ಕವನ ಸೊಗಸಾಗಿದೆ. ಐ.ಟಿ. ಬಿ.ಟಿ ಬಿಟ್ಟು ಬಾರಾ... ಮೇಟಿ ನಾಟಿ ಮಾಡು ಬಾರಾ... ಎಂದು ಕೃಷಿಯತ್ತ (ಕೋಟಿವಿದ್ಯೆಗಳಲ್ಲಿ ಮೇಟಿ ವಿದ್ಯೆಯೇ ಮೇಲು!) ಯುವಕರನ್ನು ಆಕರ್ಷಿಸಬೇಕಾಗಿದೆ ಎನ್ನುವುದು ಕಹಿಸತ್ಯ.

ಅಂದಹಾಗೆ, 'ಬಾರ' ಪದಪ್ರಯೋಗ ಕುರಿತಂತೆ ಒಂದು ಜಿಜ್ಞಾಸೆ.

'ಬಾರ' ಎಂಬ ಪದವನ್ನು 'ಬರಲಾರ' ಎಂಬರ್ಥದಲ್ಲಿ ಕೆಲವರು/ಕೆಲವೆಡೆ ಉಪಯೋಗಿಸಿದ್ದನ್ನೂ ('ಬಂದಾನೋ ಬಾರನೋ ತಂದಾನೋ ತಾರನೋ...) ಎಲ್ಲೋ ಓದಿದ ನೆನಪಿದೆ. muralihr ಅವರು ಕವನದಲ್ಲಿ 'ಬಾರಾ...' (ಕುಣಿಯೋಣು ಬಾರಾ... ಇದ್ದಂತೆ) ಎಂದು ಆಜ್ಞಾರ್ಥಕರೂಪದಲ್ಲಿ ಬಳಸಿದ್ದಾರೆಯೇ ಅಥವಾ 'ಬರಲಾರ' ಎಂಬ ಹತಾಶಭಾವದ affirmative ರೂಪವೂ ವ್ಯಕ್ತವಾಗಿದೆಯೇ ಅನಿಸುತ್ತಿದೆ!

- ಶ್ರೀವತ್ಸ ಜೋಶಿ