ಶ್ರೀಕಾಂತ ಮಿಶ್ರಿಕೋಟಿಯವರು ಹೇೞುವಂತೆ ಕನ್ನಡ ಮುಕ್ತಾಯ/ಮುಗಿತಾಯದ ಮುಗಿ ಬೇಱೆ. ಮುಕ್ತಿಯ ಬೇರು ಬೇಱೆ. ಮುಕ್ತಿಯ ಬೇರು ಮುಚ್‍ ಧಾತುವಿನ ಕ್ತಿನ್ನಂತ. ಸಂಸ್ಕೃತದ ಮುಚ್=ಬಿಡು. ಕನ್ನಡದ ಮುಗಿ=ಮುಚ್ಚು, ಆವರಿಸು (ಮುಗಿಬೀೞು=ಮೈಯನ್ನೆಲ್ಲ ಮುಚ್ಚುವಂತೆ ಮುಗಿಬೀೞು) ಕೈಮುಗಿ=ಎರಡು ಕೈಗಳನ್ನು ಮುಚ್ಚು. ಮುಕ್ತಾಯ= ಪರದೆ ಮುಗಿಬೀೞುವುದಱಿಂದ ನಾಟಕ/ಸಿನಿಮಾದ ಕೊನೆಯಾಗಿದೆ ಎಂಬುದಾಗಿ ಸೂಚ್ಯಾರ್ಥವೇ ಹೊಱತು ಒಂದು ವಿಷಯದ ಕೊನೆ ಎಂದು ನೇರ ಅರ್ಥವಲ್ಲ. ಈ ಪದ ಬೞಕೆಯಾಗಿರುವ ಇತಿಹಾಸವನ್ನು ನೋಡಿ ನಿರ್ಧಾರಕ್ಕೆ ಬರುವುದು ಒಪ್ಪು.