ಈ ಬರಹವನ್ನು ಸಂಪದದಲ್ಲಿ ಹಂಸಾನಂದಿಯವರು ಬರೆದಾಗ, ಅದು "ತೆಳುಹಾಸ್ಯದ ಧಾಟಿಯಲ್ಲಿ" ಇತ್ತು. ಈ ದಿನ ದಟ್ಸಕನ್ನಡದಲ್ಲಿ ಬಂದಿರುವ ಕಾಮೆಂಟುಗಳನ್ನು ನೋಡಿದರೆ, ಅದು "ಹಾಸ್ಯವನ್ನು ಮೀರಿ ಸುಪ್ತಗಟ್ಟಿದ ಭಾವನೆಗಳನ್ನು ಹೊರದಬ್ಬಲು" ಪ್ರಚೋದಿಸಿದ ವೇದಿಕೆಯಾಗಿದೆ. "ಕನ್ನಡದಿಂದ ಏನೋ ಕಳ್ದೋಗತ್ತೆ" ಅನ್ನೋ ಧಾಟಿಯಲ್ಲಿಯೇ ಬಹುತೇಕರು ಬರೆದಿದ್ದಾರೆ. ಪಾಪ ಆ ಎಳೆಯಲ್ಲಿ ಕಮೆಂಟಿರುವವರಿಗೆ ಗೊತ್ತಿದೆಯೋ ಇಲ್ಲವೋ, ಕನ್ನಡದಲ್ಲಿದ್ದ ಱಳಕುಳಗಳು ಈಗಾಗಲೇ ಯಾವ್ದೋ ರಭಸಕ್ಕೆ ಎಗರಿಕೊಂಡು ಹೋಗಿವೆ.

ಸಧ್ಯ, ಕನ್ನಡದ ಪುಣ್ಯ "ಎ, ಒ" ಗಳು ಇನ್ನೂ ಕನ್ನಡದಲ್ಲಿ ಉಳಿದುಕೊಂಡಿವೆ. ಇಲ್ಲಾ ಅಂದಿದ್ರೆ, ಈ ಸಂಸ್ಕೃತದ ಅತಿವ್ಯಾಮೋಹವಿರುವವರು "ನಮ್ಮ ದೇವಭಾಷೆ ಸಂಸ್ಕೃತದಲ್ಲಿಯೇ 'ಎ,ಒ' ಇಲ್ಲ ಇನ್ನು ನಿಮ್ಮ ಕೀಳು ನುಡಿ ಕನ್ನಡಕ್ಕೆ ಏಕೆ ಅಂತ"!!!!! ಅದನ್ನೂ ಕೀಳಿಸಿಬಿಡ್ತಿದ್ರು. ಇದು ಸುಳ್ಳಲ್ಲ. ಒಬ್ಬ ದೊಡ್ಡ ವಿದ್ವಾಂಸರು "ಸಂಸ್ಕೃತವಿಲ್ಲದ ಕನ್ನಡ ಕೀಳು" ಅಂತ ದೊಡ್ಡ ಪೇಪರ್ ಸ್ಟೇಟಮೆಂಟ್ ಕೊಟ್ಟಿದ್ರು. ಸಂಪದದಲ್ಲಿಯೇ ದೊಡ್ಡ ಚರ್ಚೆಯಾಗಿದೆ ಇದರ ಬಗ್ಗೆ.

ಇರಲಿ ಬಿಡಿ, ದಟ್ಸಕನ್ನಡದವರಿಗೆ ಭರ್ಜರಿ ಹಿಟ್ಸ್ ಸಿಕ್ಕಿರತ್ತೆ ಅದರಿಂದ ಅವರ ಜಾಹೀರಾತುಗಳೂ ಬೆಳೆಯಲಿ. ಒಂದಂತೂ ಸ್ಪಷ್ಟ. ಈ "ಕನ್ನಡ-ಸಂಸ್ಕೃತ" ಚರ್ಚೆ ತಾತ್ವಿಕ ಮಟ್ಟವನ್ನು ಮೀರಿ ಇಂತಹವುಗಳನ್ನೂ ಹೇಗೆ ವೆಬ್ಸೈಟ್ ಪಬ್ಲಿಸಿಟಿಗೆ ಬಳಸಬಹುದು ನಗ್ನ ಸತ್ಯವನ್ನು ತೋರಿಸುತ್ತಿದೆ.