ಎಲ್ಲವನ್ನು ವಿವರಿಸಿದ್ದೇನೆ. ಇಲ್ಲಿ ಗಿಳಿ ಶಬ್ದದಲ್ಲಿ ’ಳಿ’ ಹಿಂದೆ ಅನುನಾಸಿಕವಿದೆ. ಅದಕ್ಕೇ ಎರಡೂ ರೂಪಗಳು ಗಿಳಿ ಮತ್ತು ಗಿಣಿ. ಬೇಯ್, ಬರ್, ಕೊಲ್, ಕೊಳ್ ಈ ಶಬ್ದಗಳನ್ನು ತೆಗೆದುಕೊಳ್ಳಿ. ಇಲ್ಲಿ ಯ್, ರ್, ಲ್ ಮತ್ತು ಳ್ ಹಿಂದೆ ಅನುನಾಸಿಕವಿರುವಿದಱಿಂದ ಭೂತಕಾಲದಲ್ಲಿ ಬೆಂದು, ಬಂದು, ಕೊಂದು, ಕೊಂಡು ಆಗುತ್ತವೆ. ಹಾಗಿಲ್ಲದ ಆಯ್, ಇರ್, ಮೆಲ್, ಕೇಳ್ ‍ಗಳಿಗೆ ಕ್ರಮವಾಗಿ ಆಯ್ದು, ಇರ್ದು(ಇದ್ದು), ಮೆಲ್ದು(ಮೆದ್ದು), ಕೇಳ್ದು(ಕೇಳಿ) ರೂಪಗಳಾಗುತ್ತವೆ. ಎರಡನೆಯ ’ಯ್’, ’ರ್’,’ಲ್’ ಮತ್ತು ’ಳ್’ ಗಳು ನಿರನುನಾಸಿಕಗಳು. ಕನ್ನಡದಲ್ಲಿ ಸಾನುನಾಸಿಕ ’ಱ’ ಕಾರವು ’ನ್ದು’ ಎಂಬ ರೂಪ ಪಡೆಯುತ್ತದೆ. ಗಮನಿಸಿ ತಮಿೞಿನ ’ಒನ್ಱು’ ಗೆ ಕನ್ನಡ ಜ್ಞಾತಿ ಶಬ್ದ ’ಒಂದು’. ನಿಮ್ಮ ಸಂದೆಯ ಬಗೆಹರಿಯಿತೆಂದು ಭಾವಿಸುತ್ತೇನೆ.