ಬಲ್ಲರ್ ಸರಿಯಿದೆ. ನಿಮಗಿದು ಗೊತ್ತಿರಬಹುದು. ಅನ್, ಅಳ್, ಅದು, ಅರ್, ಅಯ್, ಇರ್, ಎನ್, ಎಮ್ ಇದ್ದಾನೆ, ಇದ್ದಾಳೆ.............ಇದ್ದೇನೆ, ಇದ್ದೇವೆಗೆ ಸಂಕುಚಿತ ರೂಪಗಳು. ಹಾಗಾಗಿ ಬಲ್ಲ+ಅನ್=ಬಲ್ಲನ್, ಬಲ್ಲ+ಅರ್=ಬಲ್ಲರ್ ಸರಿ ರೂಪ.
ಗಮನಿಸಿ ರನ್ನನ ಗದಾಯುದ್ಧದ ಪದ್ಯ

ಪರಿಣತವಯಸರೆಮಿರ್ಕ-
ಣ್ಗುರುಡರೆಮೆಮಗಿಂಬುಕಯ್ವುದುಚಿತಂ ನಿನ್ನೀ||
ಗುರು ನುಡಿದ ನುಡಿಗೊಡಂಬಡು
ಗುರುವಚನಮಲಂಘ್ಹನೀಯಮೆಂಬುದು ಮಗನೇ||

ವೃದ್ಧ ಧೃತರಾಷ್ಟ್ರ ಮತ್ತು ಗಾಂಧಾರಿಯರು ದುರ್ಯೋಧನನನ್ನುೞಿದು ತಮ್ಮೆಲ್ಲ ಮಕ್ಕಳನ್ನು ಕಳೆದುಕೊಂಡಾಗ ದುರ್ಯೋಧನನಿಗೆ ಹೇೞುವ ಮಾತುಗಳಿವು
ಪರಿಣತವಯಸರೆಮ್=ತುಂಬಿದ ವಯಸ್ಸಿನವರಿದ್ದೇವೆ. ಇರ್ಕಣ್ಗುರುಡರೆಮ್= ಎರಡೂ ಕಣ್ಣುಗಳಿಲ್ಲದ ಕುರುಡರಿದ್ದೇವೆ. ಇತ್ಯಾದಿ ಇಲ್ಲಿ ಇದ್ದೇವೆ ಎಂಬರ್ಥದಲ್ಲಿರುವ ಎಮ್‍ ರೂಪ ನೋಡಿ.