ಹಾಗೇನೂ ಇಲ್ಲ. ಇಂಗ್ಲಿಷಿನ month, monday, ಚಂದ್ರನಿಂದಲೇ. month=ತಿಂಗಳು ಚಂದ್ರನಿಂದಲೇ. ಸಂಸ್ಕೃತದ ಮಾಸವಿನ್ನೇನು? ಅದು (ಚಂದ್ರ)ಮಾಸ್‍ನಿಂದಲೇ. ಅಲ್ಲ ಸ್ವಾಮಿ ಮಾಸದ/ತಿಂಗಳ/monthನ ಅಳತೆ ಸಿಗುವುದೇ ಚಂದ್ರನ ಚಲನೆಯಿಂದ. ಚಂದ್ರ ತಿಂಗಳಿಗೆ ಭೂಮಿಯ ಸುತ್ತ ಒಂದು ಸುತ್ತು ಬರುತ್ತಾನೆ. ಆದ್ದರಿಂದ ಕನ್ನಡಿಗರಿಗೆ ತಿಂಗಳ್‍ = ಚಂದ್ರನೇ ತಿಂಗಳ ಸೂಚಕ. ಇದು ಎಲ್ಲರಿಗೂ ಕೂಡ. ಸೂರ್ಯನಿಗೆ (ಭೂಮಿಯಿಂದ ನೋಡಿದಂತೆ) ಒಂದು ಸುತ್ತು ಬರಲು ಒಂದು ವರ್ಷ ಬೇಕು. ಆದ್ದರಿಂದ ಚಂದ್ರನೇ ತಿಂಗಳ ಅಳತೆಗೆ ಆಧಾರ. ಹಾಂ! ಇನ್ನೊಂದು ಹೇಳಲು ಮಱೆತೆ. ತೆಲುಗಿನ ತಿಂಗಳು ಎಂದು ಹೇೞುವ ’ನೆಲ’ ಕೂಡ ಚಂದ್ರನೆಂದೆ. ಅವರು ಬೆಳ್ದಿಂಗಳಿಗೆ ವೆನ್ನೆಲ ಎನ್ನುವರು. ವೆಲುಗು=ಬಿಳಿ ನೆಲ=ಚಂದ್ರ. ತಮಿೞಿನ ನಿಲಾ ಎಂದರೂ ಚಂದ್ರನೇ.