.
ನಾವು ಕೋಡಿಂಗ್ ನಲ್ಲಿ ಎಷ್ಟೇ ಚಾಣಾಕ್ಷರಾಗಿದ್ದರೂ ಕೆಲವೊಮ್ಮೆ ಸಣ್ಣ ಸಣ್ಣ ತಪ್ಪುಗಳಿಗೆ ಆ ಪಟ್ಟಿಯಲ್ಲಿ ಬರುವುದುಂಟು.
ಇದನ್ನು ಹೀಗೂ ಹೇಳಬಹುದಿತ್ತು.
ನೀವು ಕೋಡಿಂಗ್ ನಲ್ಲಿ ಎಷ್ಟೇ ಚಾಣಾಕ್ಷರಾಗಿದ್ದರೂ ಕೆಲವೊಮ್ಮೆ ಸಣ್ಣ ಸಣ್ಣ ತಪ್ಪುಗಳಿಗೆ ಆ ಪಟ್ಟಿಯಲ್ಲಿ ಬರುತ್ತೀರಿ..

ನೋಡಿ ಮೊದಲನೆಯದು ಓದುವವರಲ್ಲಿ ಅಪರಾಧಿ ಭಾವ ಉಂಟುಮಾಡುವುದಿಲ್ಲ, ಏಕೆಂದರೆ ಅಲ್ಲಿ ಬರೆದಿರುವವರೆ ತಪ್ಪುಮಾಡುತ್ತಿರುವುದು. ಓದುವವರಲ್ಲ.
ಆದರೆ ಎರಡನೆಯದು, ಓದುಗರಲ್ಲಿ ತಪ್ಪಿತಸ್ಥ ಭಾವ ಉಂಟುಮಾಡುತ್ತದೆ. ಲೇಖಕ ಮಾತ್ರ ತಾನು ಸರಿ ಎಂದು ಹೇಳಿದಂತಾಗುತ್ತದೆ.