ನಿಜಕ್ಕೂ ಇವತ್ತು ಮಾಧ್ಯಮಗಳು ಜನರ ಖಾಸಗೀ ಬದುಕನ್ನು ಪ್ರವೇಶಿಸಿವೆ. ಕೇವಲ ೧೫ ವರ್ಷದ ಹಿಂದೆ ಇಂತಹ ವಿಷಯಗಳೆಲ್ಲಾ ಸುದ್ಧಿಯೇ ಆಗುತ್ತಿರಲಿಲ್ಲ. ದಿನಕ್ಕೆ ಒಂದೆರಡುಬಾರಿ ದೂರ ದರ್ಶನ ವಾರ್ತೆ ಬರುತ್ತಿತ್ತು. ಅದರಲ್ಲಿ ಬರೀ ರಾಜಕೀಯ/ಕ್ರೀಡಾ ವಾರ್ತೆಗಳೇ ಇರುತ್ತಿದ್ದವು. ಈ ರೀತಿ ವರ್ಣ ರಂಜಿತ ವಾರ್ತೆಗಳಿರುತ್ತಿರಲಿಲ್ಲ.

ಇಂದು ವಾರ್ತೆ ನೀಡುವುದನ್ನೇ ವ್ಯಾಪಾರ ಮಾಡಿಕೊಂಡಿರುವ ಮಾಧ್ಯಮಗಳು ಜನರಿಗೆ ’ಬ್ರೇಕಿಂಗ್ ನ್ಯೂಸ್’ ಕೊಡುವ ಪೈಪೋಟಿಯಲ್ಲಿ ಎಷ್ಟೊಂದು ಮನೆ, ಮನಗಳನ್ನೇ ಮುರಿದುಹಾಕಬಹುದು ಎಂಬುದಕ್ಕೆ ಇತ್ತೀಚೆಗೆ ನಡೆದ ಘಟನೆ ಸಾಕ್ಷಿ.